1
Lawitina Daud. Ku geilege tubanage pawai pakita mono ne a idda buoto ngobba, barramu You, oh Muori, yauwa ku geileni lawiti.
2
Ku rawige a dessa ne'e lara a idda dessa, pirra You ba ammigu barragu? Ku muorika takka walina ate dangu ne'e ummagu.
3
Daku tauma palakara a idda mangu wellina aro matagu. Daku beimadi parawina ata a sarawuta, neti dana kadakka mayi barragu.
4
Ate a kalego a sibitawe walina barragu, daku beimage baku paddege ne a buokala.
5
Garrakoni a tuola kabunnini ole atana, ku pamoddaya. Daku tarra denga madi yidda ata a pamata buokalana mono a padeika wekkina.
6
Matagu nedi barrada ata a waige ne'e padou, ga'i kada madaka dengaga, na kako ne'e lara dana a idda buokala na waiga.
7
Na ata a mapodeta dana kadennama ne'e ummagu, na ata a tekki a da linnana dana maddu mana aro matagu.
8
Iyya kabu gedde iyya kabu gedde ku pamoddayi ngara dukkada ata a sala ne'e padou, ku pamoddayi ngara dukkada a buokala a walina padouna Muori.