¹ Wali bali dommo, yowa ku etawe ngara kuana ndadua papawilli ne kabu mata loddo. Etawe, wee matada ngara ata paraida ndadua daike ahiburai hidda. Barrana araige ndadua hidda waige boto bibbita, takka barra hidda daikige a hiburai. ² Orona yowa baku nunggawi ata pia mate, ama dok'i a mate, aseipai hidda enggana toleka. ³ Takka, a seipa a dua ngara kuana na da wak'i pona. monno na da eta ponggupo nea dirraka paraida ne kabu mata loddo. PEINAWE PAPAWILLI ABOTTO LANGGU TAKKA? ⁴ moriwalipoge, yowa ku etawe ngara kuwa papawilli boto monno pawilli ndua monno pawilli angettana kagulla nga'u barra olle. nerra ndana duake pawilli pawolada paringgi. ⁵ Ata dama nippa leppitai limmana monno na nga'a kana'a douna. ⁶ Ia wunggu nabonnuna pakanawa tappi louka padua awalina dwada wunggu abonnuna papawilli, botto monno pawilli pawolada paringgi. ⁷ Nyaka, ku wali etawe ndaduwa ne kabu mata loddo. ⁸ Wa'i ia ata akanua nya daiki nya dakki ana kabanina atau angguwana kabani monno ndana ngauki banna pawilli boto monno matana ndana puasa ponggukidi pottona"! ba ngarra yowa pawilli boto monno bapamuwawe kalada ate barra dougo? nerra ndana manotoke monno pawilli pasusa ne nga'a. OLLEH MONNO NDUDADI YAPAWESSI ⁹ adwua aseipapo ba duwa dari pada ia oronna hidda hidda wakge aduwa wali papawilli boto hidda. ¹⁰ Nyaka, waiko a worraka, na ia na bisa bana keketa ollena. Bage, manowaranai ana ia ata a worraka, monno dakki a ta aka dawada na a gatai. ¹¹ Bage, dwada ko ata a beika dobba hidda engage bapakuwana, hidda engage ba bangata. Bage peina na ia ata banna bangata? ¹² Monno, peina ia ata bapa kalah kowa dwada ata enagge bapattuwe bagobbadi. kalerre a touge dana muda kiwe banna battawe. ATA, POLITIK MONNO KETENARAN ¹³ Naduapo ata abo'u ndamangguna, takka napa noto, walina tokko akaweda. monno andua ndapande dommoge papanunggawa. ¹⁴ Bage, na louso wali umma papattu walli da ndadi bana jadi tokko langgokopo bapa ana millawi torroge pareta ata akaweda. ¹⁵ Yowa ku eta kuaba ata toleka nekabu mata loddo, a kako appa lolo danggani ata bo'u , engana bana ma keketa bana ndeluwa. ¹⁶ Daiki mabana ngara kua ata, awaina ne arrona, Nyaka nemme ammina ndabeikina nerra ndana nduke nepawilli pawollada paringgi,.