¹ Na paddege yoab,anana zeruya,ne atena tokko na pangeddani absalom. ² bage,yoab na pawede ata nee tekoa banna lippa dekeya nee bali mawinne a padde.linnani na ,awinne,''mu berkabung kawossoka mu tau kalabbe berkabung.illa mu kuddokanna minyak monno a linnana mawinne a madoi a berkabung oro ata mate. ³ mu mai aroni tokko monno panewe dengngani waidi yidda patekki.'' bage,yoab na tauna di yidda patekki ne ngada danana na mawinne. ⁴ bage,na panewe na mawinne tekoa dukki banna aroni tokko na sujud mata na togo tana banna sembah,linna,''tuluga,ya tokko!'' ⁵ tokko na tuaya,''appa nage,''ah,yauwa neya mawinne waluwa,bali matena lai'gu. ⁶ waidi duada ana kabanigu.needi a patauna maredda dana daima a bisa papa siawadi.bage,na iayya na paluya iyya,ba makka na pamateya. ⁷ neeya,na kedde kua du badda gobbani na atamu.lidda,'yaya na ata a bali pamateya anguwuana gaimu kamma ukuni pamateya gaimu kanna jiapanage lolo ngauna anguwuana bali papa matena,gaimu kadda padukka dommoya na ahli waris.'da beige pamate kuagadi anagu a ianga ponna monno dadda gaimanna ngara wali ata a iangaponna tubana laigu ne ponnutana.'' ⁸ na tokko linnani na mawinne,''bali ummamu.ku piatakoguge.'' ⁹ na mawinne tekoa na wale ya tokko,''ku taguge,ya muarigu tokko,tuba jala da dugu.oronage,tokko monno tahtana danna jalamawe.'' ¹⁰ linna tokko,''ba waiko a panewe barramu,ngiddiya na ata kanna aroga,gaimu illana na ulla pakitagu.'' ¹¹ na wale,''muari mu lolokiya Muori,Marobba Allahmu,gaimu illa da mangiada a dengngi jiapa raa a pamai pa dukka dengnga monno gaimu illa da padukkaya na lakawa.''bage,na linna tokko,''demi Muori a muarika,danna kaboula mawe iyya loge wali togo katuawana anamu ne ponnutana!'' ¹² linna kia na mawinne,''gaini ni atamu kanna panewe kadippuka kia patekki barramu muarigu tokko.'' na wale,''tekkiwe,'' ¹³ linnana mawinne,''appa tokko makka mu pangeddage a linnana lai umatuna Marobba Allah?muarigu a tekkiyi yidda patekki,makka muari mu jala ba dou gaini banna bali ata paletona. ¹⁴ oronage,itta ianga mateda a linnana wee a lai ne ponnutana, a idda pakassana.namun,Marobba Allah danna dekema lolo ngau ata,tapi na pangeddage gaimu illa wai ata a maleto wali barra-Na. ¹⁵ neeya,ku tekkiwe ne patekki lai muarigu tokko oronage mangiada ata a bali pamadautawa.papangeddana na atamu,'gaimu kakku pa aro kakku tekki gugge tokko,ba ianga pa too dommu gage ne patekkina na atamu. ¹⁶ oronage,tokko ianga na patoowa monno monno na pasellaya na atana wali togo limmada ata a kabbuge papa dukkaya yauwa monno anagu ole dou pusaka Marobba Allah.' ¹⁷ na atamu na pangedda dommoge,'ne patekkimu tokko na pakadenna gage ategu,oronage a linnana malaikat Marobba Allah,linna dowe muarigu tokko bou pa bedadi a dessa monno a buakala.Muori alla na palolo dengngagu.'' ¹⁸ na tokko linnani na mawinne,''illamu kabunni kage appana pa tuamu.''.''linna na mawinne,''panewe kaddona muarigu tokko.'' ¹⁹ na tuaya tokko,''da yoab kaddona a olegu ne ngaradukka kuana?''na mawinne na wale,linna,''demi muarika monno lolo ngaumu,muarigu tokko,danna sibitamadi kawana monno yello wali ngaradukka kuada patekkimu muarigu tokko.karurunage,atamu yoab,ngiana a pawedewa.ngiana a tauwe ngada danagu ne ngaradukkana patekki. ²⁰ duguda pa kabbu ubawe ne sada pakalakara,makka yoab,atamu,na rawige ne palakara.namun,muarigu mu padde a linnana malaika Marobba Allah, ba makka ku padde kuagea waina ne ponnutana.'' absalom na bali nee yerusalem ²¹ bage,tokko linnani yoab,''ya,dessawe,oo ge ne pa dengngi.kako monno marengnga balini,nati bua ata,absalom.'' ²² na sujud yoab matana togo tana,banna sembah monno na dengngi kanurru tuba tokko.linna yoab,''nii loddo na atamu na paddege bakku kolena manawwara ne pa iatamu muarigu tokko,oronage tokko bali deibamudi pa dengngina na atamu.'' ²³ bage,na kedde yoab monno kako nee gesur banna lippa dekeya absalom marengngani nee yerusalem. ²⁴ namun,tokko linna,''na balipo ummana.illa ku iatakaya ne arogu.''jadi,absalom na bali umana monno danna patingngo wekkimana ne arona tokko. ²⁵ daima ata ne israel pa deika a manadana a linnana absalom.daima a kapillani,wali tana wai dukku uppu katuawana. ²⁶ banna kikkirakowe logena--dukki dukka dou,pa kaina oronage banna buotowe --ne loge na kilowe,duada ngasu syikal buotonage waige kilo tokko. ²⁷ na dadiyi anana absalom touda lakawa kabani monno iyya lakawa mawinne,na panagarani tamar.lakawa mawinne manadanani. absalom na pakkisaya yoab banna mai barrana ²⁸ absalom na madaka nee yerusalem duada dou ba danna pa tingngo wekkina ne arona tokko. ²⁹ bage,absalom na pawede pa ouni yoab ,gaimu kanna pawedeya banna aroni tokko.namun,danna nauma pamai barrana.bage,na pawede kia ata a keduada wuddana ,danna nau dommoma pamai. ³⁰ linnadi yidda atana,''karurunage,uamana yoab nee ge barra uamagu monno nee bali waidi jelaina.kako kei tunnu waige api.''bage,atana absalom da tunnuwe ne uama waige api. ³¹ kamurrinage,na kako yoab lippa patabboka dengngani absalom nee ummana monno na tuaya,''appa atamu makkada tunnu gage uamagu dukki banna dukka kuage banna muttuge?'' ³² absalom na waleya yoab,''karurunage,ku pawede ata barramu monno luggudi,'mai nemmi,'kakku pawedewu lai tokko monno panewe,'appa makka marengngawaga wali gesur?na louka padessawe bakku madaka pakita nee bali.oronage neege ku beige papa tingngo wekkina arona tokko.ba waiko jalagu,gaima ka ukuga kakku mate!'' absalom na lippa ngaddoya tokko daud ³³ bage,na kako yoab aroni tokko monno na tekkinage ne a dadi.pa ouni absalom,na aroni tokko matana sujud togo tana ne arona tokko.bage tokko na dekkiya absalom.