Manga dabbaya nu, ku itaiya na malaikat hawayiku na purungu walingu ta surga, nama ningu kuaha bakulna, nama pahabillaya na pinu tanah mula kabibakna. Na ka okangu wengu ngahali wadung, wena, "Ruhhaka! ruhhanaika na Babel bakul nu! Na jadika panyiangu mangutana-mangutana dangu penjara dumana na roh ijang, pa nyiapa hibbu'da da mawurungu mamarungu dangu dapa arawu ati. Mula, ngara dukana na parengu na mawuku anggur jabbuna, marabba-marabba pinu tana da jabbu dangana yina, dangu dama dagangu ta pinu tana da dedu mula kabalukku ati bakul." Mangka, ku rangi ya na ngahali ha wayiku nama wena, "Hai kaboguru-GU, luhu ka walingu ti yina peku abi pa orungu ta doku jalana dangu abi mu kolluna na hadukka napa paddana. Mula, da doku jalana dapa ngujarka toma ta awang dangu i Allah na namuhaka da pajalana. Pa gabbanaiya na kota nu pahamana garraya napa dowuna, pa gabbanaiya napa dowuna pa dua bali wuddana, dangu da koba nyiapa kuwarna, mu kuwarnaiya pa dua bali wuddana. Hama dangu bana pa oha wikuna, dangu bana podu wikuna, unaiyaka na mayilla dangu na hadukka hama dangu tuna nu. Mula, wena ta dalu atina, Ku ngodu hama ratu, da awinu balu maowa dangu daku paddamaiya na hadukka.' Mulanaka nu, dalu hau ladu saja na harui na mena, na mati, na hadukka, dangu naka rebangu. Na mucungu wengu api mula i Muri Allah nama pa jalaya na berkuaha." Marabba-marabba pinu tana, nama hawingu jala dangana dangu dama muruku danga na ta dalu dedu'da, da hiaha dangu dapa panodurru bada itaya na muahu api pa cunnu wengu, denguru maleru mula hawada hagang ta mayilla, dangu hia, "Mohu, mohuka, kota nama bakul, Babel, kota nama pakalua! Mula, hau jam walike na penghakimanmu menaka!" ¹¹ Dama dagangu ta pinu tana da hiaha dangu da padodurru hagang ta kota nu mula daha tu'a mahelu hiha da ngawuda, ¹² jiahaka amahu, perak, mutiara, katarri linen mapahu, katarri ungu, katarri sutra, katarri kirmizi, ngara duka ngawu walingu ta yia dama hamu, da ngawu walingu ta gading, walingu ta yia dama mahal, walingu ta tembaga, bihu, marmer, ¹³ Yia lagga, rempah-rempah, wewangian, mur, kemenyan, anggur, minyak, ittu kanguddaha, kani, hapi, bebi, jara, kereta, ata, dangu naha ngahu tu rara Yidda dapa panewi, "Wuah dapa buha'da na dewamu na bulangu walingu ti yummu, ngara dukka nama mewah dangu nama hamu na bulangu walingu ti yummu, dangu dapa helu itamaiya." Dama dagangu ngawu tuna nu, dama dedu ta kota nu, da denguru maleru mula hawada hagangu tama yilla napa paddana na kota nu, da hia dangu da hadukka. Da weda, "Mohu! Mohuka kota bakul nu, nama pakungu linen mappahu; nama paku katarri ungu, dangu katarri kirmizi, dangu na podu wikuna wengu amahu, wacu permata, dangu mutiara! Mula, dalu hau jam, ngara dukkada da dedu da jappuka!" ngara dukkana nakhoda, penumpang, awak kapal, dangu ngara na tu nama nyarungu muruku ta tahuk da denguru maleru, ¹⁸ dangu da ka okang bada itaya na muahu mucung kota nu, "Kota giddeyaka nama bakul hama na kota ya?" ¹⁹ Da burriya na awu ta katikkuda dangu dapa nodu wengu hia dangu da hadukka, weda, " Celaka! celakalah kota bakul nu, nyiapa wali nuda da kapal ta tahuk dama awingu dedu mula rihu da! Mula, dalu hau jam ana, kota nu na kalana!" ²⁰ Rikki wiwi wala mataka mula yina, oh surga, oh tu-tu haranu, rasul-rasul, dangu nabi-nabi!* mula i Allah na hukkuna na pinu kota nu mula yimmi. Mangka, na ha tu malaikat na jejjikiya na wacu bakul hama wacu gehiya dangu na lebbiya ta tahuk dangu wena, "Hama tuna nuka na Babel, kota bakul nu, na pakanabiya dangu dapa helu itama ya. Na lingu dama main kecap, puwi seruling, puwi trompet, dangu alat musik hawayuku dapa helu rangi maha ti yimmi. Da nimangka ma pengu dama padowi ha da alat musik, dapa itta ti yimmi. Puni gehu dapa helu rangi maya ti yimmi. Na diwur lampu dana helu habilamaka ti yimmi. Ngahali pengantin monu dangu pengantin awini dapa helu rangimayaka ti yimmi, mula dama dagang jiahaka da tu bakul ta pinu tana. Mula, ngara dukkana na parengu na kabalingar mulana yummu. Dangu ta kota nu ta itaya wai re nabi-nabi, tu haranu, dangu wai re'da da tu dapa pamati ta pinu tana."