¹ Au hiti', te' k' kuri kelunaan Farisi dahin ahli-ahli Taurat man Yerusalem atang ha Jisus au hiti' duaan, ² "Na nun pa d' murid-murid-Ka melanggar tradisi huku' ayaa'? Kenaan. daha' jaan mayo' usuu' teguu' kumaan roti!" ³ Dahin, Jisus nyuee temoh duaan ha daha', "Dahin, na nun pa ika' lim melanggar suhuu' Tipang demi tradisi ka? ⁴ Kenaan Tipang berfirman, 'Hormati na Tamaam dahin hinaam,' ⁵ Tapi, ika' duaan, "Hi lim alang duaan dahin tamaan atau hinaan na, 'Nun lim pemberian man ika' au an d' persembahkan man Tipang," ⁶ hia' jaan perlu menghormati tamaan atau hinaan na. Dahin demikian, ika' ngebatal firman Tipang demi tradisi ka. ⁷ Ika', kelunaan-kelunaan munafik, memang laan nubuatan Tesaya tentang ika': ⁸ 'Bangsa ani' menghormati Akui dahin baa daha', tapi kenaap daha' suu' man Akui. ⁹ Dahin, sia-sia na daha' menyembah-Kui dahin pekale suhuu'-suhuu' kelunaan." ¹⁰ Dahin, Jisus muvi kelunaan kahum au hiti' duaan, "Kering au hiti' pahami na! ¹¹ Bukan nun alang mutaam ha halam baa alang na kelunaan najis, tapi nun alang musaang man baa na, ani' k' alang na kelunaan najis." ¹² Au hiti', murid-murid Jisus atang au hiti' metang ha hia', "Jaam ka Ika' bahwa kelunaan-kelunaan Farisi tersinggung teguu' ngering pernyataan ani'?" ¹³ Tapi, Jisus nyuee au hiti' duaan, "Lim tuvu' alang jaan d' tuvuu" man Tamaan-Kui alang telaangjulaan sang d' tubit atang akah-akah na. ¹⁴ Hembe na daha'. Daha' naan penuntun-penuntun buta man kelunaan-kelunaan buta. Dahin, ha' kelunaan buta geri kelunaan buta, kedua na sang legaak ha halam luvaang." ¹⁵ Petrus duaan dahin-Na, "Jelaskan na perumpamaan anaan ha akui." ¹⁶ Jisus duaan, "Apakah p'lo jaan pa ngerti lim? ¹⁷ Apakah ika' jaan ngerti bahwa lim gat alang mutaam ha halam baa sang ngileh ha butit dahin d' ueh ha halam jabaan? ¹⁸ Tapi, te' alang musaang man baa nyemo man atee, dahin anaan na alang menajiskan kelunaan. ¹⁹ Kenaan man atee nyemo kenaap-kenaap ja'ak, plemate, perzinaan, dusa-dusa alang bawak, nako, kesaksian alang mamoh, dahin fitnah. ²⁰ Hal-hal ani' ka alang menajiskan kelunaan, tapi kumaaj tanpa mayo usuu' jaan menajiskan kelunaan." ²¹ Au hiti', Jisus leka' man hiti' dahin te leka' ha daerah Tirus dahin Sidon. ²² Dahin, ji doh Kanaan alang asal na man daerah anaan atang au hiti' bukaak, "Masii' im Akui, Tanangaan, Anaak Daud! Anaak doh kui putaam roh ja'ak alang ulaak pate.'' ²³ Tapi, Jisus jaan nyuee doh anaan, ji daho' pun. Dahin, murid-murid-Na atang au hiti' pehigaak-Hia', dahun daha', "Nyuhu na hia' leka' kenaan hia' pebukaak temoh ha laung ta.'' ²⁴ Au hiti', Hia' nyuee dahin duaan, ''Akui hanya d' utus ha domba-domba alang pu'eh man umat Israel.'' ²⁵ Au hiti', doh anaan atang dahin sujud ha nang Jisus, dahun na, ''Tanangaan, tulong im akui!'' ²⁶ Tapi, Jisus nyuee dahin duaan, ''Jaan sayuu apii' roti d' nyaam hipun dahin ngetah ina' had' asok-asok.'' ²⁷ Doh anaan nyuee, ''Laan, Tanangaan, tapi asok-asok anaan kumaan remah-remah alang legaakman mija tuan na.'' ²⁸ Au hiti', Jisus duaan dahin na, ''Hai doh, iman ka tayaa'! Terjadi na ha ika' nekelung alang im ikam.'' Teguu' do hiak na lim pa, anaak doh na d' navaah. ²⁹ Jisus leka' man hiti, pano ha bahe' danum Galilea, Dahin, teguu' au mu'un ha usun ngalaang, Hia' melok hiti. ³⁰ Au hiti', kelepang kelunaan atang ha Hia', gerii' kelunaan-kelunaan alang lumpuh, cacat, buta, bisu, dahin kelunaan kahum bale na. Au hiti', daha' pepiri kelunaan-kelunaan anaan ha tudak Jisus dahin Hia' navaah daha', ³¹ sehingga kelunaan kahum anaan hiran-hiran teguu' daha' lemnang alang bisu duaan, alang cacat d' navaah, alang lumpuh hamaan pano, dahin alang buta hamaan lemnang. Dahin, daha' memuliakan Tipang Israel. ³² Au hiti', Jisus muvi d' murid-murid-Na dahin duaan, "Akui masii' ha kelunaan-kelunaan anaan kenaan daha' au peji Dahik selama telog do dahin jaan hipun pengumaan. Dahin, Akui jaan ikam nyuhu daha' laap pe'laok jung daha' jaan pingsan halam ano." ³³ Au hiti', lim d' murid duaan ha Hia', "Man hino ta apii' roti alang kahum ha nayaan lengio ani' ngebesoh kelunaan alang kahum ani'." ³⁴ Jisus metang ha daha', "Kuri kahum roti alang im hipun?" Daha' nyuee, "Tusuu', dahin kuri masik uk." ³⁵ Au hiti', Jisus nyuhu' kelunaan kahum anaan melok ha tanaa'. ³⁶ Ah hiti', Hia' apii' ketusuu' roti serta masik-masik anaan. Dahin, sambel ngucap syukur, Hia' munaang-munaang ina', dahin mai ina' ha murid-murid-Na, dahin d' murid-murid-Na mai ina' ha kelunaan kahum anaan. ³⁷ Lim daha' pah kumaan dahin d' ngebesoh. Au hiti', daha' apii' unaang-unaang alang sisa, te' tusuu' keragaak penu'. ³⁸ Daha' alang kumaan te' paat ribu d' lake, jaan pa termasuk doh dahin d' nyaam-nyaam. ³⁹ Teguu' au nyuhu' kelunaan kahum anaan laap, Jisus mutaam ha haruk au hiti' leka' ha daerah Magadan.