¹ Wai ia ata awalina kabisu Benyamin ngarana Kish, anana Abiel, anana Zeror, anana Bekhorat, anana Afia, wali paburru waina Benyamin. Nya ata pawessi. ² Ngarana nyadona Saul, buwa mane pangago nakabola mata detana. Daibabana apa sama dengai wali ata Israel aloukana ne kabola matana. Lakona namadeta, naloukapo madetana wali ngarakuwa ne ole bangsana ³ Kish, amana Saul amuwana keledai-keledai na. Nyaka, napanewe Kish barrana anana Saul, "Kodoi ia ata papawede nebahinna nee. Sedia monno kako elle keledai-ke ledai." ⁴ Nyaka, Saul nakako na li ponnu letena Efraim monno na li tanah Salisa, takka da tabbokaki keledai. Bage, a li dommo tanah Sahalim, da taboka dommoki keledai-keledai. Murrinawe, Saul na li dommo tanah Benyamin, dapa eta dommoki keledai. ⁵ Neba dukki Saul monno hambana ne tanah Zuf, Saul napanewe dengai hamba papalolo dengana, "Maida kata wali hinnai. Bana notoge na i ama nee ni akuatira bata lewata ba ku keledai-keledai." ⁶ Takka hambana Saul napanewe, "Parema belli. Rengnge, wa i ia ata hambana Myori ne kota newe. Ata pangaranai monno ngarakuwa patekina nadadi pongngu. Ne bahinna kakoda nee, na tekki dawe ne patakako da." ⁷ Saul nawalea hambana, "Takka, ne batakako, appa pangimdidai nai ata? Orona, dai bana roti kantong dana, monno da i bana pa yadai abdina Allah. Appa wa i na ne barrada itto? ⁸ Napanewe bali hamba barra Saul, hinna ge, " awa i na limma detagu seper empat syikal perak kata yai na i abdi Allah, kana patutu dai lara atuba a luruta." ⁹ Hitti ulluna, ne bangsa Israel, ba waiko ata akako dengngi petunjuk barra Allah, " kako bellipo barra ata manurra." Orona bahida dona patekida nabi ne bahinna nee, hitti ulluna patekki ata manurra. ¹⁰ Nawale Saul barra hambana, " Na duwai pa usulamu. Maida kata kako." Nyaka kako bada Saul bada hambana nee kota padouna abdi Allah. ¹¹ Ne bakatekalage ne kota Saul monno hambana, pataboka dengadi buwa winne-buwa winne alouso kako oke wee. Atuwai buwa winne-buwa winne, "Wai kadu ata manurra newwe?" ¹² Hida buwa winne awa lewe, "Wai, na ne i aromi. Kakomi ne bahinna.Orona, ne lodo bana mai nekoka waige manaa marara ne lodo tubada ata mangeda ne ponnu ladakana. ¹³ Ne batamage ne kota, nya bicabboka, badana Pennepo ponnu ladakana ba ngaa. Orona, ba daikupu-nya, dana bisakipo bana ngaa ata mangeda, orona nyapo ayadi wee maringi wee malala hida maraka. Balinawe, ngarakuwa undangan wudi nangaa. Nebahinna kakomi enga tabokabami." ¹⁴ Nyaka, katekala bana ne kota monno atama tillu kota. Hinna takkai, Samuel tangera nee ni alousa napa taboka dengadi bakatekala ponnu ladakana. ¹⁵ MYORI nateki babana Samuel ne apa ia loddona badana maipo Saul, hinnage, ¹⁶ "Neba hinna nee, koka lodo, ku patukai ia ata kabani wali tanah Benyamin. Kau urapi menjadi tokko tubada umata-Gu Israel. Nyabana hapaslamata umata-Gu wali lima danada ata Filistin, orona Yauwa enganyage baku dandangoi umata-Gu baenganyage liida bana dukkie katillu dana-Gu." ¹⁷ Ne bana etawa Saul na Samuel, napanewe MYORI barrana, "Nehahinna takkana, na nyadona ata patekkigu barramu. Nanyadona Saul aterrege pukkena pareta tubada umat-Ku." ¹⁸ Saul nangu tukke barra Samuel tillu binna gerbang monno napanewe, "Tekkigawe nebahinna nee barragu, ge neenyage hitti ummana ata manurra?" ¹⁹ Nawalewe Samuel, hinnage, "Yauwadona ata manurra. Penne ullu ladaka deta. Ne loddo you monno yauwa tamanaa woro dobba, monno koka pongngupo baku pakaloko gu bukako. Monno, ngara kuwa awawina atedanamu ku tekkiwi. ²⁰ Tubada keledaimu amuwana touda loddona amalawi dukkie bahinna nee, dupasusahkah atemu, orona tabboka babai. Takka, garraku adoudi pa beida ngarakuwa ata Israel? Da nee ngarakuwa kidi barra paburru wali waida ole dadimu?" ²¹ Nawalewe Saul monno napanewe, "Ne yauwa daata Benyamin kyaga, kabisu akii pongnguna ne Israel? Da oledadi dommokigudi pakanissika wali ngarakuwa paburruwali wali waida kabisu Benyamin? Nekadapa panewedi hida hinna patek kimu aro barragu?" ²² Murrina, Samuel nako doi Saul monno hambana tamage ne aula monno yadi padou aduwa aroda ata paundango, mngedada notoge touda kabulluwa ata. ²³ Samuel na tekkida ata apatiina, "yada torda hahinnana patekkigu barramu, monno pana u: bandala ne toramu." ²⁴ Bage, natukango patiina na yadi kenga monno torada aneena ponnu ngaa, monno bandalai arona Saul. Samuel napanewe, "Neha hinnapongngu takkana tora memamudi hidawaina aromu. Ngaa lyolo, orona ne pesta parawi tubamema yo u, waktu baku boi na ata mangeda baku tekkida."' Nyaka, Saul monno Sanuel ngaa dobba bada nde loddo. ²⁵ Murrina, burru bada wali ponnu ladakana aro kota dana. Samuel napa newe dengai Saul ponnu umma detana. ²⁶ Samuel monno Saul kedde kapugedena ba ammige amangewala, bage, Samuel nakadengai Saul, patekinai, "Keddeu, kaku pasellau bu kako!" Saul nangu kedde, bage Saul monno Samuel akako balouso ²⁷ Saul monno Samuel burrubada dukki watte kota, murrina Samuel napa newe dengai Saul, "patukai hamba kana kako ullu. Takka ne you dangngi belli ka rengngena liina MYORI."