¹ daud na yiapadi ngaradukkada barisan tentara a diakuni.bage,togo'da na keketa panglima pasukan rata monno panglima pasukan ngasu. ² kamurrinage daud na pasellayi tentarana:sepertouda kabu paparesana yoab,sepertoda kabu paparesana abisai,anana zeruya,allina yoab,monno sepertouda kabu paparesana itai,ata gat.tokko linnadinrakyat,''yauwa ku kako dommo patauna marengnga gimmi.'' ³ namun,yidda tentara lidda,''omma na pa kako,oronage bamma kiaduko,dadda patiati maggama yamme.waddeka wali olema lakka da mateko,dadda patiati maggama yamme.tapi,neeya you wellimu miaranagu kabullu rata wali yamme.oronage neeya,na louka padessawe muari bou ya tulu wali kota dana.'' ⁴ tokko na waleyi,''appa na a dessa pa iatamu ku rawige.''bage,tokko ne dede tuba binna tama,ba needi tentara a kako,ngasu-ngasu,rata-rata. ⁵ tokko na pawedeya yoab,lai abisai,monno lai itai linna,''mi dessa dengngani absalom,nai bua mane.''ngaradukkada tentara da rengngeya na tokko banna pawede ne parawi lai ngaradukkda panglima ne patekkina lai absalom. pasukanna daud pakalayi pasukanna absalom ⁶ bage,da kako yidda tentara ne maredda dana badda todoyi ata israel,ba makkana dadiwe pa tauna ne kadawu dana efraim. ⁷ tentara israel da palu pakalayi oro atana daud.nee loddo,na dadiwe maliaga raa a kaladana nee bali lai puluhan rata ata. ⁸ ba wali bali patauna na ma tabawe,ne togo ngaradukkanage ne daerah, monno kadawu na louka pamangiadayi tentara papa dukka wali papa dukka wai mata kiato nee loddo. ⁹ bage,absalom na tabbokayi ata na daud,dukki absalom banna penne togo bagal.dukki na bagal banna kako ne kabu roo wasu tarbantin a kaladana,na sa gaitowe katuawana togo wasu tarbantin ba makka na matiaru ne kabu langita monno ponnutana,na bagal pa pennena na malle pakita. ¹⁰ iyya prajurit a iataya,bage na tekkinage yoab, linna''karurunage ku iataya absalom banna matiaru ne togo wasu tarbantin.'' ¹¹ yoab linnadi prajurit a tekkinage,''ba bou iatakoya,appa makka dou padukkawaya togo tana nee padouna? lai you ku yagu kabullu syikal perak monno kette begge.'' ¹² na parajurit na waleya yoab,''ne togo limmagu lakka ku kole konna rata syikal perak,dakku soromanni limmagu lai anana tokko.oronage,ma rengngewe patekkina tokko barramu,lai abisai, monno lai itai,a linnana,''pa ateni absalom,nai bua mane.' ¹³ kabalinage,bakku kaikonage lolo ngauna waina khianat,makka ne ngaradukkanage palakara danna na kabunniwe wali lai tokko. you dommo mu marro wali barragu.'' ¹⁴ linna yoab,''dakku letomage rasigu ne a linnana ne aromu.''na dekeyi touda lembing togo limmana,bage na tawwenadi togo pu'na absalom ba neeponi a muarika,ne tillu wasu tarbantin. ¹⁵ bage,kabullu bujang da ngiddi senjata woletani absalom,badda palu monno pamateya. ¹⁶ kamurrinage yoab na puawiya trompet ba makka da ngau tentara badda ruatiyi ata israel,oronage yoab na kabbuge banna tassadi. ¹⁷ bage da dekenage touna absalom makka da letoni kadawudana,ne kaliada dana a kaladana.da pa dede kangali kalada ne ponnuna.kamurrinage ngaradukkada ata israel da kiadu dou kiadu dou kariaka dana'da. ¹⁸ banna muarikapo,absalom na rawina monno padede tugu tubana ne a nee na kabu tokko.oronage,linna,''daima lakka iyyako lakawa kabani a lolo gagge ngaragu.''na pangarage ne tugu a linnana ngarana,ba makkana pangarage ne tugu gaimu ka lolonage ne ngarana dukki nii loddo. Yoab na pangiddina lii lai daud ¹⁹ bage,na panewe ahimas anana zadok,''pasellawa kakku malle padukkige ne patekki lai tokko,oronage Muori bali pasellananni wali togo limma gobbana.'' ²⁰ na wale yoab,''da youma a ngiddi patekki nii loddo.tekki nage loddo waddeka,tapi nii loddo,dou tekkimannage,oronage anana tokko bali matena.'' ²¹ bage,yoab na pawedeya ata etiopia,''kako,tekkinage tokko pa iatamu.''na moko ata etiopia lai yoab,bage na malle kako. ²² pakitanagege,sadekka kia ahimas,anana zadok,linnani yoab,''lakka appa konnage a dadi,gaiga kakku malle diakuni natti ata atiopia.'' yoab na wale,''appa makka mu beiwage pa kako,anagu?daima patekkimu a dessa bou tabbokakoya.'' ²³ lakka appa konnage a dadi,''linna,''ku kakopowa.''linna yoab,''makka,mallege.''na malle ahimas lii kabu yordan ba makka li lai ata etiopia. daud na rengngewe ne berita ²⁴ Daud neeni a madii barra duada binna gerbang kota,dukki na a madawa banna penne diata togo binna gerbang nee togo temboka.banna patiatige,na iataya na iataya ata a malle kamiasa. ²⁵ na a madawa bage na pa ouni tokko.bage,na panewe tokko,''ba iyyani ata,makka patekki a dessawe papa dukkina.'' ammini na ata,banna mai pa barra. ²⁶ na a madawa na iata kiaya a mai kia.na a madawa na pa ouni a riamana binna,linna,''iatawe,waini ata a malle kamiasa.''ngia dommo na ngiddi patekki a dessa.'' ²⁷ linnana a madawa,''ku iataya pata mallena na a ullu linna dommowe pata mallena ahimas anana zadok.''ba wale tokko,''ata dessaya.ba immini ianga ngiddinage patekki a dessa.'' ²⁸ na pa ouna ahimas dukki banna panewe lai tokko,''selamat!''bage,na sembahya tokko matana togo tana.linna,''deikaya Muori.Marobba Allahmu a bali yaya ata a kiddukanni limmana lai muarigu tokko!'' ²⁹ bage,na tuaya tokko,''pa muarikaya absalom, natti bua mane?''na wale ahimas,''kua iatawe gempar kalada dukki na atamu,yoab,pawedeya na atamu,tokko.namun,dakku paddemage ba appanage.'' ³⁰ linna tokko,''dede ne barragu monno madaka nii.''bage,na kako barrana monno na dede. ³¹ bage,ammini ata etiopia.na ata etiopia linna,''ke ngiddiwe patekki a dessa,muarigu tokko,oronage Muori bali pasellanagu Muori nii loddo togo limma'da ata a kedde gobbagu.'' ³² na ma tua ata etiopia,''na muarikakadonna absalom,nai bua ata?''na wale na ata atiopia,''gaimu na bua ata kanna dadi a linnana gobbamu tokko monno ngaradukkada a kedde gobbagu,na celaka.'' ³³ na kageta tokko,bage na penne ne anjung binna tama monno na ngio.linnayi patekkina sambil banna kako,''anagu absalom!anagu,anagu,absalom!ku mate amo kakku siapawu,oh absalom,anagu,anagu!''