¹ Tubada ata a geile : Geilena Daud, atana Muori. Sala da yidda ata a buokala lidda ne'e ate danada, da'i mage madautana Marobba Allah ne'e aro matada. ² Oronage, ne'e togo matana, na tekkiwe, ne sala na dapa regga mawe ga'i ka benci we. ³ Patekkida ngadana ngiadowe a buokala mono makirri. Na ngau bana rawige a padde mono a dessa. ⁴ Na pangeddage a buokala bana beika ne'e pado beikana. Ngia dou a dede ne'e lara dana a idda dessa, dana tullara mage a buokala. ⁵ Oh Muori, ne dessa-Mu na dukkiwe togo langita, manawara-Mu na dukkiwe togo kawuta. ⁶ Ne a bia mirrika lete nage a madieta, ukku-Mu mirrka bonnu kaladawe a luora. Oh Muori, You a tuludi ata mono ranga. ⁷ Mangu wellinage ne manawara-Mu, oh Marobba Allah! Yidda ana ata na ngaddowe padou mawoda kabu mawo kapa-Mu. ⁸ Da biekuta oro morru ne'e umma-Mu, mono Mu yadi pa ienu walina loko dana maringa-Mu. ⁹ Oronage, palolo denga-Gu wa'ige ne muorika. Ne'e mangiewala dana-Mu, ma ietawe mangiewala. ¹⁰ Tallarage ne manawara-Mu barrada yidda ata a padde-Gu, mono didara-Mu barrada ata a lurrusa atena. ¹¹ Dou ga'ikadi yidda wa'ida ata a padeika wekkina bada mai barragu, mono limma ata a buokala bada kiddu kaga. ¹² Ne'eya, yidda ata a rawige a buokala da guggila, da pubbukayi mono dana kedde kiama.