Mangka nu, kurangiya na ngahali nama lingu hama kaboguru tu dangu ta surga nama wena, "Haleluya ! Na muruk palupangu, na kabibak, dangu na kuaha jiahaka da duma nai Allah da Mula mula penghakiman-NYA napa denung dangu na adil; mula Yinna na adili pelacur bakul nu, nama paruhakiya na tana wengu ijangna, dangu nama pagabbanaiya wai re wicu lima-NA hagang ta pelacur nu Ta kapadua wudang, weda, "Haleluya! Na muahu pelacur nu na detaya lodu lupana." Mangka, dua kabulu patu tua-tua dangu da patu ranga nu da karodukku dangu da hamayangu ti Allahj, nama ngodu ta pinu hangaji, wengu panewi "Amin! Haleluya!" Mangka, ta rangiya na ngahali walingu ta hangaji, "Pa ohayaka i Allah da, oh yummu ngara dukkami ma ramma ti Yinna, nama anuk dangu jalla dama macua, nama matebiya Yinna!" Mangka, ku rangiya na ngahali hama walingu ta kabogguru tu dangu, hama lingu wai wiwa, dangu hama puni kaballa nama da tenguna, ba wena "Haleluya! Mula, Muri Allah da yita Nama Kuaha Pereta. Mengka ka rikki wiwi wala mata dangu tapa ohaya dangu unaya na kabibak ti Yinna mula ladu Li layu Li mangoma Ana Bebi toma nai karahi, dangu pengantin awinnu-NA na hadiaka. Ti yinna una katari linen mappahu nama warahu dangu kajilat, peku na pakiya mula katarri linen nu tu ma warahu muruku ma tinnuha." Mangka, na malaikat wena ga, "Tuluhuyaka ni: 'Pamaringiyaka na tu nama kalihungu na ngangu inung Li layu Li mangoma Ana Bebi!' "Dangu we jalanaga, "Ya jiayaka na hilu nama padenungu walingu ti Allah." Mangka, ku karodduku ta wicuna malaikat nu boku patebiya. Taka wenaga, "Abi tumu nuddi mulanaka yanu calla ata hamana yummu calla dangu da oli dadimu dama pamaniya dapa itana ni Yuhe. Hamayanka ti Allah mula dapa ittanagu i Yehu jiayaka ngahu papekangu." Mangka, ku itaya na surga nata waiha, dangu na hunga na hangiwu jara kaka; Yina nama madiduna na ngarana Setia dangu Benar, ta dalu padenungNa Na menghakimiya dangu Na pabera. Mata-Na hama diwur api, ta katikku-Na ningu tera, dangu ningu ngara nama matuluhungu, nama da pena tu, kecuali Yinna wiku. Na paku jubah napa labbur ta wai re, dangu na ngara-Na jiayaka Willi Pulungu ni Allah. Ngara dukkana pasukan nama nina ta surga da keriya Yina nama wengu jara kaka dangu nama pakungu katarri linen mappahu kaka dangu warahu. Walingu ta ru wiwiNa, na luhuya na kiruhu dakut nama wena bana paluha da parengu-paregu. Yina napa pareta yidda wengu takungu bihu. Na gehu anggur ta wacu gehu, nama jiayaka na bani ni Allah Nama Kuaha. Ta kalabi dangu ta kanyilu-NA nama tuluhungu nagar: MARABBA TA PINU MARABBA DANGU TUAN WALINGU TA NGARA DUKKA TUAN. Mangka, ku ittaya na ha tu malaikat nama denguru ta lubu mata ladu. Yina na ka okangu wengu ngahali wadung hagang ta mawurung ta awangu, "Menguka, kapa bollungu peku pakerung ngangu inungu bakul Allah, Peku tolungu da marabba, tolungu da panglima, tolungu walingu ta tu pakalua, tolungu da jara-jara dangu yidda dama madidu'da, dangu tolungu ngara dukkana na tu, tunaka na tu bebas dangu bolu na tu merdeka, anik dangu jala macua." Mangka, ku ittaya na ranga nu dangu da marabba pinu tana dangu jala pasukan yidda pakabuangu peku pa bera gabbana Yinna nama didungu jara kaka dangu kabbana pasukan-Na. Mangka, na ranga nu da wappaya pa olungu nabi palsuna nama padowu tada-tada biha ta hagana ranga nu, nama pa arengu yinna na pakabalingaru yidda dama kayiya na tada ranga nu dangu yidda dama nyabbaiya na katodana. Yidda ngaradukada da lebbuha ta tahuk api nama diwur mula belereng Dangu, na kacuppuna da pamatiya wengu kiruhu nama luhu walingu ta abbana Yinna nama didungu ta jara kaka dangu ngara dukana mawurung bihu wengu toluda.