¹ Ku patiati kuage,ku iatayi,pata kereta a ouda wali barra duada letena.yidda letena ngiadoyi letena tembaga. ² kereta a ullu da tengngiya dara rara,kereta ke duada da tengngiya dara mette. ³ kereta ke touda da tengngiya dara kaka,monno kereta ke pata da tengngiya dara gokko da kullisa kua. ⁴ bage,ku tuaya na malaikat a panewe dengnga'ga,''appa'na artinage ne ngaradukka kuana,Muori?'' ⁵ Na malaikat na wale'wa,''yidda pata kereta da lousona wali tuba pata mata paringngi,ba ba'da aroni Muori ngaradukkana ponnutana.'' ⁶ kereta patengngi'da dara mette a lousona wali tuba utara,kereta pa tengngi'da dara kaka a diaku lirani a aro'na tuba barat,kereta patengngi'da dara gokko a aro'na tana selatan. ⁷ bage,da lousona dara rara,ba iatayi megge dada poddama monno da kako woletage ponnutana.na panewe,''kakoge,woletage ponnutana!''da kako woletage ponnu tana. ⁸ bage,na malaikat na pa ouga,''iata,aro dage tana utara tuba ba'da pakadenna gani diawa-Gu ne tana utara.'' padiawa Yosua na kolena mahkota ⁹ Ammige li'i Muori barra'gu,linnawe: ¹⁰ ''deke patagu wali yidda lai ata pawuda,a walina heldai,tobia,monno yedaya,a bissi mai wali babel,bage ni'i loddo mu kakowu nee umma'na Yosia ana'na Zefanya. ¹¹ deke peraka monno masi,rawina lado,bage taunani togo katuawana padiawa kalada Yosua ana'na Yozadak. ¹² Tekki nage,ne linnawe li'i Muori ponnutana,'na ngiana ata a ngara'na tubbu,na tubbu wali padou'na,monno na pakeddewe umma-Na Muori. ¹³ Na pakeddewe umma-Na Muori ,monno a deibawe ne sangadi.madi'i bana paresa wali padou'na.tuba kawanan'na wai'ni rato monno ne muali wai'ge barra'da yidda duada. ¹⁴ Na lado nee'ni dana umma bisa-Na Muori wai tada'ge ba palolo dage heldania,tobia,yedaya,monno Yosia, ana'na zefanya. ¹⁵ Ata da mai wali marro ba'da pakeddewe umma bisa-Na Muori.gaimu kei padde'ge Muori ponnutana ba ngiana a pawede'wa barra'mi .neya na dadiwe bei pato'o takkakowe li'i-Na Marobba Allahmu.''