¹ ahitofel linnani absalom,''gaiga kakku pidi kabullu duada rata ata,kakku kedde ruati wali liraya daud nii gedde doommo. ² ku dukki barra na banna duali monno talunnasawe kullisana,bage ku pakagetaya.makka,ngaradukkada ata a diakuni kadda kiadu monno yauwa ku pakala douya tokko. ³ ku pa baligudi ngaradukkada rakyat barramu,a linnana ba pabalini ata lai lai'na.oronage,mu beige ngaradukkada rakyat badda muarika.'' ⁴ yidda patekki na dessayi banna iayati absalom monno badda iatayi ngaradukkada rato israel. ⁵ bage,linna absalom,''neeya pa ou dommoni husai,natti ata arki,ka rengnge dommonage appa na patekkina.''husai na parusakannage pa bowona ahitofel ⁶ ammini husai barrana absalom,bage a panewe absalom lai husai linna,''ne linnayi pa bowo patekkina ahitofel.ta rawipogge pa bowona?ba iddako,mu tekkipowe.'' ⁷ husai na waleya absalom,'' neeya danna dessamawe pa bowo patekkina ahitofel .'' ⁸ linna kia husai,''mu paddeni amam mu monno atana pejuangyi.ba neeya,na karoddukayi ateda a linnana beruang a dada anana ne maredda dana.amamu prajurit sejatiya,danna durama oledi rakyatna. ⁹ neeya ianga neeni a kabunni nee iyya liangu ba iddako nee iyya padou.ba waiko a mate ba patau ulluna ba ne kabar ba rengngewe,ba ngia ba wai a panewe,'ata a diakuni absalom bali kalada.' ¹⁰ makka,lakka ata-ata kullisa pongnguko,ate a linnana ate singa,na tawar monno maupa.oronage,ngaradukkana ata israel da paddege amamu pahlawanuya monno ata a marengngani ata beraniyi. ¹¹ oronage neege,ne linnawe pa bowogugu:pawedeya pakassa kuadi ata israel barramu,wali monno dukki bersyeba a linnana kuarasa bonnudana mangiadada.you dou mu kakopo ne patau danana. ¹² dukki batta kokoni ne iyya padou,gia dou padou waini,makkana ka boula a linna na weepenni ne ponnutana.ngia monno ata merengngana dadda bisama papalolosa wekkina. ¹³ banna iaru konna iyya kota,da kette waini kalerre ngaradukkada ata israel ne kota.bage,ta youraya dukki ne loko dana lakka watu kiiko dai kiama nee bali.''' ¹⁴ na wale absalom monno ngaradukkada ata israel,''na louka padessayi pa bowona husai,na ata arki wali pa bowona ahitofel.''Muori na piatawe banna pa gagaladi pa bowona ahitofel a louka pa dessa,ba makka Muori na pa mai celaka lai absalom. husai na palolonage daud ¹⁵ bage,husai linnani zadok monno abyatar,yidda rato,''neya monno nee pa bowona ahitofel lai absalom monno lai rato-rato israel.ba neepoge,ku bowo dommoni neya monno nee. ¹⁶ neeya,giasa pawede ata kanna tekkinage daud,ka linna:'illa da taddokanna padou-padou pala ne maredda dana nii gedde.namun,giasa pala gaimu illana na ngaa padukkadi tokko monno ngaradukkada rakyat a diakuni.'' ¹⁷ yonatan monno ahimas da riamna nee en-rogel.ba ammiko ata mawinne badda ngiddi patekki barrada,da kako badda tekkinage tokko daud.oronage,illa iatakayi badda tamage kota. ¹⁸ tapi,na iatayi iyya lakawa,bage na tekkiwe lai absalom.jadi,yidda duada da giasa kako monno tama ummana ata bahurim,a mangu sumurana ne aro ummana.bage,da burru ne sumur dana. ¹⁹ na mawinne na deke kaba tudung monno wallarage ne togo ngada sumura.ba neege,na mawinne na wallarage iyya kaba tudung ne togo ngada sumura bage na wialirage bage ne togonage na na sobbarana bulir gandum,ba makka daima pa iata lakka appa konna. ²⁰ ammidi atana absalom ummana na mawinne monno da tuaya,''gia doudi ahimas monno yonatan?''na mawinne na wale,''bali paladanni loko.''makka da ngaddoyi,tapi dadda sangngatammayi.bage,da bali nee yerusalem. ²¹ da ba pakako yiddi ata,da lousona wali sumur dana makka da kako tekkinage tokkodaud.lidda ni daud,''giasa sadia kako palani loko,oronage neya monno nee pa bowona ahitofel tubami.'' ²² bage,na sadia daud monno ngaradukkada ata israel a diakuni badda palani loko yordan,wali mamale dukki kabu gedde.daima iyya ata a iangana,a idda palani loko yordan. ahitofel na pamate wekkina ²³ dukki ahitofel banna iatawe ne pa bowona dadda pa toomannage,na tau pelana togo keledaina na penneni banna bali ummana,nee kota dana.ba banna aturawe pa urusanna ummana,bage na tiaru wekkina.makka na mate,kamurrinage da taneni pa dou tanedani amana. absalom na palani loko yordan ²⁴ daud na dukki nee mahanaim neeponni absalom a palani loko yordan,ngia monno ngaradukkada ata israel a diakuni. ²⁵ bage,amasa pa keketana absalom banna siapaya yoab na kapaladi tentara.amasa ananani ata a ngarana yitra,ata ismael,a bali ole ummani abigail anana nahas,wottona zeruya,innana yoab. ²⁶ bage,da rawina kariaka ata israel monno absalom nee tana gilead.sobi,makir, monno brazilai ²⁷ ba banna dukki daud nee mahanaim,zobi anana nahas,a walina kota raba pa burruba wali ata amon,monno makhir anana amiel a walina li-debar,duguda barzilia ata gilead a walina rogelim ²⁸ na ngiddi padou beika,pasu ,wurro,belanga,gandum,jelai,tepung,bertih gandum,kabbe wawi,kabbe rara kalada,kabbe rara kii, ²⁹ madu,mentega,kamiaka bebe,monno keju,tuba banna yani pangaana daud monno ata a marengngani.oronage,lidda,''rakyat bali kariabada,duali monno marou ne maredda dana.''