Alef
1
Maringana yidda ata a dessa larana, a kako a linnana patekkina Muori.
2
Maringina yidda ata a norroge a patekki-Na, a ngaddo-Ya waige atena,
3
mono a idda rawi dommoge a buokala, takka a kako a waige lara-Na.
4
Mu patukadi yidda pa paresa-Mu, ga'i ka dawa takkayi.
5
Na laragu ba pamaddukoni ga'i kana wai takkage ne patekki-Mu!
6
Ba linnakowe, dada pamakke mawa, baku pa atekodi ngara dukkada papatuka-Mu.
7
Ku pamalangi-Wu waige ategu, ne baku pa atedi yidda paresa-Mu a bia.
8
Ku waidi yidda patekki-Mu, dou ga'i kaga.
9
Pei wa'ida yidda bua ata bada pa atege larada a warrasa? Pa atege waige patekki-Mu.
10
Walina ate dana takkagu baku ngaddo-Wu, dou ga'ikaga baku sillira walina pa patuka-Mu.
11
Ne'e ate danagu, ku boddalawe li'i-Mu, ga'i ka daku rawikage a sala barra-Mu.
12
Maringana You, oh Muori! Panunga gadi yidda paresa-Mu.
13
Waige ro'o wiwwigu, ku padukkidi ngara dukkada paresa-Mu.
14
Ku maringa orona patekki-Mu, mirraka kolewe pote.
15
Ku pangeddadi patekki-Mu, mono ku ietayi lara-Mu.
16
Ku maringa oroda patekki-Mu, daku denga magudi patekki-Mu.
17
Yawe kanurru barrana ata-Mu, ne balinnawe ku muorika baku dawawe li'i-Mu.
18
Wukke gadi matagu, ba linna kowe ku ietawe na tada walina papanunga-Mu.
19
Yauwa dona ata a mai ne ponnu tana, dou kabunni kadi paparesa-Mu walina barragu.
20
Na deiwagu na mubbuka oro baku riddu gudi ukku-Mu iyya loddo iyya loddo.
21
Mu kayakadi yidda ata a padeika wekkina, yidda ata pa aura, a sillara walina paparesa-Mu.
22
Lulluge ne pakalokoda walina barragu, oronage baku diekuge ne patekki-Mu.
23
Lakka yidda ata a paresa bada madi'i bada panewe waiga, na ata-Mu na pangeddadi yidda patekki-Mu.
24
Yidda patekki-Na ngiadoyi pabeigu, yidda dona a bowoga.
25
Diewagu na kadakkaka togo kobbura, pattugage ne muorikagu a linnana ne li'i-Mu.
26
Ku tekkiyi yidda laragu, mono Mu walewa, bowo gadi yidda patekki-Mu.
27
Ga'i kaku paddedi yidda patekki-Mu, bage ku pangeddadi papayilli-Mu a kaladana.
28
Na diewagu na ngi'o oro bana milla ate, pakeddewa a linnana ne li'i-Mu.
29
Pamarroga walina lara a makirri, mono yagage ne patekki-Mu.
30
Ku pedeya na lara a bia, ku tauyi yidda ukku-Mu ne arogu.
31
Ku kadakka barrada patekki-Mu, oh MUORI, dou ga'i kaga bada pamakkewa.
32
Ku malle ne'e lara paparesa-Mu, oronage Yo'u bou paluara gage ategu.
33
Bowoga, oh MUORI, lara patekki-Mu, mono ku karawayi dukko kadukka nage.
34
Yaga padde ga'i kaku karawayi patekki-Mu, mono ku karawawe waige ategu.
35
Dutuwa a linnana ne patekki-Mu, oro baku beige.
36
Patidiwe atemu barrana patekki-Gu, da barra mada ne pa utu a idda bia.
37
Pasibitadi matagu ba ietawe ne a idda mangu orona, mono pattu gage muorikagu ne'e lara dana-Mu.
38
Pakeddewe patekki-Mu barrada ata-Mu, ngia maka da madauta-Gu.
39
Dou pali kagage ne pamakke dengan pamadautagu, oronage yidda paresa-Mu bana dessayi.
40
Ne a linnana, ku ridduwe ne patekki-Mu, pattu gage muorikagu waige a bia.
41
Ga'i ne manawara-Mu kana barraga, oh MUORI, manumara-Mu a linnana parasi-Mu.
42
Ba linna kowe, ku waleya na a pamakkewa, oronage baku waige ne li'i-Mu.
43
Mono, dou batu kage ne li'i a bia walina ngada danagu, oronage pamennegu ne'ege barrada ukku-Mu.
44
Ku karawa pakitawe ne patekki-Mu, dukki murri wali murri wali.
45
Mono, ku kako ne'e manangu dana, oronage baku ngaddowe ne patekki-Mu.
46
Ku tekki dommowe ne patekki-Mu ne'e aroda tokko, mono dada pamakke maya.
47
Ku maringa ne'e paresa dana-Mu, pa beigu.
48
Ku keketaya limmagu barrada paparesa-Mu pa beigu, mono ku pangeddadi patekki-Mu.
49
Palologage ne li'i barrada ata-Mu, ne'e dana pa pamennemuga.
50
Ne ngiadowe pa maringa waigu ne'e mayilla dana, ne paparasi-Mu na pamuorikawa.
51
Yidda ata a padeika wekkina na pamakkewa, takka daku sibitamana walina ne patekki-Mu.
52
Ku loloyi yidda ukku-Mu walipoge nettina, oh MUORI, mono ku pamaringa wekki douna.
53
Wadalanage banimu na olega oroda yidda ata a buokala, a duddakage ne patekki-Mu.
54
Ne patekki-Mu ku wai geilege, ne'e umma padou madakagu.
55
Oh Muori, ku lologuge ngara-Mu ne gedde dana, mono ku karawawe ne patekki-Mu.
56
Neya a dadi barragu, ne baku karawawe ne patekki-Mu.
57
MUORI ngiadona tubagu, ku parasige ga'i kaku karawawe ne patekki-Mu.
58
Ku ngaddowe pabei-Mu waige ategu, manawaraga a linnana ne paparasi-Mu.
59
Ku pangeddadi laragu, mono pa arodi wa'igu barrada patekki-Mu.
60
Ku ngettana mono daku tauma kira, ga'i kakarawawe patekki-Mu.
61
Kalerreda ata a buokala da podetawa, takka daku denga magudi patekki-Mu.
62
Tillu gedde, ku kedde baku pamalangi-Wu, oronage yidda ukku-Mu a didara.
63
Yauwa ole daga ngara dukkada ata a madauta-Gu, mono da karawawe patekki-Mu.
64
Ne tana na bonnuge manawara-Mu, oh MUORI, bowogadi yidda patekki-Mu.
65
Mu rawige a dessa barrada ata-Mu, oh Muori, a linna na li'i-Mu.
66
Panungagadi ne papangedda mono padde a dessa, oronage baku waige patekki-Mu.
67
Ne ba daku mayilla po, ku sillira bana, takka ne'eya ku diekuge patekki-Mu.
68
Mu dessa mono Mu rawige a dessa, panungagadi patekki-Mu.
69
Ata a padeika wekkina da pa kotorawa waiga mapodeta, takka walina ate dana takkagu ku waige ne patekki-Mu.
70
Ateda na makebbelawe mirrika morru we, takka yauwa ku beige patekki-Mu.
71
Na dessawe baku mayilla ko, ga'i kaku belajar yi pa padukki-Mu.
72
patekkina ngada-Mu na louka padessa powe tubagu walina rata katibbika omma mono perak.
73
Na limma-Mu na rawiga mono na pakeddewa, yagage padde ga'i kaku paddege patekki-Mu.
74
Yidda ata a madauta-Gu da ietawe mono da maringa, oronage baku mennege li'i-Mu.
75
Ku paddege, oh MUORI, ne ukku-Mu bana bia we, mono ne'e manawara dana-Mu a pamayillawa.
76
Ga'i ne manawara-Mu kana pamaringawa, a linnana ne paparas-Mu barrada ata-Mu.
77
Ga'i ne manawara-Mu kana barraga ga'i kaku muorika, oronage ne patekki-Mu ngiadowe pabeigu.
78
Ga'i yidda ata a padeika wekkina kada makke, oronage bada pakalegowa waige makirrida, takka yauwa ku pangeddage patekki-Mu.
79
Ga'i yidda ata madauta-Gu kada bali barragu, ga'i kada paddege patekki-Mu.
80
Ga'i ne ategu kana dessawe ne'e patekki dana-Mu, ga'i ka dada pamakke kawa.
81
Na dukkana diewagu oro manumara-Mu, ku mennege ne li'i-Mu.
82
matagu na dukkana oro li'i-Mu, luggu, 'Pirra bou pamaringawa?'
83
Oronage, baku dadi patau wai ne'e mau api dana, takka daku denga magudi yidda patekki-Mu.
84
Pirra gai kiapowe mado'i nage ne loddona ata-Mu? Pirra ne Yo'u bou paresayi yidda a ruotiwa?
85
Yidda ata a padeika wekkina na kuodawe kaliena tubagu, yidda a idda waiguge patekki-Mu.
86
Ngara dukkada papatuka-Mu pawaiyi, da ruotiwa waige makirrida, tuluga!
87
Suodi kia da padukkawa ne ponnu tana, takka daku ga'i mage patekki-Mu.
88
Pattu gage muorikagu a linnana ne manawara-Mu, ga'i kaku padde pa karawawe patekkina ngada-Mu.
89
Dukki murri wali murri wali, oh Muori, ne li'i-Mu na madduge ne'e Surga dana.
90
Ne manawara-Mu wali iyya ata bo'una dukki iyya ata bo'una, Mu pakeddewe tana , mono na dedewe.
91
Da dede ni'i loddo a linnana ne paresa-Mu, oronage ne ngara dukka nage ngiadona ata-Mu.
92
Ne patekki-Mu ba daku bei koge, ku modda ne'e mayilla danagu.
93
Daku denga mage ne patekki-Mu dukki murri wali murri wali, oronage ne ngara dukkana maka Mu pamuorikawa.
94
Yauwa dou-Mu ga, tuluga, oronage baku ngaddoyi yidda patekki-Mu.
95
Yidda ata a buokala da riemage bada beige pamoddawa, takka ku paddedi yidda patekki-Mu.
96
Ku ietayi watteda wali yidda ngara dukkada a dessa, takka paresa-Mu na luarawe.
97
Oh, ku bei takkadi patekki-Mu! Ne ngiadowe papangeddagu ne iyya loddo.
98
Yidda paresa-Mu da louka pa paddewa mono yidda kamukagu, oronage ne ngara dukkanage bana palolo dengaga.
99
Ku louka pede powe bana mangiedawe padde mono ngara dukkada a bowoga, oronage ne patekki-Mu ngiadowe papangeddagu.
100
Ku louka pa paddepo dugguda ata a kawieda, oronage baku pa atege ne patekki-Mu.
101
Ku pattuya wa'igu walina ne lara a buokala, ga'i kaku padde baku karawawe ne li'i-Mu.
102
Daku sibitamana walina ne paresa-Mu, oronage ba Yo'u dona a bowoga.
103
Na kariedasawe li'i-Mu tubana tulla ngaragu! Na loukawe ne kaniena tubana ngadagu!
104
Walina yidda patekki-Mu, ku kolege ne padde, ba linna kowe, daku beimani na lara a idda linna takkana.
105
Ne li'i-Mu ngiadowe a wiegara tubana wa'igu, mono mangiewala tubana laragu.
106
Ku aura mono ku ponnuwe, ga'i kaku karawawe ne bia nage ukku-Mu.
107
Ku mayilla takka, pamaddu gage muorikagu, oh MUORI, a linnana ne li'i-Mu.
108
Deibawe ne patagu gu walina ngada danagu, oh MUORI, mono bowo gadi yidda ukku-Mu.
109
Na diewagu ienga pakitani ne'e pa uggugu limma danagu, takka daku denga mage patekki-Mu.
110
Yidda ata a buokala da tauwe ne sirru tubagu, takka daku sibitamana walina yidda patekki-Mu.
111
Yidda patekki-Mu ngiadoyi potegu dukki murri wali murri wali, ba yidda dona pabei ategu.
112
Ku patidige ategu ga'i kaku diekuge patekki-Mu, murri wali murri wali, dukki kadukkanage.
113
Daku beimadi ata a pakaduadage atena, takka yauwa ku beige ne patekki-Mu.
114
Yo'u dona padou kabunnigu mono tuodagu, ku mennege ne li'i-Mu.
115
Kakowu walina barragu, ta ata a buokala, ga'i kaku padde baku karawawe ne paresana Marobba Allahgu.
116
Rukkawa a linnana ne li'i-Mu ga'i kaku muorika, mono dou ga'i kaga bada pamakkewa ne'e pamenne danagu,
117
Pakullisaga ga'i ka pamanumarawa, ienga douga baku ietayi yidda paresa-Mu.
118
Mu tullara kuadi ngara dukkada ata a sillira walina ne patekki-mu, oronage ne mapodeta da ngiadowe bada makirri.
119
Ngara dukkada ata a buokala ne ponnu tana Mu letodi mirrika kabu'i perak yi, ba linna kowe ku beidi yidda patekki-Mu.
120
Ne kana'agu na kadaddakawe oronage baku madauta-Gu, mono ku madautadi ukku-Mu.
121
Ku rawige ne a didara mono a bia, dou ga'i kaga barrada yidda ata a pamayillawa.
122
Yawe a dessa barrada ata-Mu, dou ga'i kadi yidda ata a padeika wekkina bada pamayillawa.
123
Da dukkana matagu oro manumara-Mu mono oro a bia patekki-Mu.
124
Lummu wa'ini na ata-Mu a linnana ne manawara-Mu, mono bowogadi yidda patekki-Mu.
125
Yauwa ata-Mu ga, yagage ne padde, ga'i kaku paddege patekki-Mu.
126
Ne ngiadowe rapana Muori bana padadige, oronage ne li'i-Mu bada lawiwe.
127
Ba linna kowe, ku louka pabeige ne paresa-Mu dugguda ne omma, na loukapowe omma takka.
128
Ba linna kowe, ku waige ngara dukkada patekki-Mu, daku beimadi ngara dukkada lara a mapodeta.
129
Yidda patekki-Mu da kaladana, ba linna kowe na diewagu na karawawe.
130
Yidda li'i-Mu pa weisa da yawe mangiewala, na yawe padde barrada ata a kabanga.
131
Ku wukkewe ngadagu mono i iyyawe ngaugu, oronage baku ridduyi paresa-Mu.
132
Bieliwu barragu mono manawaraga, a linnana yidda ata a manawara guge ngara-Mu.
133
Pamaddu gani pagagu a linnana ne li'i-Mu, mono dou ga'i kadi yidda ngara dukkada a buokala bada marobbaga.
134
Keketawa walina ne parawida ata, ga'i kaku padde ba karawayi yidda patekki-Mu.
135
Pamangiewalage mata-Mu barrana na ata-Mu, mono bowogadi yidda patekki-Mu.
136
Yidda matagu da palaige ne lai we'e, oronage ba dada karawawe ne patekki-Mu.
137
Mu bia, oh MUORI, mono yidda ukku-Mu da bia dommo.
138
Mu tauyi yidda patekki-Mu ne'e a bia dana mono ne'e ngara dukkada a diekuge.
139
Ne kaguola ngaugu na padukkawa, oronage yidda gobbagu bada dengage ne li'i-Mu.
140
Ne paparasi-Mu na manungawe, mono ata-Mu da beige.
141
Yauwa ku ki'ina mono ku dengo, takka daku denga madi patekki-Mu.
142
Ne a bia ngiadowe a bia pakita, mono ne li'i-Mu na bia we.
143
Ne mayilla na wennawa, takka ne patekki-Mu ngiadowe pabeigu.
144
Ne patekki-Mu a bia we dukki murri wali murri wali, yaga padde ga'i kaku muorika.
145
Ku kawula walina ate dana takkagu, walewa, oh Muori!
146
Ku kawula barra-Mu, tuluga, mono ku diekuge patekki-Mu.
147
Ku kedde kabu gedde ki'i mono ku kawula baku dengi ba tuluga, ku mennege ne li'i-Mu.
148
Matagu na kedde ba rapa dawa gedde, ga'i kaku kanannuge ne li'i-Mu.
149
Renge gage li'igu oro manawara-Mu, pattugage muorikagu, oh Muori, a linnana ukku-Mu.
150
Yidda a paruoti a mangu kabbuna a buokala, da marro walina patekki-Mu.
151
Takka, You dou marroma, oh Muori, mono ngara dukkada pa patuka-Mu da bia.
152
Walipoge nettina ku paddege walina patekki-Mu, ne You bou pamaddudu dukki murri wali murri wali.
153
Ietawe mayillagu mono tuluga, oronage ba daku dengagudi patekki-Mu.
154
Tulugadi palakaragu mono uopiwa, pamuorikawa a linnana li'i-Mu.
155
Ne manumara na marrowe walina barrada ata a buokala, oronage yidda ba dada ngaddowe ne patekki- Mu.
156
Na kaladage manawara-Mu, oh Muori, pamuorikawa a linna bana ukku-Mu.
157
Yidda a pa ruoti mono kamukagu da mangieda, takka daku sibitamana walina patekki-Mu.
158
Ku ietayi yidda a ata a buokala mono dada beimadi, oronage ba dada diekuge ne li'i-Na.
159
Ietawe, ku bei takkadi yidda patekki-Mu! Pamuorikawa, oh Muori, a linnana manawara-Mu.
160
Kawukku nage li'i-Mu ngiadowe a bia, mono na ukku-Mu na bia we dukki murri wali murri wali.
161
Yidda ata kalada da bowoga, takka ne ategu na kadaddakawe oro patekki-Mu.
162
Ku maringa oro li'i-Mu, mirrika ataya a koleda pa parima.
163
Daku beimage baku mapodeta, takka ku beige ne li'i-Mu.
164
Pittu wudda iyya loddo baku deika-Wu, oronage yidda ukku-Mu a bia.
165
Ne muoli a kaladana da douge yidda ata a beige ne li'i-Mu, da'ima watu pakatullura barrana.
166
Ku riemage manumara-Mu, oh Muori, mono ku diekuge pa patuka-Mu.
167
Diewagu na karawawe ne patekki-Mu. Ku bei takkage.
168
Ku karawayi yidda patekki-Mu mono pa padukki-Mu, oronage ngara dukkada laragu nedi aro-Mu.
169
Ga'i ne kawulagu kana dukkiwe aro-Mu, oh Muori, yaga padde a linnana ne li'i-Mu.
170
Ga'i ne padengigu kana dukkiwe barra-Mu, pasellawa a linnana patekki-Mu.
171
Ro'o wiwwigu na deuka-Wu, oronage ba You dona a bowogadi yidda pa patuka-Mu.
172
Ne lommagu na geilege li'i-Mu, oronage ngara dukkada pa patuka-Mu da bia.
173
Ga'i yidda limma-Mu kana tuluga, oronage yauwa baku pedewe patekki-Mu.
174
Ku ridduwe manumara-Mu, oh Muori, mono patekki-Mu ngiadowe pabeigu.
175
Ga'i kana muorika na diewagu mono kana deika-Wu, ga'i yidda ukku-Mu kana tuluga.
176
Ku sillira bana mirrika bebe a dada, ngaddowa oronage ne yauwa ba daku dengagudi pa patukMu.