¹ Neapa ialoddona, napa newe Yonatan anana Saul barrana hamba angindinai bendilana, "Mai neme pala barrada tentara pengawal Filistin aneena nekke bali wa i." Takka dana tekkikna amana bahinna parawina. ² Saul nakadena nee pukkena Gibea, mawona puu wasu Delima awaina nee Migron. Rakyata aole dengai kira-kira mangedana ennengauwa ata. ³ Ahia, anana Ahitub, ole dadina Ikabod, anana Pinehas, anana Eli, imam MYORI nee Silo, nyadona natau kalambe Efot saat itu. Takka, rakyata dapandekige bana kako Yonatan. ⁴ Nebapaladi ia lete-ia letena Yonatan berusaha bana aro barrada tentara pengawal ata Filistin, wai lawina ponnu ngaba watu aneena newwe monno lawina ponnu ngaba watu aneena nekke. Na ia ngarana Bozes, monno na wadeka ngarana Sene. ⁵ Ne ia lawina na dede baliutara, nee bali papala Mikhmas, nyaka wadeka nee bali selatan, nee balina Gibea. ⁶ Napanewe Yonatan barra hambana angindinai bendilana. " Mai pala tukke barrada tentara pengawal ngarakuwa ata datopola. Bana notokoge MYORI nabertindak tubada ito oro na daiki asukara tubana MYORI bana pagata, langkopo aluwana maupun ayodika ata." ⁷ Nawalewe na walewe hambana, Rawige nehahinnana pabeimu, ne panaumu. Nehahinna takkana ku setujuwe ne awaina ate danamu. ⁸ Patekkina Yonatan, "Payerrana, tapala tatukke barrada haina ata, monno ta bo wekkina barrada. ⁹ Takka nehinnawe bahiddakoda, dangngimi attimaga yamme,' nyaka itto tadede nepadou dede waida, monno data penne bana bata tabokai hida ata. ¹⁰ Ekanawe, bahiddako pennbemi barrama yamme, nyaka, ito tapenne. Orona, hidda ata na yabadadi MYORI ne limma danada itto. Ne nyawe tada na tubada itto. ¹¹ Hida duada ata apa ouda wekkina barrada tentara pengawal ata Filistin. Apanewe ata Filistin, "Payerrana, alousobana ata Ibrani wali ia kalena-ia kalena padou pakabunni waina nekke." ¹² Apanewe ngarakuwa ata wali tentara pengawal aro barrana Yonatan monno angindinani bendilana, hinnage, "Penne mi barrama, monno enga tekki pongngu bago awaina barrama. "Patekki na Yonatan barrana angindinai bendilana, "Penne dekuga yauwa, orona hida ata na yabai MYORI limma danada ata Israel." ¹³ penne lyolobana Yonatan bana karaketa, monno hambana angindinai bendilana bana dekuni Yonatan. Hamate ngarakuwa hida ata orona Yonatan, monno angindinai bendila napamatei bana tembakai wali lira. ¹⁴ Pakalahda nepertama orona Yonatan monno ata angindina bendilana duada kabullu wa ata jarakanawe setengah alur bamaluku oma dana. ¹⁵ Nadadie madodduka wali kemahdana, ne mareda dana, monno tilluda ngarakuwa rakyata, tentara pengawal monno perampok-perampok aka widduka kadadaka, nyaka kana dadiwe kawiduka wali barra Allah. ¹⁶ Mata-mata wli Saul haeta ne Gibea-Benyamin, monno etawa ata bana karibaka kadadaka, akako aro wali. ¹⁷ Napanewe Saul barrada ata papalolo dengana, "Nunga pareta po, monno monno garrai akako wali barrada ito." Hida ata periksa ternyata dai ki Yonatan monno angindinai bendilana daikini. ¹⁸ Murrina Saul napane we barra Ahia, "Ngindie ka lambe efod Allah!" Orona, Natan nya atauwe kalambe efot Allah hittina waktu banei tilluda ata Israel. ¹⁹ Takka, tangera panewena Saul barra imam, karibbaka kemah da nada ata Filistin nama tambah tambah kyawe, nya ka kanapanewe Saul barra imam, tengngia limmamu!" ²⁰ Pakuwabada Saul monno rakyata apalolo dengai, monno nebadukki ne padou papatauwai, eta ba ata adakura ole douna bana wai teko. Nadadiba ka ribaka kalada bana gem para. ²¹ Ngarakuwa ata Ibrani aneena barrada ata Filistin hitti ulluna monno hapadeku dukki kemah dana awoletage, hida kaina paka ia dengai ngarakuwa ata Israel hapalolo dengai Saul monno Yonatan. ²² Ngarakuwa ata Israel akabunni nee pegunungan Efraim arengngewe bahetti kuwai ata Filistin akedu. Padekulirabada hidda bapa kaiana ne pataudanana. ²³ Hinnabana MYORI ba na pasalamata ata Israel ne loddo. Nepatauna nama nyebara nadukkie bana pala Bet-Awen. Saul Narawina Salah a Eka. ²⁴ Neba suddei bakopa di ata Israel, Saul natekkie aurana barrada rakyatana, hinnage, "Naterkutukka ata angaa sesuatu ne badana tamapo mata loddo, ne badaku taudelupo dendam gu aro barrada musuhgu." Nyaka, dai pongngu bana ia ata wali rakyatana angaa sesuatu. ²⁵ Nebana dukki ata kadawu dana, monno wai kanena, ne ponnu tanah. ²⁶ Ndukki rakyata kadawu dana, etabai kanena akokora, takka aokewaidi limma monno paaroge ngada dana, orona bamadautage aura. ²⁷ Yonatan dana rengngekia amana bawaige aura aro barra rakyatana. Yonatan napa dolai tokkona lawi bubuda kanena monno naokewaidi limmna aro ngada danana, monno matana nangu mangewalai. ²⁸ Napanewe ia ata wali rakyatana, "Amamu napa aura takka-takkaba rakyatana, hinnage 'Nater kutuka ata angaa sesuatu neloddo.' Nyaka, rakyata acape adakke." ²⁹ Jawab Yonatan, "Ama gu napacelakawe ne negeri. nungnga, etapo, matagu nama ngewalai, nebaku dallie yodika kanena. ³⁰ Apalagi, narakyata bana bebasa bana ngaa nebahinna wali parampokda musuh pakole. Takka nebahinna, dana luwakina pakalada wali ata Filstin." ³¹ Hida ata hapakalahwa ata Filistin ne loddo, wali Mikhmas dukki Ayalon. ³² Rakyata hangu dekebai rampokan, simbi bebe, sapi, monno ana sapi, doroi tanah deta, monno ngaadi monno pangngudi raada. V 33 Hidani Saul batekkina, "Etau, rakyata naberdosa arona MYORI bangaa raa."Napanewe Saul, yemmi berkhianat. Nebahinna leilarai togo ka lada aro neme!" ³⁴ Napanewe dommo Saul, "Matallara-matallara tillu rakyata, monno tekkida ia ata-ia ata ngindi sapi monno bebe barragu, dorowi monno ngaadi. Daberdosakana aro barra MYORI bangaadi raada." Nyaka, ammibadi ngarakuwa rakyata, ia ata- ia ata ngindi sapi ne gedde monno dorowi nee. ³⁵ Saul napa dedewa mezbah tubana MYORI. Nanyabana mezbah kawungana papadede tubana MYORI. ³⁶ Murrina napanewe Samuel, "Maida kata burru wolai ata Filistin ne gedde monno kata rampopkai dukkie manarrimewa. Dapa kaloko pongngukadi langngo kanyako na ia ata aengana." Pawaleda hida ata, "Rawingarakuwage hahinnana ne paetamu aduwa." Takka, imamnapanewe, "Maida kata tukke newwe aroi Allah." ³⁷ Natuwa Saul barrana Allah, "Pakalogado baku burru bawolai ata Falistin? Nabisa takkado basarahkandi limma danada ata Israel?" Takka, MYORI dana waleki ne loddo. ³⁸ Murrina napanewe Saul, "Tukkemi neme, hei ngarakuwa ata ayrona rakyata. Berusaha kapandege salah appawe pahinna denga ne loddo. ³⁹ Orona, demi MYORI ha toleka, hapaslamata ata Israel, ahinna takkana langngokopo baorona Yonatan, anagu, maka nya enga pamatea." Takka dai pongnguki ngarakuwa ia awale panewe. ' ⁴⁰ Napanewe Saul aro barrada ngarakuwa ata Israel, "Yemmi nekke neemigi ia padou, tangngeranawe yauwa monno Yonatan, anagu, enga dede ekabama bali wa i." Awale rakyatana Saul, "Appawe nepaetamu aduwa rawikoge." ⁴¹ Napanewe Saul barra na MYORI, Allah, Israel, "Patutuge ne daduwa." "Kolebadi Yonatan monno Saul, takka rakyata aluputa. ⁴² Rawina undi yauwa monno Yonatan, anagu." Bage, kolebai Yonatan. ⁴³ Saul napanewe barra Yonatan, "Tekkiga nebahinna, baappa parawi mu." Natekkiwe Yonatan, hinnage "Yauwa kudallie yodika kanena bakuwai tokko limma detagu. Yauwa kusadia mate." ⁴⁴ Napanewe Saul, "Hinn abawe yauwa bana hukumaga Allah, monno nalouka kyapo, hahinna takkana, yo u pamate takkabau, Yonatan." ⁴⁵ Takka, pawaleda rakyata barra Saul "Peikona baenga matena Yonatan ba nyamo tangerana bana pa menang kalada Israel? Pamarroge nebahinna, demi MYORI atoleka! Dana warraka pongngu bana na ia logena Yonatan ne ponnu tanah. Orona, monno Allah, nyakana rawige hitti ia loddo." Rakyata napa bebasa Yonatan, nyaka dapa pamatekia. ⁴⁶ Walibana Saul baba we bawola ata Filistin. Ata Filistin walibada padou memada. Saul Nagobbai Musuhda Israel. ⁴⁷ Ne bana jabata tokko Saul tubada ata Israel, Saul nalawa ngarakuwai musuh Israel, hida Moab, ata Amori, Edom, tokko-tokko Zoba monno ata Filistin. Langngo kagenee nyage pa dou Saul nakako, monno natetap bana menango. ⁴⁸ Saul narawige pakala da dewa, bapakalai ata Amalek, monno bapa bebasai ata Israel wali ngarakuwa ata perampokda. ⁴⁹ adapun ngarakuwa anana Saul hida Yonatan, Yiswi, monno Malkisua. Ngarada ana mawinnena aduada: Pakaa ngarana Merab monno paalli Mikhal. ⁵⁰ Ngarana ole ummana Saul Ahinoam, anak Ahimas. Ngarana panglima tentarana Abner, anana Ner, lokana Saul. ⁵¹ Kish amana Saul monno Ner amana Abner, adalah anakuwanadi Abiel. ⁵² Nyaka, nahebata bagobbai ata Filistin selama banya Saul Tokko. Ngarakuwa ata apawesse monno ngarakuwa ata aka wossuka wekidanana paetana Saul, napakuwadi barrana.