¹ dukki pirra madoinagege,dukki rasi ba oppu gandum,simson na lippa ngaddoya ole ummana na ngiddi iyya ana kamiaka,monno linna,''ku tamapo ne koro danana ole ummagu.''lokko balinnawe,ama'na danna pakaimani banna tama. ² amana na mawinne linna,''karurunage,papa ngeddagu dou bei kia mani,oro balinnawe ku yaya lai olemu.peina na allina na louka pa muda monno na louka pamanadana?mu deke amoya kanna dadi ole ummamu.'' ³ simson na wale,''dakku jalama sadekka neeya lai ata filistin,bakku pamaiko karodduka lai yidda.'' ⁴ bage,na kako simson lippa yoppayi touda ngasu bogga kadawu.na deke obora,na kettedi kikku monno kikkuda,bage obora na taudadi tilluda setiap duada bogga. ⁵ na pawiagarayi yidda obora,bage na pasellayi yidda bogga ne uama gandum dappa saruabu podda ata filistin,ba makka na tunnu kuayi gandumm a pakassa pakassana ne uamadana dappa saruabupo,dukki uama-uama zaitun. ⁶ kamurrinage,lidda ata filistin,''garra a rawige neya?''waddeka da wale,''simson,lasawana na ata timna.oronage,yiarana na deke nani ole ummana banna yaya lai ole na.''oronage nee,da kako yidda ata filistin badda tunnuya na mawinne monno amana waidi api. ⁷ Na panewe simson linnadi,''karurunage yemmi bali rawimige a linnana.dakku ngauma ba dakku balasakoge dendamugu.'' ⁸ bage,na patadadi ri kiangada palu waina a kullisa.kamurrinage,na kako monno na madaka liangu dana ne lete danana nee etam. ⁹ bage,ata filistin da mai monno da rawina kariaka nee daerah yehuda duguda da matallara nee lehi. ¹⁰ da matua ata yehuda,''appa maka mu maiwa bou seranguma?''da wale yidda ata filistin,''maimage bamma ketteni simson monno rawini a linnana parawinagama barrama.'' ¹¹ bage,touda rata ata da burru ne liangu dana ne letena watu nee etam,monno liddani simson,''dou paddemadi yidda ata filistin badda kuasada itta?appa nage bali parawimu?''na wale simson,''pei waina badda rawiga,linna dommowe parawigudi.'' ¹² lidda,''maimage bamma kettegu monno yawu lai ata filistin.''na wale simson,''mi aura,ba dei tauwa.'' ¹³ lidda badda wale,''iddama,kette kadomagu monno yawu ne limma danada ata filistin.damma beimage bamma pamatewu.''bage,da kette waini duada kalerre bou monno ngiddiya wali lete watu. ¹⁴ na dukki nee lehi,monno ata filistin da paya wouna ba ammini.na kuasaya diawana Muori na simson,ba makka yidda kalerre a waina togo limmana na dadiyi puala rami a dukkana oro api monno pakette togo limmana na laiyi. ¹⁵ kamurrinage,na tabbokaya iyya ri ngada keledai a bouna.simson na soroni limmana,na pitoya,makka na palu pamate waidi rata ata . ¹⁶ linna simson:''waidi ngiangi keledai bakku tauyi yidda bangsa keledai.ri ngiangi keledai palu waidi rata ata.'' ¹⁷ ba banna tekkiwe,na letoni na ri ngiangi wali togo limmana.bage,na pangarage ne padou ramat lehi. ¹⁸ bage,na marou pongngu simson,ba makka na pa ouni Muori linna,''bali yamuni limmana na atamu mennangu kalada.lokko balinnawe,ianga mategu oro marou monno kaboula ne limma dana'da ata a idda burru maredda.'' ¹⁹ kamurriange,Marobba Allah na bokkawe liangu watu a waina nee lehi monno na lousoge wee wali bali.na ianu,na kullisa bali monno segar.oronage neege,pangarage ne padou mata wee penyeru a waipona nee lehi dukki neeya. ²⁰ simson na paresa banna dadi hakimu'da ata israel dukki rasi'da ata filistin duada kabullu dou madoinage.