¹ Na tukke Nahas, ata Amon, monno rawina kemah ba wolai Yabesh-Gilead. Murrina, hapanewe ngarakuwa ata Yabesh barrana Nahas, " Mai kata woroge, nyaka ne yamme manau bawai hambama." ² Nawalewe Nahas barrada ata Amon, "Nehinnawe yauwa kunau baworo aduwa, takka ngarakuwa mata kawanami lekkepai kaidi, nyakka kapoddage makke ngarakuwa ata Israel ³ Awalewe ata paama-atapaama Yabes barrada, "Yamaga kaloga madoina pittu lodona, gai kana tutu we bapatukan ata ngarakuwa daerah Israel. Badaiko hapaslamatama yamme, yamme engalousobama, monno wai milikama. Saul Napaslamata Yabesh- Gilead. ⁴ Nebadukki papatukada barra Gibea-Saul monno bapa dukkige ne lii katillu dana ngarakuwa bangsa ngio malelika lyolobada. ⁵ Bage Saul ammi bana dekudi sapina. Natuwa Saul, "Appawe nyaka ngara kuwa ata kana ngio?" Hida ata papatukada atekkiwe ne lii awalina barra Yabesh. ⁶ Ngau errina Myori aka songa Saul ne bana rengng ewe ne berita, nyaka kana kedde buttu atena aekagai. ⁷ Saul nadekei duada sapi, nakatokkoi bana loppudi, bage napangindi dadi ngarakuwa daerah Israel melalui ata papatuka, patekkida, "bagarrakuni dadekuni Saul monno dadekuni Samuel, hinna waki kaipo hidda sapi." Murrina, MYORI napatukkege madauta barrada Israel, nyaka hapa rendana ba maju. ⁸ Nebana pariksa Saul di Bezek, touda ngau rata ata Isarael monnmo touda kabullu rata ata Yehuda. ⁹ Barrada hida ata papa tukana atekkiwe, "Nehinnai bitekkida ngarakuwa ata Yabesh-Gilead: 'Koka ammige patulu pagata barramu tangerana loddo bana allu bangata.'" Hida ata papa tuka apadukkige lii barrada ngara kuwa ata Yabesh, nangu maweweraba ateda basenango. ¹⁰ Paneweba da ngarakuwa ata Yabesh bbarrana Nahas, "Koka, yamme atti pongngubama bata patabbokana. Rawikoge baappa paetamu aduwa." ¹¹ Nyaka bana delakage tanah, Saul nabagea rakyat touda pasukan. Hida ata srobotabada batana tillu kemah tangrara needi bapadeluna jaga kappugede monno pakalai ata Amon ne dana bangata po loddo. Ata aengaponba nama saikara bana kedu, nyaka daiki duada ata adangngi ole dengadi. ¹² Murrina, napanewe ata Israel barrana Samuel, 'Nekanyawa Saul tokko aparetada itto?' Yamai nati ata kama pamatea." ¹³ Patekkina Saul, "Daiki ia ta papamate ne loddo! Orona, ne lodo MYORI nara wibana patulu pagata barrada ata Israel ¹⁴ Bage, Napanewe Samuel barrada bangsa Israel, "Maida kata kako nee Gilgal monno kata pabo u we pata madiina tokko nee." ¹⁵ Nyaka, Kakokuwa ba da ata nee Gilgal monno ke keta Saul banya tokko nee, arona MYORI, ne Gilgal. Hida ata aya maraka patalu denga arona MYORI. murrina, nama wewera ate pongngu Saul monno ngarakuwa ata Israel.