¹ Jisus duaan uak dahin daha' halam perumpamaan-perumpamaan, dahun-Na, ² "Umaa' Telaangjulaan hamaan d' umpamaakan nekelung kelunaan hipi alang naa' pesta pahawaak man anaak lake' na. ³ Dahin, hia' nyuhu' d' hamba na jung muvi kelunaan-kelunaan alang au d' undang ha pesta anaan, tapi daha' jaan ikam atang. ⁴ Au hiti', hipi nyuhu' uak hamba-hamba alang bale, dahun na, 'Gi na man kelunaan-kelunaan alang d' undang, Nyinang, akio au nyiap pengumaan kui. Lembu-lembu lakin dahin tinaak-tinaak alang madung ina' pah au an d' lemate, dahin lim ina' pah au siap. Atang na ha perjamuan hawaak ani'.' ⁵ Tapi, daha' jaan peduli au hiti' leka', alang jii te ha luma' na, alang bale te ha usaha na, ⁶ dahin alang bale na mekaam hamba-hamba hipi anaan, ngeperaah, dahin lemate daha'. ⁷ Maka, hipi heleh, dahin ngayo' tentara-tentara na, te ngepaah d' alang lemate-lemate anaan, dahin nutung kota daha'. ⁸ Au hiti', hia' duaan ha hamba-hamba na, 'Pesta pahawaak au siap, tapi kelunaan-kelunaan alang d' undang anaan jaan layak. ⁹ Kenaan hia' ti, leka' na ha alaan-alaan ayaa' dahin undang na kuri kelunaan alang hamaan im pehina ha pesta pahawaak ani'.' ¹⁰ Maka, hamba-hamba anaan leka' ha alaan-alaan dahin pehengkung na lim kelunaan alang daha' pehina, alang au dahin alang ja'ak. Dahin, nayaan pahawaak anaan penuu' kenaan lim tamu. ¹¹ Tapi, teguu' hipi mutaam sang pehina dahin lim d' tamu na, hia' lemnang ji kelunaan ha tinaan, alang jaan mete' hakaaw pesta pahawaak. ¹² Hia' duaan dahin na, 'Harik, nuno tun ka hamaan mutaam ha tini' jaan mete' hakaaw nayaan d' pahawaak?' Dahin, kelunaan anaan ngeraam. ¹³ Au hiti' hipi anaan duaan ha hamba-hamba na, 'Ngatung usuu' dahin tudak na, au hiti' ketah na hia' ha halam gat alang lidam ha luar. Tinaan, sang te' na dahun angii' dahin dahun ipan.' ¹⁴ Sebab, kahum alang d' uvi, tapi uk alang d' pilii'." ¹⁵ Au hiti', kelunaan-kelunaan Farisi leka' dahin pekeduaan jung daha' hamaan mekaam Jisus dahin dahun-Na. ¹⁶ Au hiti', daha' ngutus murid-murid daha' ha Jisus, pejii' dahin kelunaan-kelunaan Herodian. Daha' duaan, "Guru, kame' jaam bahwa Ika' na jujur au hiti' pekale alaan Tipang halam alang laan. Ika' jaan takut ha hi pun kenaan Ika' jaan tulaa' nang. ¹⁷ Ha' nunaan, duaan na nun pendapat-Ka tentang kame'. Apakah an d' gii' laan ha' bayar pajak ha kaisar atau jaan?" ¹⁸ Tapi, Jisus jaam gat alang ja'ak an d' naa' dahin duaan, "Na' nun pa ika' nesaak Akui, hai kelunaan munafik? ¹⁹ Petulaak na man Akui duit nayaan pajak anaan." Au hiti', daha' mai ji keping dinar ha Hia'. ²⁰ Au hiti', Hia' duaan dahin daha', "Anun hi gambar dahin tulisan ani'?" ²¹ Daha' nyuee, "Kaisar," Au hiti', Jisus duaan ha daha', "Kenaan hiak naan. bayar na ha kaisar hal-hal anun Tipang." ²² Teguu' ngering ina', daha' hiran-hiran, au hiti' temoh melaak Hia' dahin leka'. ²³ Teguu' do alang tiah, kelunaan-kelunaan Saduki, alang duaan bahwa jaan te' kebangketan, atang ha Jisus temoh metang ha Hia'. ²⁴ Daha' duaan, "Guru, Musa duaan bahwa ha' kelunaan lake' mate dahin jaan hipun anaak, harjn lake'-lake' na harus ngahawaak hawaan na dahin mano keturunan man harin na alang mate anaan. ²⁵ K're ni, te' tusuu' peharin antara kame'. Alang ke jii' au pahawaak, dahim mate tanpa hipun anaak, dahin melaak hawaan na man harin na. ²⁶ Nuti lim pa dahin alang kedua, alang ketelog, atang alang ketusuu'. ²⁷ Akhir man ina' pah, doh anaan pun mate lim. ²⁸ T' do kebangketan, doh anaan jadi hawaan hi man ketusuu' paharin anaan? Kenaan, lim daha' pah au ngahawaak hia'." ²⁹ Tapi, Jisus nyuee dahin duaan ha daha', "Ika' lingo', jaan jaam Kitab Suci ataupun kuasa Tipang. ³⁰ Kenaan, teguu' do kebangketan, daha' jaan ngahawaak ataupun d' kahawaak. tapi nekelung malikat-malikat ha telaangjulaan. ³¹ Tapi, mengenai kebangketan kelunaan-kelunaan mate, jaan pa ika' basa nun alanh d' gi ha ika' man Tipang, ³² 'Akui k Tipang Abraham, Tipang Ishak, dahin Tipang Yakun'? Hia' bukan Tipang kelunaan mate, melainkan Tipang kelunaan alang murip." ³³ Teguu' kelunaan kahum hiran-hiran t' gat pengajaran-Na. ³⁴ Tapi, teguu' kelunaan-kelunaan Farisi kering bahwa Jisus au naa' kelunaan-kelunaan Saduki ngeraam, pehengkung na daha'. ³⁵ Au hiti', ji man daha', ji ahli Hukum Taurat, metang ha Jisus sang menguji-Hia', ³⁶ "Guru, suhuu' ano' kah alang paling penting halam Hukum Taurat?" ³⁷ Dahin, Jisus duaan dahin na, "Ika' harus mengasihi Tanangaan Tipang ka dahin segenap ate ka, dahin segenap beruaan ka, dahin segenap kenaap ka. ³⁸ Ani' naan suhuu' alang tayaa' dahin alang tahari. ³⁹ Alang kedua naan nekelung ani', 'Ika' harus mengasihi alang tiah ika' nekelung diri ka dap.' ⁴⁰ Halam kedua suhuu' ani', tegantung lim Hukum Taurat dahin kitab daha' nabi." ⁴¹ K're ni, jiarun kelunaan-kelunaan Farisi pehengkung pejii', Jisus metang ha daha', ⁴² "Nuno tun pendapat ka ha Jisus? Anaak hi kah Hia'?" Daha' duaan dahin-Na, "Anaak Daud." ⁴³ Hia' duaan ha daha', "Ha' nunaan, nuno kah Daud, halam Roh, muvi Hia' 'Tuan', dahun na, ⁴⁴ 'Tanangaan berfirman ha tuan kui, "Melok na ha behenji betao' Kui, atang Akui mete d' lawan-lawan-Ka ha idaak tudak-Ka.'? ⁴⁵ Ha Daud muvi Kristus sebagai 'Tuan', nuno pa bisa hia' naan anaak Daud?" ⁴⁶ Jaan te' ji pun alang hamaan nyuee ji daho' ha Hia'. Dahin, man do anaan, jaan te' kelunaan alang tevaah metang tang-tang uak ha Hia'.