¹ Geilena Daud. Ne tana mono i nage ngiadowe douna Muori, ne tana mono ngara dukkada a iengana ne'e dana. ² Oronage, Bana pakeddewe ne'e ponnu bonnu, mono na tauwe ne'e ponnu loko. ³ Garra a penne togo letena Muori? Garra a dede ne'e padou-Na a bisa? ⁴ Ngia a warrasa limmana mono atena a warrasa dommo, a idda ngiddiwe diewana ne'e a idda linnana, mono a idda aura awa. ⁵ Na deibawe kanurru walina barrana Muori, mono a didara walina barrana Marobba Allah manumarana. ⁶ Ne ngiadowe ubbuda ata a ngaddo-Ya, a ngaddowe matana Marobba Allah Yakub. ⁷ Keketawe katuowamu, ta binna kalada, mono makeketawu, ta binna a ienga douna, ga'i kana tama na Tokko Sangadi! ⁸ Garrani a Tokko Sangadi? Na Muori na kullisa mono perkasa, perkasa ne'e patau dana. ⁹ Keketawe katuowamu, ta binna kalada, mono makeketawu, ta binna a ienga douna, ga'i kana tama na Tokko Sangadi. ¹⁰ Garrani na Tokko Sangadi? Muori langita mono tana, Ngiadona Tokko Sangadi.