¹ ata israel da rawige a buakala ne arona-Na Muori,oronage nee Muori na yayi limma danada ata midian pittu dou madoinage. ² ata midian da kuasayi ata israel waidi kejam.ba arodi yidda ata midian,ata israel da rawina padou-padou madaka nee togo letena,nee liangu dana monno kubu-kubu padou pariama. ³ dukki,ata israel badda sobbarakona,ammidi ata midian,ata malaek,monno ata a walina tuba timura,badda tauyi. ⁴ da rawina kariaka yidda ata nee tana'da monno da padukkayi i tana'da dukki barra gaza,monno dadda gaimana pangaada yidda ata israel,bebe,sapi,monno keledai da deke dommoyi. ⁵ oronage,yidda ata da kako ngiddiyi ranga monno kariakada,da mai mangiada pongngu a linnana kabala a dikki. untada dappa yiapamadi luada,da mai ne tana badda padukkawe. ⁶ ata israel da milla takka oro parawida ata midian.bage,ata israel da kawulani Muori. ⁷ dukki yidda ata israel badda kawulani Muori oronage badda gobbadi ata midian, ⁸ Muori na pawedeya iyya rumata lai ata israel,a panewe,''linnawe lii Muori,Marobba Allah israel,'yauwa donna a palolo dengngagimmi wali mesir monno ngiddimi bei lousna wali umma perbudakan. ⁹ ku pasellami wali togo limmada ata mesir monno wali ngaradukkada ata a tindasawu.ku iaridi wali aromu,monno yawe tanada barramu. ¹⁰ ku panewe barramu,'yauwa ngia Muori,Marobba Allamu.illami deika kanna Marobba Allah waddeka ata amori ne tanada padou madakami.lokko palinnawe,dei patoomagage patekki-Gu.'''' Malaikatuna Muori na lippa ngaddowe Gideon ¹¹ na mai malaikat Muori monno na madii ne kabu wasu tarbantin nee ofra douna yoas,ata abiezer.gideon,anana,neeni a manamo gandum nee padou passu anggur a kabunni wali lai ata midian. ¹² bage,na iayata Malikat Muori,monno linnani,''Muori na palolo dengngagu,ya pahlawan a manadana!'' ¹³ Gideon na waleya ,''ya muarigu,Muori banna palolo dengnga kogama,appa ne ngaradukka kuana makka na dadiwawe barrama?giadouge ngaradukkanage parawi-Na a ajaib patekkida ubbu waikama,a linnana:'ba Muori kadona a palolo dengngada lousona wali tana msir?'lokko balinnawe,neeya,Muori na letogamma monno ya'ma ne limma danada ata midian.'' ¹⁴ Na wigirana Muori barrana monno linnani,''kako waige ne kullisamu,monno pasellayi ata israel wali limma danada ata ,midian.ba bali pawedekadogugu?'' ¹⁵ Gideon na waleya,''ah,Muorigu,peiwainage bakku pamuarikayi ata israel?iatawe,kaumgu ngiayi a kiina wali kabisu manasye,monno yauwa ngiakadonna a bua manena wali ne du'gu.'' ¹⁶ Muori na panewe barrana,''karurunage,ku palolo dengngagu,monno you mu pakala kuayi ata midian.'' ¹⁷ Gideon na wale-Ya,''bakku kole donna manawwara ne bou iatawa,makka patingngo gage tada ba you a panewe barragu. ¹⁸ illa mu kako kanna wali niiya dukki bakku mai barra-Mu gaimu kakku ngiddi persembahangu monno tauyi ne aro-Mu.''lin-Na,''ku riamana dukki bou bali.'' ¹⁹ Gideon na tama dana,bage na patiini iyya ana kamiaka monno iyya efa tarigu banna rawina roti idda mangu ragina,na tauyi yidda kanaa ne bakul dana weena na tauwe wurro dana,bage na ngiddi nadi ne kabu wasu tarbantin banna yanadi. ²⁰ na panewe na malaikat Marobba Allah barrana,''deke kanaa monno roti a dai ragina, tau ne togo watu,bage burri weena.''jadi,na rawige a linnana. ²¹ bage,malaikat Muori na soroge ngungngu tokkona a waina togo limmana monno todoyi kanaa monno roti a dai ragina.kamurrinage,na oudawe api a walina ne togo watu monno na ngaa padukkadi yidda kanaa monno roti a dai ragina.kamurrinage,Malikat Muori na dada ne aro matana. ²² jadi,Gideon na paddeni ba ngiana Malikatuna Muori.Gideon linnani,''mate gugege,Muori allagu!oronage,karurunage ba iatagunni malaikatuna Muori mata aro mata!'' ²³ bage,Muori linnani,''weemaringngi wee malala barramu!illa madauta kanna,dou matema!'' ²⁴ kamurrinage,Gideon na padede mezbah nee bali tuba-Na Muori monno na pangarage''Muori ngiana wee maringngi wee malala.''dukki neeya,na mezbah waiponi nee ofra,kotada ata abiezer. Gideon na puaya mezbah baal ²⁵ monno,nee gedde dommo,Muori linnani,''deke iyya lembu mane douna amamu,nai lembu mane a pittu douna.bage,pataburrini mezbah baal douna amamu gaimu kanna taburri parii dou nobbana a waina togona. ²⁶ kamurrinage,padede mezbah tubana Muori Allahmu nee togo kere padou madaka teraturamu.bage,deke lembu mane a ke duada monno yaya korban patunnu wai wasu parii nobba a bukkana nenana.'' ²⁷ kamurrinage,Gideon na marengngana kabullu ata hambana monno rawige a linnana patekkina Muori barrana.oronage banna madautadi du'na monno ata kota banna rawige ne loddo kaka dana,ba makka na rawige gedde dana. ²⁸ dukki kuakage yidda ata kota badda kedde kabu gedde,da iataya na mezbah baal banna bukkana,parii pa nobba a nena ponnuna bali bukkana monno sapi mane a keduada bali yadani ne togo mezbah papa dede. ²⁹ ata da patua wekkina,''garra a rawige ne a linnana?''ba badda salidika monno ngaddowe,lidda,;;Gideon anana Yoas ngia a rawige neya.'' ³⁰ kamurrinage,yidda ata kota da panewe lai yoas,''louso ngiddiya anamu,na matepo oronage bali pukkanani nai mezbah baal monno oro banna pogoya parii padou nobba a neena ponnuna.'' ³¹ Yoas na waleyi yidda ata a kaworeni,''mi beige bei bakawe baal?atau mi beige bei pamuarikawe? garra a bakawe uku amateya ba danna miawaponna.na baal ba ngiakona allah gaimu kanna baka wekkina douna oronage mezbahna bali pukkadani ata.'' ³² nee loddo na Gideon pangarani Yerubaal,oronage lidda,''gaimu baal kanna baka wekkina,oronage mezbahna bali pukkadani ata.''Gideon na pakalayi ata midian ³³ ngaradukkada ata midian,ata amalek,monno ata a walina tuba timura da pakassa kuana. da pala monno da rawina kariaka nee kabu yizreel. ³⁴ bage,diawana Muori na tamani Gideon,ba makkana na puawiya trompet banna pawedeyi ata abiezer badda diakuni. ³⁵ na pangiddina panau lai ngaradukkana kabisu manasye monno pawedeyi ata badda diakuni.na pangiddi dommodi panau lai kabisu asyer,zebulon monno naftali badda mai pakassa wekkina. ³⁶ Gideon linnani Marobba Allah,''bou pamuarikakoyi ata israel li limmagu,a linnana bali patekkimu, ³⁷ karurunage ku tau wullu bebe pa gutti nee padou pengirikan.dukki ne wee penni ba wai iakakoge ne togo wullu bebe pagutti,tapi ne tana barranage na marokkotawe,karurunage ngia bakku paddege ba You a pamuarikayi ata israel li yauwa,a linnana bali patekki-Mu.'' ³⁸ bage na dadiwe a linnana.dukki kuakage,na kedde kabu gedde,na kapoddirage ne wullu bebe pa gutti monno na passuwe ne wee penni a walina togo wullu bebe pa gutti,iyya kuaba na bonnuna. ³⁹ Gideon linnani Marobba Allah,''illa na keddekawe bani-Mu,sadekka kia kadona bakku panewe:pakaiga kakku uji sadekka kia iangage ba waige ne wullu bebe pa gutti:gaimu ne wullu bebe pagutti ngiakadowe a mara tapi ne ponnu tana ngaradukkanage na bonnuge weepenni.'' ⁴⁰ linna dommowe papayilli-Na Marobba Allah dukki nee gedde.ne a mara ngiakadowe wullu bebe pa gutti tapi ne ponnu tana ngaradukkanage na bonnuge wee penni.