¹ Pangelei êku kasilihanu bêsi Febe, pog ihita bene masali a jamaat Kengkrea, ² sani’boho kamutahula sumupah isia a Ngalan i Ningumêlêd, kelemio' tumulid a manga totumu' lênas, osa beamange powalad besia. ³ Ihua mio' siri'ku besi Priskila bo si Akwila, manga karuahu imawatawoi a tawoiên i Kristus Yesus. ⁴ Silatahula imowalad i kanaluna nde pênonowaiku. Besilatahula hi'i bati' siahu nimehe siri', sumata' kahi pahasa jamaat ahi'i Yahudi. ⁵ Siri' kahi besilatahula jamaat ambale i latahula. Siri' besi Epenetus, pogku karua i mbêlês, wai bua' apahamunan asakum i Sia tahu Kristus. ⁶ Siri' besi Maria, nde minatawoi totu'u behamutahula. ⁷ Siri' besi Andronikus bo si Yunias, manga morowo'ku a sangarêrêt, ema hasa tinarunggu bewakaru-harua hu, waaho manga totumu' pinaponarah a tutud i manga rasul bo manga imamoalim sarani akinahamuna'anku. ⁸ Siri' besi Ampliatus karua i mbele'ku a Ningumêlêd. ⁹ Siri' besi Ubarnus, kamahu imatawoi besi Kristus bo siri' besilatahula bo pahasa a suang i mbale i Aristobulus. ¹⁰ Siri' besi Apeles, nde kibaêtêsanem i mi'gon besi Kristus. Siri' besilatahula, bo pahasa a suang i mbale Aristobulus. ¹¹ Siri' besi Herodian, karuahu sangawêkaroongan. Siri' besilatahula bo a suang i mbale i Narkisus, iwakarua i Ningumêlêd. ¹² Siri' besi Frifena bo si Trifosa, nde nimatawoi ahad i keter a pasaliana Ningumêlêd. Siri' besi Persis kama imbele'ku, nde nimatawoi ahad i keter bo masali a Ningumêlêd. ¹³ Siri' besi Rufus, totumu sinisir i Ningumêlêd, osa siri' besi mamana, nde siahu hahi ma mama i sia. ¹⁴ Siri' besi Asinkritus, Flegon, Hermes, Patrobas, Hermas bo morowogku bewakaru-harua besilatahula. ¹⁵ Siri' besi Filologus bo si Yulia, nereus bo pognga wene, bo Olimpus, bo ma manga totumu' lenas bo hahi iwakaru-harua i latahula. ¹⁶ Mesisirian nange kamutahula osa mapahe beles lenas. Soro' be hamutahula a pahasa jamaat i Kristus. ¹⁷ sumata' ahu mawaimun behamutahula, marowo'ku awahem kamutahula mahatuh besilatahula, nde tahu'i mêtênaan i mbewasusui behamutahula mawamoali i pêpatean bo kalêpeian, wa'boho kawalian behamutahula mawamoali i pêpatean bo kalêpeian, wa'boho kawalian dumekang besilatahula! ¹⁸ Nde mangatotumu' kelewa'aho ahi'i masali bêsi Kristus, Ningumêlêd i hita, sumata' masali a kahabo'gan ilatahula mio. ¹⁹ Kawoy i koemananu kimataananem i pahasa totumu'. Kawalianoho hahi ahu imekahi' behamutahula. Sumata' ihabogku kamutahula tumulid asia niaho maulêng, bo leno a pahasa kata'pia'an. ²⁰ Pengelaiên a Ngêlêdtoow, lumbuhan i kaênowan bo kososonoian, tumiro' mawawuwuh i kiong i mbaoitoba a ndalem na'enu. Beles kohom ba' i Yesus Ningumêlêd i hita dumuluh i hamutahula ! ²¹ Siri' i Timotius be hamutahula, karuahu matawoi, bo hahi besi Lukius, Yosan bo Sosipater, manga karuahu a sangapekaroongan. ²² Siri' a Ningumêlêd behamutahula hahi besi Tertius, waaho siahu enimamatih surat i yai. ²³ Siri' i Gayus behamutahula nde do'na beawitaiku bo pahasa jamaat siri' i Erastus behamutahula, bendahara i ndoong bo hahi so Kwartus, pog ihita. ²⁴ (Beles kahomba' i Yesus Kristus, Ningumêlêd i hita, dumuluh i hamutahula i pahasa ! Ulit) ²⁵ Tanu si Sia e kawasa mawa rowot i hamutahula-kua i kukua behasêrêk osa kinahilalaan si Yesus Kristus, maki'it keleaho beruru nde beêtêw wio' kele i kaetoan. ²⁶ Sumata' yai talewe' kahaturu'um bo ihiit a papêreta i Ningumêlêd ahad kaeto-eto', bewawa sairim a suang i kaol i manga nabi a pahasa pekaroongan nde miwid silatahula a kaulitan i kaemanan. ²⁷ Tanu si Sia esa Ningumêlêd puli-wulingen i kahomba', bati si Yesus Kristus pahasa komangaan ahad kaeto-eto'! Ulit.