Yesu nee arona Pilatus ¹ Kabu gedde ki'i, imam kepala da runding dengadi yidda tua - tua, mono ahli taurat, mono ngara dukkada Sanhedrin. Mono, yidda da ketteni Yesu, da ngiddiya bada kako, mono da yaya barrana Pilatus. ² Bage, Pilatus na tuaya, "You Tokko ata Yahudi wu?" Mono, Ngia na walewe, "You dou a tekkiwe". ³ Bage, yidda imam kepala da tuduhya Yesu. ⁴ Mono, Pilatus na tua kiaya, "You dou walema? Ietawe, pirrada tuduhan da yidda bada lawa-Gu". ⁵ Takka, Yesu dana wale kiamayi bage na heran na Pilatus. Yesu mono Barabas. ⁶ Ne loddo kalada Paskah, Pilatus na pabebasana iyya ata tahanan pa dengida. ⁷ Mono, wa'ini na iyya ata a ngarana Barabas da pattuya dugguda yidda pemberontak a pamate ata nee pemberontakan danada. ⁸ Ata mangieda a mai mono da dengiya Pilatus ga'i kana rawige neya a linnana parawi bana barrada. ⁹ Mono, Pilatus na waleyi mono ba linna, "Ne yemmi mi beige baku pabebasana Tokko ata Yahudi?" ¹⁰ Oronage, na paddege yidda imam kepala da yaya Yesu oronage bada kaguola ngau. ¹¹ Takka, yidda imam kepala da pengaruhiyi ata mangieda ga'i kada dengiya Pilatus kana pabebasani Barabas. ¹² Bage, Pilatus na tekki kiadage, "Bage, appako parawigu barrana na Ata patekkimi Tokko ata Yahudi?" ¹³ Mono, yidda da kawula kia, "Tieruni Ngia!" ¹⁴ Bage, linna Pilatus barrada yidda, "Appa? Appana a buokala parawina?" Takka, yidda da pawaddi kiana bada kawula, "Tieruni Ngia!" ¹⁵ Oronage bana beige pakalada dage ateda ata mangieda, Pilatus na pasellaya Barabas, mono ne bada paluya Yesu, na yaya ga'i ka tieruni. Yesu da ejek ya mono da siksa ya. ¹⁶ Mono, yidda prajurit da ngiddiya Yesu bana tama nee istana dana, ne gedung pengadilan, mono yidda da paoudi ngara dukkada pasukan bada pakassana. ¹⁷ Bage, da taunage kalabbe ungu, mono da wanana mahkota duri, da taunani Yesu. ¹⁸ Bage, bage na padukkige salam barra-Na, "Salam, Tokko ata Yahudi!". ¹⁹ Bage, da palu nage katuowa-Na waige wo'o mono da panu'i-Ya, bage da kawodo barra-Na. ²⁰ Ne bada olok ya Yesu, da kainage kalabbe ungu-Na, mono da taunage kalabbe dou-Na. Bage, da louso ngiddiya Yesu bada tieru-Ni. Da tieru-Ni Yesu. ²¹ Bage, da paksayi yidda ata a lewat, Simon ata Kirene, a mai a walina wanno dana, amana Alexander mono Rufus, ga'i kada deitoya salib-Na. ²² Bage, da ngiddiya Yesu nee padou a ngarana Golgota, arti nage "Tempat Tengkorak". ²³ Da yani anggura pa campurda mur, takka Ngia dana deke mawe. ²⁴ Bage, da tieru-Ni mono da bare nage kalabbe-Na, sambil bada undi ga'i kada paddege giege pa dekeda. ²⁵ Bage, nee jam ka toudana bada tieru-Ni. ²⁶ Bage, ne patulisa tubana pa tuduhya Yesu na matulisawe, "Tokko ata Yahudi". ²⁷ Bage, da tieru alladi duada ata kiedu barra-Na, na iyya ata tuba kawana-Na mono iyya tuba yello-Na. ²⁸ Bage, na bonnuge Kitab Suci a linnana, "Mono, Ngia da yiepani tilluda ata durhaka". ²⁹ Bage, yidda ata a lewat da hujatya Yesu sambil bada kiddukage katuowada mono lidda, "Ta! You a beige pubbukawe Bait Allah mono pakedde baliwe touda loddona, ³⁰ pa sella wekki dou-Mu mono burruwu walina togo wasu!". ³¹ Lidda alla yidda imam kepala, dugguda yidda ahli Taurat, da ejekya Yesu ba lidda iyya mono waddeka, "Ngia na pamanumaradi ata waddeka, takka dana paddema bana pamanumara wekki dou-Na! ³² Ga'ini Mesias, Sang Tokko Israel, neeya kana burru walina togo salib ga'i kata ietaya mono kata waige". Yidda pa tieruda dugguda Yesu da cela allaya. Matena Yesu. ³³ Nee jam ka ennena, na dadiwe kapotta ne ngara dukkanage tana dukki jam siwwa. ³⁴ Nee jam siwwa, Yesu na pawaddina bana kawula, "Eloi, Eloi, lama sabakhtani", artina, "Allah-Gu, Allah-Gu, appa maka mu duddakaga?" ³⁵ Mono, ne bada rengewe, yidda pirra ata a dede barra-Na lidda, "Ieta! Ngia paounani Elia". ³⁶ Bage, na iyya ata na malle mono tauni anggura asam na spons, mono tauya togo wo'o, bage na yanage Yesu ga'i kana ienuge, sambil ba linna, "Ga'i kata ietaya na Elia na mai bana paburru-Ni". ³⁷ Bage, Yesu na pawaddina bana kawula mono na mate. ³⁸ Nettiya, ne Bait Allah na ma'irra paduadawe, walina dieta dukki bawa. ³⁹ Mono, yidda kepala pasukan ba nedi a dede bada aroni Yesu, da ietaya pei wa'ina Yesu bana mate, linna, "Linna takkawe, na Ata Ana Allahwa!" ⁴⁰ Neeya wa'i alladi pirra mawinne a ieta wali marrowe, ngiadoyi Maria Magdalena, mono Maria innana Yakobus Muda mono Yoses, dugguda Salome. ⁴¹ Na Yesu ba neni nee wilayah Galilea, da diekuni mono da layani-Ni. Mono, neeya wa'idi mawinne a mangieda a mai palolo dengani Yesu arona Yerusalem. Da taneni Yesu. ⁴² Ne bana geddege, oronage netti loddo ba loddo persiapan ya, loddo ba da loddo Sabat poya, ⁴³ Yusuf ata Arimatea na mai, anggota majelis besar pa paakada, ngia alla dona a riemage ba ammige kerajaan Allah, na berani bana kako barrana Pilatus mono da dengiwe touna Yesu. ⁴⁴ Na katattaka Pilatus bana rengewe bana mate Yesu. Na paoudi kepala pasukan mono na tuayi barrada, na Yesu na mate takka bana. ⁴⁵ Ne bada paddege Pilatus walina barrada kepala pasukan, na yaya touna Yesu barrana Yusuf. ⁴⁶ Mono, Yusuf na wo'i ingi linen mono na paburruni mayat Yesu, ba pakaboro-Ya waini ingi lenan, na pabeika-Ya nee uodi dana pa kuodana barra binna uodi. ⁴⁷ Maria Magdalena mon Maria innana Yoses da ietawe padouna touna Yesu ba pabeikaya.