¹ Yowa napa newe ate danagu, " meiyami nebahinnawe, kaku nunggami waige senanggo. Etawe ne kalada ate." Nyako, nena danna duwakiwe. ² Tubana ne madita , ka lungguguge, ne da pandeki" monno tubana kalada ate," appawe tubana? ³ Yowa baku kanikiwe ategu baku pamangewala tou waige anggura, takka nema na kata negindiwe pande, neba nottoge ne dua a dukke yowa baku etawe neduawa barra ana ata pia nee kabu langita ne gaina loddo batoleka. APPAWE NE PAWILLI BOTTO NA NGINDIWE MOLI DAME ⁴ Yowa kupakaladage ngara kuwa papawilligu, yowa kupakeddewi umma-umma monno kutodakawi anggura nee ommadana ne tuba toro dougu. ⁵ Yowa kuraina tubana toudougu ngara omma monno kaliho , ku todaki ngara kua wasu a uwa. ⁶ Yowa ku raidouna obba palaidi wee kadahu wasu atimbu . ⁷ Yowa ku wok'i kabani papawede monno mawinne, monno yowa wai papawede gu adadi ummagu. Yowa dommo waidi aluwana sapi monno simbi mbebe seipawi ngara kua ata waina ne Yerusalem. ⁸ Yowa kupa kuana torragu perak monno doka, poteda ngara kuada tokko monno ngara kua wanno. Tuba tougu kabani adodo monno mawinne lapatta paduwa denggana ana ata pia nyaka naluwadi gundik. ⁹ Oronawe yowa kaku kaladana monno monno nama tabo-tabo ba seipawi ngara kua awaina ne tidigu Yerusalem pandegu engage barragu . ¹⁰ Ngara kuada padenggi matagu daku pattuki. Yowa daku pattuke ategu awalina ngara kua kalada ate. Oroona kalada ategu tubada pawilli bottogu, nyawi torrogu awalina ngara kua papawilli botogu. ¹¹ Balinawe, yowa baku atawi barrada ngarra kua papawilli waigu limma monno ngara kua papa willi boto nepa usahagu. Etawe, ngara kua dakki tubana monno nepa usagu ollena paringgiwe. dakki pa utuwe ne kabu mata loddo. NEA MANOTO NYAWE A WALEWE ¹² Oronawe, Yowa baku pageddage baku kanikkiwe ne pande, kabika monno kabokko. Orona atapia aengana dadi tokko a murri, baappawe papawilli bana ata? ¹³ Balina, yowa ku etawe ne pande banna seipawe a walina ne kabokko, ahinnana nemangewala bana seipawe kapotta. ¹⁴ Na ata pande neeni nekatowa detana, nyaka ata adua na kako kapottota dana nyaka yowa kupande kaige bahinnawe netoleka a sama aliwi hidda ngara kua. ¹⁵ baka, ne yowa napa newe ate danagu, " ne tolekada ata kabokko na li kaiwe barragu. Bahinnawe nea gaina engaga yowa ama noto?" bage, napa newe ne ategu, neka enga hinnawe danna manotowe." ¹⁶ Orona dakki pakollewe aduwa, nemme loddo mori nerre enga bullage ata pande enga matena ahinna ata dama noto. WAK'IKADOGE MANAWARA AHINNANA TAKKANA NETOLEKA DANA? ¹⁷ Orona yowa dakku beige ne toleka oro pawilli bapa willi wai nekabu mata loddo na ngi'o barragu. Orona ngarakuwa dakki madakana monno pawilligu bawola kuai paringgi. ¹⁸ Yowa dakku beikige ngara pawilli a kattona ne papawilligu ne kabu mata loddo orona yowa ku gak'ige barrada ata nea mai bapa yowa. ¹⁹ Monno ngara a pandewi na ata na pande monno na danna manotoki? bage, nenya na kuasa di ngara kuwa papawilli gu akattona nepa usaha bagu waina manoto ne kabu mata loddo . lakka nyawe enga dama noto kina. ²⁰ Nebahinnawe, yowa ammige karodduka ategu tubba ngara kuana papawilligu waina wee kapurrota, ne kabu mata loddo. ²¹ Bage, wak'i ata apawilli akattona awaina manoto, kobakatowa monno Papandena, nyaka nenya na nyawe asodika barrada ata wadde dapa willi gea a katoona a hinnana hiddi. nera danna manotokiwe monno pa ngi'o dengga. ²² Appawe pakolena ngara ata awalina ngara kuwa papawilli bottona pawaina tenaga ne kabu mata loddo? ²³ bage, ngara kua loddona, papawilli a katoona, monno pamaillu ate dengga monno pa jengkelna. monno neanna malege ne katowana da ngau. nera danna manoto dommokiwe ²⁴ Daikige reipanduwa tubana atapia awalina panga'a pa enu monno padua nengngana nerra pawilli bottona . yowa ku etawe nera walina barra limmana Marambah Allah. ²⁵ Takka, ngarraku akolena panga'a monno ngaraku akolge aminnaka neda wali mbarraNa? ²⁶ Takka, ngara ata a duwa ne arona, Marambah Allah na nyawi manoto, kobakatowa, monno maneilo. Bage, heida ata a dirraka, Na nyadi pawilli pakuwadi monno napabubdudi na nyadi mbarrada ata a duwa ne arona Marambah Allah. nenya dommo kipo danna manoto kipo monno ne papawilli awolawe paringgi.