¹ makka patekkina samuel na dukkiwe lai ngaradukkana israel.ata filistin pakalayi ata israel kako ata israel gobbadi ata filistin,tuba ba patauna monno rawina kariaka nee barra eben-haezer.baneepoge,ata filistin rawina kariaka nee afek. ² ata filistin aturayi barisan'da tuba ba aro'di ata israel.patauna monno ata israel da kala oroda ata filistin,pata rata ata a mate ne padou patau ³ ata da bali nee kariaka dana,monno rato israel da panewe,''appa Muori makka na pakala wada nii loddo aroda ata filistin?mai kadekewe wali silo tabut pa janji Muori,gaimu kanna mai barra'da kanna pasella'da wali limma'da gobba. ⁴ kamurrinage,da pawede ata nee silo badda deke we ne tabut pajanji Muori,ponnutana,a neena togo kerub.nee bali ,duada ana'na eli,hofni monno pinehas,waidi nee barra tabut pajanjina Marobba Allah. ⁵ ba ne tabut pajanjina Muori banna tamawe kariaka dana,pa ya wou pakallaka ngaradukkada ata israeal punni takkawe tana. ⁶ ata filistin da rengngewe lii paya wou pakalla,monno linna,''appa ke ne a punni lii paya wou pakallaka wali lai ata ibrani?''dukki badda paddege bahwa tabut Muori ba bali tamanage kariaka dana, ⁷ ata filistin da madauata.oronage,lidda,''ammini Marobba Allah ne kariaka dana.''lidda kia,''meitadage ittage,oronage danna dadi pommawe wali ettipona dukki neeya. ⁸ meitadage ittage,garrako a pasellada wali togo limmana Marobba Allah a kullisa?na ngiadona Marobba Allah a tau pa kalayi ata mesir duguda tulah ne maredda dana. ⁹ pakullisage atemu monno dadi a linnana kabani,hai ata filistin,gaimu illami dadi ata'da ata ibrani a linnana a ullu badda dadi atamu.dadiki a linnana kabani monno patauna!'' ¹⁰ kamurrinage,da patauna ata-ata filistin monno palu pakalayi ata israel,bage makka da kiadu,iya monno iya nee kariaka dana'da.ne kala na kalada pongnguge.touda rata ata israel a kako a tana a mate. ¹¹ bage,tabut Marobba Allah da dekewe,monno duada ana na eli,hofni monno pinehas,da mate. ¹² na malle iya ata a walina kabisu benyamin wali patau danana dukki silo nee loddo dommo.mairrayi kalabbena,monno tana togo katuawana. ¹³ ba banna dukki,na iataya eli neeni a madii togo kursina,dukku-dukkuwe atena banna riamana uppu lara,oronage,atena danna kadennamawe oronage ne tabut Marobba Allah.dukki ata badda tekkiwe ne ngaradukkana kota,na milla kuawe ngaradukkana kota. ¹⁴ dukki eli banna rengnge a punni a ngio,na matua,''appa nage makka na gemparuwawe?''na ata ammini monno tekkinage eli. ¹⁵ eli siwwa kabullu paddo pata douna,monno matana bali waworada,ngia makka danna bisa pa iata. ¹⁶ na ata linnani eli,''maiguge wali padou patau.gaiguge patauna monno ku kiadu nii loddo.''eli na tuaya,''peina a dadi barra'da anagu?'' ¹⁷ na wale na ata a mai lippa tekkiwe,linna''ata israel da kiadu wali aroda ata filistin,da kala kuayi ata.dommo,duada anamu,hofni monno pinehas,bali mate'da,monno tabut Marobba Allah bali dekedage.'' ¹⁸ Ba patekkiwe tuba ne tabut Marobba Allah,na guggila talianga rara eli wali togo kursi ne uppu binnna tama.bata puala kokona monno mate eli,oronage bali kawiadana monno morru.na kawasa a linnana hakim'da ata israel selama pata kabullu dou. kemuliaan bali daimage ¹⁹ wassena eli,ole ummana pinehas,neeni a patia monno ngiana wulla pariamana.dukki banna rengngewe tuba ba bali koledage tabut Marobba Allah,monno mateda matto monno lai na,na madii waidi kuddona banna pa ana oronage karodduka paana ammige barrana. ²⁰ na tekki pa mate,da panewe yidda a dede barrana,''illa madautakana,oronage bali paanamuni lakawa kabani.''tapi, danna walema monno danna patiatimana. ²¹ na pangarani na lakawa ikabod,linna,''bali daimage kemuliaan wali ne israel.''oronage badda dekewe ne tabut Marobba Allah,monno oro mattona kabani monno laina. ²² linna,''bali daimage kemuliaan wali israel,oronage bali dekedage tabut Marobba Allah.''