¹ saul linnani yonatan,ana na,monno lai ngaradukka'da pegawaina,gaimu kdda pamateya daud.tapi,yonatan,ana na saul,na bei pongnguni daud. ² bage yonatan na tekkinage daud,linnani,''amagu,saul,beinage banna pamatewu.oronage nee,pa atekiwu neeya.kuaka kabu gedde,madaka padou ka denna monno kabunni. ³ ku lousokona monno dede barrana amagu,ne maredda dana padou kabunnimu.ku panewe dengnga koni ama gu,monno iataya peiwaina,ba ku tekkikoguge.'' ⁴ kamurrinage yonatan na tekkiwe a dessa tubana daud lai saul,ama na.linna ni,''tokko illamu rawikanna jala lai atamu,daud,oronage daima jalana,bahkan parawina dessa pongnguwe. ⁵ miarage banna yawe lolo ngauna,monno limmana bali pakala nadi ata filistin,ba makka Muori na yawe mennangu kalada lai ata israel.mu iataya monno na millawe atemu.appa makka mu beiwage bou rawina jala lai raa ata a idda jala duguda pamateya daud a idda mangu alasanna?'' ⁶ saul narengngewe patekkina yonatan,ba makkana aura saul,''demi Muori a muarika, dappa pamatemaya!'' ⁷ yonatan na pa ouni daud monno tekkinage ne patekki.kamurrinage yonatan na marengngani daud lai saul,monno na payilli a linna duana. saul na berusaha kia pamateya daud ⁸ na buawe patauna,makka na kako daud tauyi ata filistin.na tauyi da kala kalada,ba makka da kiadu wali arona. ⁹ roh buakala a walina lai Muori iangani lai saul ba neeni a madii ummana,monno nobbu togo limmana,ba neeni daud a malingngo kecapi togo limmana. ¹⁰ saul na beige banna pakadiasani daud ne togo dinding,tapi na pasili bage ne nobbuna saul na kennawe dinding,kamurrinage daud na kiadu,ba makkana luputa nee gedde. ¹¹ saul na pangiddina ata papa wedena nee ummana daud badda kapadani monno pamateya kuaka kabu gedde.mikhal,ole ummana na daud,na tekkinage,linnani,''ba dou pa lolosa wekkikomu nii gedde,makka kuaka bisa badda pamatewu.'' ¹² kamurrinage mikhal na pa burruni daud li jendela,ba makkana kako kiadu monno luputa. ¹³ bage mikhal na deke terafim,monno tauya togo padou beika.na tau pa tonnu wullu kamiaka ne tuba katuawana,bage na pa ingngiya selimut. ¹⁴ bage saul na pangiddina ata papawedena badda yoppaya daud.tapi,na panewe,''kadawwukanage.'' ¹⁵ bage saul na pawedeyi ata papa wedena badda lippa iataya daud,sambil lidda,''ngiddi mangu paou beikaya nii gaimu kakku pamateya.'' ¹⁶ yidda ata papawede da tama,da iatawe terafim togo padou beika duguda patonnu wullu kamiaka tuba katuawana. ¹⁷ saul na tuaya mikhal,''appa makkamu tipuwawa monno mu pasellaya gobbagu gaimu kanna luputa?''mikhal na waleya saul,''linnaga,'gaiga kakku kako,appa makka mu matewa?''' daud na kako kariaka dana rama ¹⁸ daud na kiadu monno muarika dukki lai samuel nee rama.na tekki kuanage ngaradukkana parawina saul.bage na kako duguda samuel monno madaka nee nayot. ¹⁹ lai saul tekkina nage linnawe,''karurunage,daud waini nii nayot,nii rama.'' ²⁰ saul na pawede ata kadda yoppaya daud.tapi,da iatayi nabi mangiada a marawi,monno samuel na dede pa atedi.na tamadi diawa Marobba Allah lai ata papawedena saul,ba makka yidda dommo da marawi. ²¹ da tekkinawe ne hal lai saul.bage,na pawede kia ata waddeka,monno yidda ata da marawi dommo.sadekka kia,saul na pawede ata a katouda wuddana.da marawi dimmo. ²² na kako dou nee rama.dukki barra sumura kalada nee sekhu,na tua linna,''gia douni samuel duguda daud?''ata yidda ata da waleya,''karurunage nee nayot,nee rama.'' ²³ bage saul na kako nee bali,nee nayot,nee rama.monno,na tamani diawa Marobba Allah,dukki banna kako pakita,na marawi dukki nee nayot,nee rama. ²⁴ bahkan,na kaidi kalabbena,na marawi dommo ne arona samuel.na beika kalualu iyya loddo monno iyya gedde nee bali.ngiawe oronage,.ata da pa tua,''apakah saul dommo na tama golongan rato?''