¹ bage na kiadu daud wali nayot,nee rama,monno dukki ne aron yonatan.bage na matua,''appana pa rawigu?appana jalagu monno appana dokugu lai ama mu,ba makkana na kabbuwage banna pamatewa?'' ² yonatan na wale,''marrowu !dou matema.karurunage,ama gu banna rawikoge a kaladana lakka a kiidommona,na tekki ullu pogage barragu.appa amagu makkana kabunniwage palakara wali barragu?iddama!'' ³ na wale kia daud ,linna,''ama mu karurunage na paddege bou manawwaraga.papangeddana:neya illana paddekage yonatan,nemmi na susawe atena.tapi,demi Muori a muarika,demi toumu,karurunage iyya paga kadona marronage yauwa monno mate.'' ⁴ yonatan linnani daud,''appana pa bei atemu,ku rawige,'' ⁵ daud linnani yonatan,''karurunage,kuaka wulla a bou nani.ku madakapo monno madii ngaa dengngani tokko.bou gai kogga bakku kako,ku kabunni maredda dana dukki miawa gedde. ⁶ dukki amamu banna iatakowe ba daiga,tekkinage,'daud bali tekkinagage banna kako nee betlehem,kotana.oronage,waige urratapengorbanan dou nee bali monno ngaradukkada du'na,' ⁷ balinna kowe patekkina,'dessawe,makka,na muarika na atamu.banna kedde kowe banina,kou paddege na piatawe na kabbuge banna pamatewa. ⁸ oronage nee,patingngo ge manawwaramu lai na atamu,oronage bali lolomuge pa janji dengngamuga ne arona Muori.ba wai ko jalagu,makka muari mu pamatewa,oronage appa makka mu ngiddi wawa nii lai amamu?'' ⁹ yonatan na wale,''na marrowe a linna wali barragu,oronage ku padde pongngu ge ama gu banna piatawe banna pamai karodduka barramu,appa makka dakku tekkiwaguge?'' ¹⁰ daud na tuaya yonatan,''tapigarrako a tekkigage amamu banna katto konna banna walewe?'' ¹¹ yonatan na waleya daud,;;mai katta kako maredda dana.''bage,yidda duada da kako maredda dana. ¹² bage yonatan linnani daud,''demi Muori Marobba Allah israel,ku kanutturaya amagu kuaka monno miawa.ba iatawe banna dessakowe tubamu daud,apakah dakku pawedema ata barramu gaimu kadda tekkiguge? ¹³ ne linna dowe parawina Muori lai yonatan,apa bila amagu banna ullu ko banna iata dessawe banna pamai karodduka barramu.ku mawukke barramu monno ku gaigu bou kako kou muarika.Muori na palolo dengngagu,a linana banna palolo denngani amagu ¹⁴ karurunage ba ianga kappoga a muarika,bukankah bou bowo gage manawwara Muri ba dakku mate po? ¹⁵ illamu piatakawe manawwaramu lai pa burru gu dukki kadukkanage.Muori banna pamatekoyi gobba na daud wali ne ponnutana , ¹⁶ ne ngarana yonatan illana dadkawe wali pa burruna daud .gaikadoni Muori kanna denngi bale wali lai gobbana daud.'' ¹⁷ sadekka kia yonatan na rawini banna aura oro manawwarana,oronage na manawwarani a linnana banna manawwarage touna. ¹⁸ linnani yonatan,''kuaka wulla bou ya,monno you ianga tuada gu oronage ne padoumu daima i'ge.'' ¹⁹ miawa ia ngaddodagu.dukki nee ge,maiwu ne padou kabunnimu,nee bali,dukki ne a dadi,monno ma'dii barra lete watu. ²⁰ ku panayi touda ana pana barrana,seolah-olah bakku bidik sasaran. ²¹ karurunage,ku pawedeyi bujanggu,'kako,ngaddogadi ana pana gu.ba lugguko bakku pawedeyi,'iatayi ana panar barra mudi.dekeyi!'makka,mai,mu muarika monno daima bahaya demi Muori a muarika. ²² balinnakowe,patekki gudi yidda bua ata'iata,ana panagu loukayi etti bali wali barra!',makka kakowu,oronage Muori a pawedewu kako. ²³ bali pa janji'da,you monno yauwa,karurunage Muori waini barra da dukki kadukkanage.'' ²⁴ bage daud na kabunni maredda dana.patana saul dukki perayaan na dukkiwe kamurrina wulla a bouna,monno na madii tokko tuba ba ngaa. ²⁵ tokko na madii padou duana,nee ge barra koro.yonatan neni arona,monno abner neeni barrana saul,bage padouna daud daima i'ge. ²⁶ saul daima patekki waina nee loddo,oroge papangeddana,''waige a dadi barrana.danna warrasama.ngiawe,ba danna warrasa.'' ²⁷ kuakage,baya wulla bou,loddo ke duada,padouna daud daimapo ige.saul na tuaya yonatan,ana'na,''appa makka danna mai wa ana'na isai,manna na monno nii loddo,banna ngaa?'' ²⁸ yonatan na waleya saul,''daud bali tekki nagage,banna kako betlehem. ²⁹ linna,'neeya,gaiga kakku kako,oronage waige urrata pengorbanan tuba da kaumgu nee kotama,monno ku kolena lii wali lai anguwuagu.oronagege,yaga kaluaga kakku kako lippa ngaddoyi du'gu a muarikapo.ngiawe,makka danna mai ngaa tokko.'' ³⁰ na keddewe banina saul lai yonatan,linna,''lakawa buakala!ku paddege bou louka pa beini natti anana isai?jala pa makke dengnga wali tia danana innamu! ³¹ oronage,rasi malou,selama banna muarika na anana isai ne ponnutana,dou madduma mana you monno padoumu.neeya,pawede ata kadda marengnga ganni barragu,na mate pongngupo.'' ³² yonatan na waleya saul,ama'na,linna banna panewe,''appa makka na matewa?appa na parawina?'' ³³ saul na tauya nobbu na yonatan tuba banna pamateya.na paddege yonatan,bahwa ama na kabbu takkanage banna pamateya daud. ³⁴ na kedde yonatan banna duddakage ne ngaa,duguda bani'na.daima pa ngaa waina ne loddo ke duada ne wulla bou selain banna karoddukawe ataena orona daud,oronage amana bali kamelonani. daud monno yonatan da pasiawa ³⁵ kukanagege na kako yonatan ne maredda dana sesuai patekki nani daud,duguda bujang kii pamarengngana. ³⁶ linnani na bujang,''malle,neeya ngaddogani ana pana gu pa panagu.''na malle na bujang,bage na panaya na lawiya. ³⁷ ba banna dukki na bujang padou pasella nani panana yonatan,yonatan na pa ouna wali lira bujangna,linna,''bukankah na ana pana etti poni bali wali barramu?'' ³⁸ bage yonatan na pa ou kiana na lakawa kii ''mai ngettana,illamu dede doudoukana!''bage na lakawa kii na dekeyi pana-pana monno na yanadi yonatan. ³⁹ na bujangna daima pa padde waina.yonatan monno dau ngiaka do a paddege. ⁴⁰ yonatan na yanage senjatana na bujang a diakuni,monno linnani,''kako,monno ngiddiwe kota dana!'' ⁴¹ na lakawa na bali,daud na lousona wali bali lete watu.na runnu mata na togo tana touda wudda.da pa dekkina monno iangadi a ngiodukkige daud na buato. ⁴² yonatan linnani daud,''kako muarika.bukankah itta duada bali aurada ne ngarana Muori:Muori waini barramu monno waini barragu,duguda barra pa burrumu monno barra pa burrugu.''(20-43) makka,na kedde monno na bali yonatan nee kotana.