¹ Dou ke pata paparesana tokko darius,ammige li'i Muori barra'na Zakharia tanggal pata wulla siwwa,nai wulla kislew. ² ettipona ata,ata betel bali pawededa'ni sarezer monno regem-melekh dugu'da ata'na ba'da dengngi manawwara wali lai Muori, ³ duguda tuayi rato nee umma-Na Muori ponnutana monno barra'da padiawa,''ma ngiopo monno pakalikke wekkipona dukki wulla ke limma a linna'na bali parawi'ma a gai douna mado'i na?'' ⁴ Bage, ammi ge li'i Muori ponnu tana barra'g, a punni'na, ⁵ '' tekkidage ngaradukka'da ata ne negri monno rato:bei puasa takka dona monno pabarra dukki wulla ke limma monno ke pittu,selama ne 70 dou, mi puasa takka kado'na tuba gu? ⁶ dukki bei ngaa monno ianu tuba tou doumu? ⁷ ba bali padukki kado nage ne lii-Na Muori li barra'da padiawa a ullu ba madakapoge ne yerusalem monno bana makmur powe duguda ne kota-kota barra nage,monno tana negeb monno padou letena ba madakapoge?'' ⁸ li'i Muori a mai barra'na zakharia,punninage, ⁹ '' ne linnawe li'i na Muori ponnutana,pakakowe uku a lianna takka'na,patingngo ge padiaku monno pa manawwara 'na iya monno waddeka! ¹⁰ illami pamayillakayi mawinne walu,lakawa ana lalo,ata waddeka,monno ata milla.illami pangedda kage abuakala ne ate danami iya monno waddeka. ¹¹ takka da'da pato'o ma ,da talira'na a linna'na ba'da pa gobba,monno tuadoyi katillu'da gaimu illa'da rengnge. ¹² da pakattodi ate'da a linnana watu intan gaimu illa'da rengngewe uku monno li'i papa dukki'na Muori ponnutana a li diawa-Na duguda a li padiawa a ullu. oro nage nee,ammi ge bani kalada wali lai Muori ponnutana. ¹³ ''a linnana yidda a idda rengnge dukki ba pa ou'di,linna dommowe dakku rengngemayi dukki ba'da pa'ouna;li'i Muori ponnutana. ¹⁴ oro nee,ku pakaissa-issakadi alinnana kapote ne barra ata dappa padde'da.negri pa gai'da na kasikawe makka dai a saga bali'na.linna dowe ne negri a dessa ba'da rawige bana kasikawe.''