¹ simson na kako nee timna.nee bali na iataya iyya lakawa mawinne filistin. ² kamurrinage,na bali monno na tekkinage amana monno innana.linna,''ku iataya lakawa mawinne nee timna,anada mawinne filistin.neeya,dekeya kanna dadi ole ummagu.'' ³ da wale ama monno innana,''dai pongnguma lakawa mawinne ne du'mu atau mawinne ne ngaradukkanage bangsa ,ba makka mukako deke mawinne wali ata filistin?simson na waleya amana,''dekeya,oronage ku beini bakku patiatini.'' ⁴ ama monno innana dadda paddemage neya ba a walinage lai Muori,oronage ngia dou na ngaddopo gara-gara lai ata filistin.dukki neege,ata filistin da kuasayi ata israel. ⁵ bage,na kako simson marengngadi ama monno inna'na nee timna.dukki badda tamadi uama anggura nee timna,tiba-tiba ammini bua singa a mangaum barrani simson. ⁶ Diawana Muori na kuasaya simson,ba makka na irra-irraya a linnana ana kamiaka,daima a waina togo limmana.lokko balinnawe,danna tekki madage amana monno innana tuba appa nage bali parawina. ⁷ bage,na kako panewe dengngani na mawinne,oronage na beini banna iataya simson. ⁸ dukki pirra loddoge,na bali kia banna wai ole ummani na mawinne.na diakuni lara a sibitana banna lippa patiatini na singa bali papa matena.na iatayi madu monno lebah ne togo ri'na na singa. ⁹ na sisiwe ne madu tauwe togo limmana,makka na kako sambil banna ngaage.bage,na kako lai ama monno innana monno na yadi badda ngaa.lokko balinnawe,danna tekkimawe ne madu ba pa sisinage wali togo ri singa. ¹⁰ kamurrinage,amana na kako na lai mawinne bage na rawina perjamuan tubana simson nee bali,oronage linna duayi parawida bua mane. ¹¹ dukki ba iataya,da pidiyi touda kabullu ole'na badda marengngani. ¹² simson linnadi,''gaimu kakku tekkiya iyya karakidata.bei paddekoni selama pittu loddo selama ne perjamuan,ku yagimi touda kabullu kalabbe kaba lenan monno touda kabullu kalabbe ata kalada. ¹³ lokko balinnawe,ba dei paddekoni,makka yemmi po a yaga touda kabullu kalabbe lenan monno touda kabullu kalabbe ata kalada,''da wale,''tekkiya na karakidatamu kamma rengngeya.'' ¹⁴ bage, na panewe linna'di,''wali a ngaa na lousowe pangaa.wali a kullisa na lousowe a liggisa.''dadda paddemani na kara kidta selama touda loddo. ¹⁵ dukki loddo ke pittu,liddani na ole ummana simson,''woddaya lai'mu kanna tekkiya kanna tekki gamani na karakidata,gaimu illa ma tunnuwu padukkawu monno ummana amamu waige api.illa gaikagama bamma dadi milla.'' ¹⁶ Na ngio na ole ummana simson ne arona monno linna,''karurunage dou beimaga monno dou manawwaramaga.karakidata patekkimudi ata wali bangsagu,dou tekki magani yauwa.''simson na wale,''bahkan,ama monno innagu dakku tekkimadage.appa makka ku tekki waguni barramu?'' ¹⁷ ole ummana iangani a ngio ne barrana selama pittu loddo badda rawige perjamuan.dukki loddo ke pittu,na tekki nani artina,oro ole ummana iangani a merengek.kamurrinage,na mawinne na tekki ya na artina karakidata lai ata bangsana. ¹⁸ da panewe yidda ata dukki loddo ke pittu,ba danna tamapo mata loddo,''appa nani a louka pa minnaka wali madu? appa nani a louka pakullisa wali singa?''simson na wale,''ba dei kariakata waikogani bei sapigu,dei paddemagani karakidatagu.'' ¹⁹ monno,diawana Muori na kuasaya simson,bage na kako nee askelon monno na pamateyi touda kabullu ata nee bali.na deke dadi kalabbe'da,bage na yayi kalabbe ata kalada lai yidda a padde nani karakidatana.dukki ba ianga doupoge banna bani ,na bali ummana amana. ²⁰ bage,ole ummana simson yaya lai olena,a diakuni.