¹ Kita, e morowot, musti tumanggong itou kawel ahi'i morowot bo na'am kita mangilas kasêngan i hita mio. ² Siseyange behita mangilas kasêngan kahêlêi hita wa'aho mamuali kamaulengan bêhita mo mangun. ³ Awahem ningumeled ahi'i mangilas kasênanga na mio, sumata' kêlê wa'aho bana bêwatih:" mangkodait powopos ilatahula, wa'aho ni mamopos i kamutahula, sumatak mahailala ya hu. ⁴ Wa'aho kawalian pahasa bewatih a kahamunan, dali'im bewatih tana mamuali powerouw be hita, saniboho kita ele' mataka' a pahlawan bo pakunduan bo panghibohan a kaol. ⁵ Merotange ngeledtouw e lumbuhan kaulitan bo lumepêi mehemai kahomboan be lamutahula mekele bo kahabogen ngeletouw, ⁶ Saniboho kita atê esa bo esa kodait kamutahula dumayou a ningumeled bo amang bako i kita, Yesus Krsitus. ⁷ Wa'aho kawalian monggeênemoho esa bo esa kêlê Ningumeled ni tumirima i kita, tanu kaenouran Ningumeled. ⁸ Wa'aho papandungeiku, awahem hawali kaulitan Ningumeled imamalim masali a mangatou bersunat tanu mawawo ole ni dandi am behe nam a nawo' i hita, ⁹ Saroro'na manga bangsa, saniboho si latalula molo'or ningumeled apa-apa'an kohomba Na kelêitu bewatih: "Wa aho kawalianahu dumayou i how a tutud i manga bangsa osa kumatan Mazmur i ngala na" ¹⁰ Bo kalawusana: "Mekahi'- hahi' manga bangsa bo umat na." ¹¹ Osa: " Dumayaw ningumeled kamutahula; mangabangsa, mande pahosa suku bangsa dumayou isia" ¹² Bo kalawusana kuani Yesaya: "Sakingê a tud i isai mainjo lumembo, bo sia iatang tahu mapereta i mangabangsa, bo be sia hahi mangabangsa mepa' i paharawen." ¹³ Merod tangê Ningumeled lumbuhan i paharawen muling i hamotahula karua i pahasa me kahi bo mesonohoy a kawahemahi kamu tahula, saniboho a korowotan i roh kudus kamutahula me-lebê-lebêsoho a pahanawen. ¹⁴ Manga marowo'ku, siahu inesa totuu meman iyaihahi kamotahula hahi imawulingem i kamaulengan bo manga pahasa kalahan pengetahuan bo do'na mebowotungan mehe totu'ru. ¹⁵ Sa'ta' , apa'an sononoi bêlês mehe e kahombaan Ningumêlêd beahu, siahu biboho bia'i têka waranai imatihem. behow tanu mawaimun be hamutahula. ¹⁶ Awa'aho awahem mahu do'na muali sumali be si Kristus Yesus, tanu bangsa bangsa ahi'i Yahudi asuang sosalian bewawatala a ninjil Ningumêlê, saniboho manga bangsa ahi'i Yahudi do'na tiriman Ningumêlêd kele powalad anihumi'it besia, imonggoguot. ¹⁷ Mamoali besi Kristus do'na ahu mekahi-hahi'i apatawoyeiku tanu si Ningumêlêd. ¹⁸ Nde ahu ahi'i barane mohoda-hoda'it sabana nawa-awa ambalina, iwalina asia ni aho tinawoi i Kristus tanu si ahu, awa'ahu tanu pahalasem i manga bangsa balina akoemanan, bo kawakodain t eka kawatawoi. ¹⁹ Tekakawasa manga tanda manga ka hombo bo kawasa Roh. Keleaho asuangi pahebe'bean i mongeked bewolai a Yerusalem otad alirikum miahu mehea'bar pahasa i kukua Kristus. ²⁰ Bo ambehua ioho siahu makatam kele siriku, awahem ahu ahii itumulid a manga tampa, bisana-sana kinahilala'anem itow, saniboho ahu na'an tumo ambaoi dasang, ambe waom itow walina. ²¹ Sumata kelebewati : "Silatahula, atalawe itumirima inabar awali sia, mahasa melilah i sia, bo silatahula, ata'lewe mahasa itumanga mahasa mangarti." ²² Ewa'aho kawalianahu iwaka sondok ai moho mimbat ihamotahula. ²³ Sumata' iyai talewe nde abnemoho tawoyeiku asakum biayai awa'aho kowakanahu tahulanengataun mabo' aho milas i how. ²⁴ Paharawei ku ebêaiku moho a Spanyol dokna mawid behow bo metau bo lamutahula, boho hamutahula do'na matod dobo iyahu bongê, ahad dioho ahu sangatepo kumelam petauan bohamutahula. ²⁵ Ya'i talewe ahu andalahem moho a Yerusalem meangoho i mowod a tou lênas. ²⁶ Awahem Makedonia bo Akhaya baham kodait mowod tou lengei a nepang morsa tou lênas a Yerusalem. ²⁷ Kodait diboho tinaka'am ilatahula, sumata' aho mulid ilatahula. Mandê wê mangabangsa balina mahaêrêm beteng a kapunyaan rohani tou Yahudi, osa mulid kahi manga bangsa balina masali' tou Yahudi i kapunyaan duniawi ilatahula. ²⁸ Sa ahu i tumiludem tawoyen iboho, bo i mêhêm asa e pinahioio i manga bangsa balina bêsi latahula, matangem ahu mebê a kota ihamutahula moho a Spanyol. ²⁹ Sahu mahe milas ihamutahula, tulideiku kahuai kamang Kristus. ³⁰ Satag tanu Kristus Ningumêlêd ihita bo tanu belês i Roh, wawaimunku kamutahula, mangamorowo', tanu kumure karuruhu a sombayang ku a Ningumêlêd, ³¹ boho ahu kahiaho'an a manga tou he'i maheman a Yudea, bo pasaliaiku a Yerusalem tinirima kanua maaleng manga tou lenas bi bongê, ³² osa ahu mahi karuai kahi behow kele kahabogen Ningumêlêd, mahaêre kasengan bo hamutahula. ³³ Nigumêlêd, lumbuhan i kosononoyan i wakarua pahasa ihamutahula. Ulit.