¹ ata filistin da ngiddiwe tabut Marobba Allah wali eben-haezer dukki asdod. ² dukki ata filistin badda dekewe ne tabut Marobba Allah,da ngiddiwe nee kuil dagon monno tauwe nee tuba dagon. ³ dukki kuaka kabu gedde badda kedde ata asdod,da iataya dagon banna kaboula matana togo tanawe banna aroge tabut Marobba Allah.bage da dekeya dagon tau baliya padouna. ⁴ dukki kuaka kabu gedde da kedde ,iataya dagob kaboula togo tana mata na aroge tabut Marobba Allah,katuawana dagon monno duada limmana pakaiyi monno gegalayi barra ngada binna.ba balinnawe,wekkina dagon ianga pogge barrana. ⁵ ne ngiadowe ,rato dagon monno ngaradukkada a tama kuil dagon dadda liadumage ngada binna a waina nee asdod dukki nii loddo. ⁶ limmana Marobba Allah tennekadi ata asdodo monno pa bingunguyi,monnno na tau kara-kara,asdod monno wilayahna. ⁷ dukki ata asdod badda iatawe ne a linnana,da panewe,''tabut Marobba Allah israel illana iangakage barra'da,oronage kullisayi limma-Na banna gobbada monno dagon,alla'da.'' ⁸ bage da pa oudi ngaraukka'da tokko ata israel badda mai pakassana pa aro,monno lidda,''appa na parawidage ne tabut Marobba Allah israel?''da wale,''ta ngiddi bali powe gad ne tabut Marobba Allah'da israel. ⁹ tapi,ba badda pa dikki ge,limma Muori na pamai we a kapoka kalada ne kota.na hajarayi ata ne kota,wali lakawa dukki a matto,duguda oudayi kara-kara barra 'da ¹⁰ bage,da pangiddi ge ne tabut Marobba Allah nee ekron.ba,padukkiwe ne tabut Marobba Allah nee ekron,da kawula ata ekron lidda,''da padikkige ne tabut Marobba Allah gaimu kanna pamate'da itta.'' ¹¹ oro balinnawe,da pa oudi pakassa kuadi tokko ata filistin monno lidda,''pangiddi balige ne tabut Marobba Allah israel monno tau baliwe padounage,gaimu illana pamate'da monno bangsa'da.''oronage,waige a kapoka mate ne bangsa,monno limma Marobba Allah a buato tennekadi yidda bangsa. ¹² ata-ata a idda mate na hajara waidi kara-kara,ba makkana na pennewe kawula a dengngi gata ne kota dukki togo langita.