¹ Teguu' do tahari' minggu anan, teguu' do masih jehima' laan, doih-dooh anan te ha' kubor Jisus sambel geri' rempah-rempah alang au daha' persiapkan. ² Dahin daha' kelaan bato' aya' au terguling man kubor. ³ Tapi, teguu' daha' mutam, daha' jaan havung mayat Tanangaan Jisus. ⁴ Teguu' daha' masih tehiran-hiran kenan gat anan, takjat te' dua' kalunaan alang mete' hakaow berkilau-kilauan nekering ha' behenji' daha'. ⁵ Dooh-dooh anan takut laan dahin menundukkan nang daha', tapi kedua' kalunaan anan duaan, "Na' nun ika' ilo kalunaan alang murip man antara d'kalunaan mate? ⁶ Jisus jaan te' ha' tini', Hia' au bangket. Ingat nah tentang nun alang au Hia'-duaan ta' ika' teguu' Hia' masih ha' Galilea. ⁷ Hia' duaan Anaa' Manusia harus ga' serahkan ha' usuu' d'kalunaan bedusa, ga' salebkan, dahin sang bangket ngua' teguu' do ketelo'." ⁸ Maka, dooh-dooh anan teringat ta' daho' Jisus. ⁹ Au daha' nekulah man kubor Jisus, daha' mai daho' lim peristiwa anan ta' ke pulu' ji' rasul serta lim pengikut Jisus alang bale na'. ¹⁰ Dooh-dooh alang mai daho' gat anan ta' lim rasul hia' ti' Maria Magdalena, Yohana, Maria hinaan Yakobus, dahin kuri' dooh bale. ¹¹ Tapi, daho' dooh-dooh anan ga' anggap duaan guhang man lim rasul dahin daha' jaan pesaya' ta' dooh-dooh anan. ¹² Tapi, Petrus nekering dahin te liung ha' kubor Jisus. Hia' membungkuk dahin nginaang ha' halam, tapi hia' hanya havung kain linen pembungkus mayat. Au anan, Petrus lap dahin hiran laan ta' nun alang au terjadi. ¹³ Teguu' do anan pun, 2 kalunaan pengikut man kuta Yerusalem. ¹⁴ Kedua' kalunaan anan duaan tentang lim peristiwa alang terjadi. ¹⁵ Teguu' daha' tengaah beduaan-duaan dahin petuyu' pikiran, Jisus dao atang dahin jelang serta pano peji' daha'. ¹⁶ Tapi, mataan daha' terhalang atang daha' jaan haman mengenali Hia'. ¹⁷ Jisus duaan ta' daha', "Nun alang kuwa' duaan sambil pano?" Kedua' kalunaan anan pun berhenti dahin nang daha' kelung sedih laan. ¹⁸ Ji' kalunaan man daha' alang araan Kleopas duaan ta'-Hia', "Nun kah Ika' ji'-ji' na' kalunaan asing man Yerusalem alang jaan jaam tentang nun alang terjadi ha' tinan maring-maring ani'?" ¹⁹ Jisus duaan, "Tentang nun?" Daha' pun duaan ta' Hia', "Tehtang Jisus man Nazaret. Hia' ji' kalunaan nabi alang penu' kuasa halam daho' dahin perbuatan-Hia' ha' nang Tipang dahin ha' nang lim bangsa kame'. ²⁰ Tapi, imam-imam kepala dahin lim pemimpin kame' mai Hia' jung ga' hukum mate, dahin daha' menyalibkan-Hia'. ²¹ Laan na' kame' berharap bahwa Hia' lah alang sang membebaskan bangsa Israel. Namun, do ani' do ketelo' man lim ina' terjadi. ²² Tapi, kuri' dooh man antara kame' au mengejutkan kame'. Teguu' daha' te' ha' kubor jehima'-jehima' laan, ²³ daha' jaan havung jenazah Jisus. Lalo, daha' nekulah dahin duaan bahwa daha' au nginaang penampakan malikat, alang duaang bahwa Hia' murip. ²⁴ Au anan, kuri' do kame' te ha' kubor dahin kelaan pun kelung alang ga' duaan dooh-dooh anan. Tapi, daha' jaan nginaang Jisus." ²⁵ Au anan Jisus duaan ta' daha', "Oh, betapa budoh na' ika' dahin lamban kenap jung mempesayai lin gat alang au ga' duaan lim nabi. ²⁶ Jaan kah Kristus harus mengalami penderitaan ani' dahin mutam ha' halam kemuliaan-Na'." ²⁷ Lalo, Jisus menjelaskan lim sesuatu alamg ga' tulis halam lim Kitab Suci tentang diri'-Hia', nahari' man Kitab Musa atang lim kitab lim nabi. ²⁸ Teguu' daha' au jelang ha' desa Emaus, Jisus peging pano seakan-akan hendak meneruskan perjalanaan-Hia'. ²⁹ Tapi, daha' menahan Hia' dahin duaan, "Melak nah peji' kame' kenan do au sang malam dahin matando sang ngileh." Maka, Jisus mutam jung peji' daha'. ³⁰ Teguu' Hia'bergabung peji' daha' ha' meja kuman, Jisus api' roti dahin memberkati ina'. Hia' ngebiang-biangkan ina', lalo mai na' ta' daha'. ³¹ Teguu' anan mataan daha' tepa'ap dahin daha' mengenali Jisus. Namun, takjat Jisus pueh man nang daha'. ³² Au anan, duaan nah daha' ji' dahin alang bale, "Jaankah kenap ita' berkobar-kobar teguu' Hia' duaan dahin ita' selama' perjalanan dahin teguu' Hia' menjelaskam Kitab Suci man ita'?" ³³ Teguu' anan pun, daha' nekering dahin nekulah ha' Yerusalem. Daha' pehina' kepulu' ji' murid dahin d'kalunaan alang peji' daha' tengaah berkumpul peji'. ³⁴ Murid-murid anan duaan ta' dawa', "Tanangaan laan-laan au bangket dahin menampakkan diri' ta' Simon!" ³⁵ Kedua' pengikut anan pun mai daho' nun alang au terjadi halam perjalanan daha'. Daha' mai daho' nuno' daha' jaam Jisus teguu' Hia' ngebiangkan roti. ³⁶ Teguu' kedua' kalunaan anan masih mai daho' peristiwa ani', Jisus nekering ha' tebeluaa' daha' dahun duaan ta' daha', "Damai peji' ika'." ³⁷ Tapi, daha' takjat dahin ketakutan. Daha' menyangkà bahwa daha' tengaah nginaang tok. ³⁸ Au anan, Jisus duaan ta' daha', "Na' nun ika' takjat dahin keraguan muncul ha' halam kenap ka'? ³⁹ Nginaang nah usuu'-Kui dahin tudaa' Kui. Ani' laan-laan Akui. Kam nah Akui dahin nginaang nah, tok jaan hipun dagen dahin tulang kelung alang ika' inaang ta'-Akui." ⁴⁰ Au Jisus duaan ani', Hia' petujokkam usuu' dahin tudaa'-Hia' ta' daha'. ⁴¹ Jaruun daha' masih jaan pesaya' kenan gembira dahin tehiran-hiran, Jisus metang ta' daha', "Nun kah ha' tini' ika' hipun gat jung ga' kuman?" ⁴² Lalo daha' mai seputong masik panggang ta'-Hia'. ⁴³ Jisus apik masi' anan dahin kuman ina' ha' nang daha'. ⁴⁴ Au anan, Jisus duaan ta' daha', "Ani' nah daho' alang sang Akui duaan ta' ika' teguu' Akui masih peji' ika'. Lim sesuatu alang ga' tukis tentang Akui halam hukum Taurat Musa, kitab lim nabi, dahin Mazmur harus ga' genapi." ⁴⁵ Au anan Jisus ma'ap pikiran daha' atang daha' haman memahami Kitab Suci. ⁴⁶ Jisus duaan ngua' ta' daha', "Te' ga' tulis bahwa Kristus harus menderita dahin bangket man antara kalunaan mate teguu' do' ketelo'. ⁴⁷ Dahin, pertubatab jung pengampunan dusa sang ga' nyatakan halam araan-Hia' ta' lim bangsa, nahari' man Yerusalem. ⁴⁸ Ika' saksi-saksi man lim ani'. ⁴⁹ Jaam nah, Akui ngatok janji Ame-Kui ta' ika'. Tapi, melak nah ha' kuta Yerusalem atang ika' ga' perlengkapi dahin kuasa man ngayan bo." ⁵⁰ Au anan, Jisus geri' lim pengikut-Na' ha' hawa' kuta atang Betania. Ha' tinan, Hia' meju' usuu'-Hia' dahin memberkati daha'. ⁵¹ Teguu' Jisus memberkati daha', Hia' berpisah man daha' dahin ga' ju' ha' t'lang julaan. ⁵² Lalo, daha' menyembah-Hia' dahin nekulah ha' Yerusalem dahin bersukacita laan. ⁵³ Daha' selalu te' ha' halam Uma' Tipang dahin memuji Tipang.