¹ Gideon patekki Yerubaalna kedde kabu gedde duguda ngaradukkada rakyat da diakuni,bage da rawina kariaka nee barra mata wee harod.tuba utara na waige kariakada ata midian,barra letena more,nee kabuna. ² Muori linnani Gideon,''rakyat a diakugu da lua pongngu'na tuba-Gu tuba ba yayi ata midian ne limma dana'da.gaimu ata israel illa da padeika wekkina aro-Gu badda panewe,'limma dougu a pamuarikawa.' ³ neeya tekkidage rakyat lummu,'garra a madauta ,gaimu kanna bali,bali wali togo letena gilead.'bage,da bali duada kabullu duada rata ata wali yidda rakyat,da iangana kabullu rata ata. ⁴ kamurrinage,Muori linnani Gideon,''da mangiada pongngupo.marengngadi loko dana kadda ianu,dukki bali kakku pidiyi,monno,patekki gugu barramu:na ngiana a diakugu,'ngia a kako maregngagu.'monno,garra patekkigu barramu'''na ngiana ata a idda kako diakugu,'ngiana a idda kako.'' ⁵ bage,da burru yidda rakyat badda koleni loko.Na panewe Muori lai Gideon,''garra a ianu wee waige lommana a linnana bogga a majalli,mu pakassa iakadi,linna dommo ata a madii waina kuddona a ianu ne togo kuddona.'' ⁶ ne linnawe,luada ata ianu waina limmana tauwe ngadadana'na touda ngasu da ata.a louka,ngaradukka kuada ngiayi ata a madii waina kuddoda badda ianu wee. ⁷ Muri linnani Gideon,''yidda touda ngasu ata a ianu wee ku pamuarikayi ,arengngamu.lokko balinnawe,ngaradukkada ata waddeka gaidi kadda kako,iyya monno iyya nee padou madakada.'' ⁸ kamurrinage,rakyat da dekeyi pangaa togo limmada monno terompet.bage,ngaradukkada ata israel pawedeyi kako.iyya monno iyya nee kariaka dana'da.tapi,yidda waddeka a touda ngasuna ata na iaridi.ba'ba neepoge,kariakada ata midian waidi nee kabu'da,nee bawa. ⁹ linnadowe,dukki nee gedde Muori linnani,''dukki gedde,Muori linnani Gideon,''keddege,burru ne padou rawi kariaka,oronage bali yagudi ne limma danamu. ¹⁰ bou madautako pa burru,kakowu marengngani pura,atamu,ne padou kariaka. ¹¹ patoodage appa na patekki'da.kamurrinage,limmamu na kolena barani bou burru ne barra kariaka.''bage,na burru Gideon marengngani pura,atana,dukkini laksar a jaga a nena aro ne barra kariaka. ¹² Ata midian,ata a malek,monno ngaradukkada ata a wali na tuba timur da mangiada ne kabu,a linnana kabala a dikki luada.monno,unta-unta'da dappa padde ma payiapadi luada,a linnana kuarasa uppu bonnu. ¹³ ba banna dukki gideon,na rengngeya na iyya ata a tekkiwe kanaga nippina lai olena,linna:''kou padde gage kanaga nippigu:'ku kanaga nippi,ku iatwe ne iyya roti jelai a kabogela ne barra kariakada ata midian.ba banna dukkiwe umma,na kabogela na tamawe,na liwe umma makkana na bukkage.na siaba-siabawe,ba makka na bukkage ne kariaka.'' ¹⁴ olena na waleya linna,''karurunage,ne danna iakamamawe kecuali kiatona Gideon anana Yoas,nai ata israel. Marobba Allah na yayi ata midian ne limma danana duguda ngaradukka'da yidda kariaka.'' ¹⁵ ba gideon banna rengngewe kanaga nippi na tekkinage maknanage,na kawodo banna menyembah monno kamurrinage na bali ne kariaka dana'da israel.na panewe,''keddege,oronage Muori bali yanadi kariakada ata midian ne limma danami!'' ¹⁶ kamurrinage,na bareyi yidda a touda ngasuna ata badda dadi touda pasukan.na yadi trompet togo limma'da ngaradukka kuada monno na yadi padalu a dai i'na monno suluh nee padalu dana. ¹⁷ Gideon linnadi,''patiatige monno rawige a linnana parawigu.ba bakku dukkiko uppu kariaka,makka rawige a linnana parawigu.'' ¹⁸ dukki yauwa monno ngaradukkada a diakuga bamma puawi trompet,makka yemmi dommo mi puawi trompet ne barra kariaka monno mi kawula,''demi Muori monno demi Gideon.'' ¹⁹ na dukki gideon monno yidda ngasu ata a diakuni ne uppu kariaka dukki rasi ba malai ba dawa tillu gedde,dukki yidda a dawa ba bissi ammidi monno da siap.kamurrinage,da puawiyi trompet sambil badda puayi padalu pa ngiddida togo limmada. ²⁰ dukki yidda pasukan badda puawi trompet monno badda puayi padalu,da terre dommona obora togo limma yelloda monno puawi trompet togo limma kawana'da,sambil badda kawula,''kiato demi Muori monno demi gideon!'' ²¹ da dede-dede dou ne padouda,ne ngaradukkanage kariaka,baneepoge gobba da kaissaka dappa padde dengngamadi,da uaka-uaka,monno badda kiadu. ²² dukki yidda a touda ngasuna ata badda puawi trompet,Muori na paaroge kiatona iyya ata lai waddeka ne ngaradukkada kariaka,ba makkada kiadu tentara gobba dukki nee bet-sita a sagana zerera,dukki nee uppu abet-mehola barra tabat. ²³ na pasagadi ata israel a walina kabisu naftali,kabisu asyer,monno ngaradukkada kabisu manasye badda ruatiyi ata midian. ²⁴ Gideon na pawede ata lai ngaradukkanage letena efraim duguda na panau,''burru kei tauyi ata midian dekeyi loko dukki nee bet-bara monno loko yordan.''bage,na paarodi ngaradukkada ata efraim badda deke kuayi loko yordan dukki nee bet-bara duguda loko yordan. ²⁵ da yoppayi duada ata tokko midian,nai oreb monno zeeb.da pamateya oreb ne togo letena watu oreb,nai zeeb da pamateya ne padou passu anggur zeeb.da bowodi yidda ata midian,bage ngiddiwe katuawana oreb monno zeeb lai Gideon nee bali loko yordan.