¹ ba bawe rasinagegege,absalom na sadiana tubana kareta monno dara monno limma kabullu ata a malle ne arona. ² iyya kabu gedde iyya kau gedde na kedde absalom na dede ne uppu lara a sagana binna tama.ata a mangu palakarana mai aroni tokko tuba ba urusayi palakarada,napaa oudi absalom monno na tuaya,''giawali ngiamu you neya?''.bage,na wale,''na atamu walina kabisu israel.'' ³ absalom linnani,''kou paddege,ne palakaramu na dessawe monno bennarawe,ta[pi daima wali tuba tokko a patoowu.'' ⁴ linna kia absalom,''nee keketawa bakku dadi hakim ne negri! ngaradukkada ata mai a mangu palakarana atau masalah uku,ku piata pa adiladage palakarada.'' ⁵ dommo, ba waiko ata a pa barra banna sembah,na soroni limmana banna terreni na ata monno na dekkiya. ⁶ linna we pata pa rawina absalom lai ngaradukkada ata israel a mai banna adiliyi tokko.absalom na kiadudadi ateda ata-ata israel. absalom na kabbuge banna dekewe pamadiina daud ⁷ ba patalirage pata dou,absalom na tuaya tokko,''pakaiga kakku kako bayaradi nazaragu,bali pa tekkiguni Muori nee hebron. ⁸ oronage,na atamu na tekki nazar ba ianga ponni nee gesur,aram,ne linnawe,'Muori ba linna takkakowe bou pabalini na atamu nee yerusalem makka ku deikawu Muori.''' ⁹ na panewe tokko,''kako duguda muarika.''bage,na sadia monno kako nee hebron. ¹⁰ bage absalom na pawede kabunni ata ne lai ngaradukkada ata israel monno na panau,''dukki bei rengngeko punni terompet,mi kawula:'absalom bali dadina tokko nee hebron!''' ¹¹ a marengngani absalom da kako duada ngasu ata a walina yerusalem,yiddi ata-ata pabowo da kako dadda curiga waimawe ne tuba pa kabbuna. ¹² absalom na pawedeya ahitofel,ata gilo,nai a pabowo na daud a walina kota gilo,banna yana korban.ba makka na kullisawe ne sapakata monno rakyat na taba mangiadayi a oleni absalom. daud na paddege pa kabbuna absalom ¹³ bage,ammini iyya ata a tekkinage daud.linna,''bali wigirada ateda ata israel lai absalom.'' ¹⁴ na panewe daud lai ngaradukkada pagawena a diakuni nee yerusalem,''sadia katta kiadu oronage datta lolosama wali lai absalom.giasa kako,gaimu illana na giasa padiaku banna pamai celaka ne barrada monno banna pakalawe ne kota waige mata kiato.'' ¹⁵ lidda pagawe-pagawe tokko lai tokkoda,''appa na pa beimu muarigu tokko,linna dommoyi yidda atamu.'' daud duguda olena da kiadu ¹⁶ bage,na lousona tokko monno ngaradukkada i'ummana da diakuni.tokko na gaidi kabullu gundikna badda jagawe istana. ¹⁷ na kako tokko monno ngaradukkada ata a diakuni.bage da ngau nee umma uppuna. ¹⁸ ngaradukkada pagawena da kako ne barrana,ngaradukkada ata kreti monno ata pleti,ngaradukkada ata gat,enne ngasu ata mangiadada,da diakuni wali gat nee barrana. ¹⁹ tokko na tuaya itai,nai ata gat,''appa makka ammi dommowagu bou diakugamma?bali monno madaka oleni tokko oronage you ata iakawu,monno you dommo ata paletowu wali padou walimu. ²⁰ mannana mu mai monno neeya mu dede marengngaga bou diakuga a kako di ngaradukkada padou pa kakogu.bali ngiddiyi du ole dadimu na manawwaragimi.'' ²¹ ne linnawe pawalena itai lai tokko,''demi Muori a muarika monno demi muarigu tokko,karurunage lakka giako padou waigu tokko,mate atau muarika,nee dommoni padou waini atamu.'' ²² daud linnanij itai,''mai ka kako.''bage,na kako itai,na ata gat monno ngaradukkada atana monno ngaradukkada lakawa a diakuni. ²³ ngaradukkanage neggri da ngiodukki badda kako yidda ngaradukkada ata.tokko na woletani loko kidron monno ngaradukkada ata da kako sagana aro maredda binara. ²⁴ iata dommoya zadok duguda ngaradukkada ata lewi a keketawe tabut pajanjina Marobba Allah.da boddalawe ne tabut Marobba Allah bage da kako nee abyatar dukki ngaradukkada ata badda ba papala wali kota. ²⁵ tokko linnani zadok,''ngiddiwe ne tabut Marobba Allah ne kota dana.ba kolekonna manawwara ne banna iatawa Muori,na pabaliga monno ku iata kiaya ne padou madakan-Na. ²⁶ liin-Na be linnawe,'dakku nauma',linnawe parawina a dessa ne banna iatawe.'' ²⁷ tokko linna dommoni zadok,nai rato,''ba bou iatakoya,bali muarikawu kota dana marengngadi yidda duada lakawa kabani, nai ahimas,anamu,monno yonatan,anana abyatar. ²⁸ kou paddege,ku riamagimmi ne padou-padou pala,ne maredda bunara,dukki ba ammige patekki a walina barramu a tekkigage.'' ²⁹ na bali zadok monno abyatar ngiddiwe ne tabut Marobba Allah nee yerusalem monno madaka nee bali. dona daud banna gobbani ahitofel ³⁰ daud na katiakalage letena zaitun sambil banna ngio,na tuadiwe katuawana na kako danna tauma kappe wai.ngaradukkada ata a diakuni da tuadi dommoyi katuawada monno da katiakala dommo sambil bddada ngio. ³¹ dukki nee ge waini ata a tekkinage daud,linna,''ahitofel ngiana ata a sekongkola dengngani absalom.''oronage nee daud na dengngi,''Muori,rawige ne pabowona ahitofel kanna gagalawe.'' ³² daud na dukki nee ponnu letena,nee pa dou pa wai duada ata badda sembahya Marobba Allah.kamurrinage ammini husai,ata arki,ammini lai daud kalabbena mairrayi monno kobbura togo katuawana. ³³ kamurrinage daud linnani husai,''bou kako marengngakoga,mu dadi beban'gu. ³⁴ namun,bou bali kota dana,tekkinage absalom,'muarigu tokko,yauwa neta atamuga.karurunage ettipona atanaga amamu tapi neeya atamuga.'ne linnawe bou pa batalanage pabowona ahitofel. ³⁵ ba waikadodi absalom monno abyatar,etti rato,waidi marengngamu nee bali?ngaradukkana patekki parengngemu istana danana tokko,mu tekki pongnguponnadi zadok monno abyatar,yiddi rato. ³⁶ lolowe,oleda nee bali waidi duada ana'da,ahimas anana zadok,monno yonatan anana abyatar.tekki dage barrada ngaradukkanage parengngemu barragu.'' ³⁷ bage,ammini husai,olena daud,nee kota dana ba banna dukki absalom nee yerusalem.