¹ Pahasa tou sumiri a upania, nde tou upania lebende kamotahula, nde ahem upania satahii beahu samahi; bo manga tou posiriin pahasa beahu samahi. ² Sasisei sisey lumawan kupanla, kele mange sia lumawah asia behua i Ningumêlêd, sisey lumawah kele mange sia mukum batangana mio. ³ Osa sisei tumuli mauleng sia naam matalo a upania, wati tou ahii matulis, sisey mabo tumuli? Osa tuliden pahasa kamaulenganun nde sihow siriina. ⁴ Nde upania imamoali bowirang Ingumêlêd. Mainjo tanu kamaulenganu. Sumata sahou tumuli kaseaan. Ahii wesae sasia tumaka taka putou. Upania mamoali jongos i Ningumêlêd. Tanu silatahula matuli tapia ⁵ kele aho hahi, kumuru imbatangan, ahii wati totawoi bales i Ningumêlêd, sumata hahi tanu enu i atenu ⁶ aho kawalian kamotahula maer blasten, nde ni oho tanu i latahula, ⁷ baeran pahasa amanaga tou asia nioho baeranu, baeranu besisey pawaeranu blasten, baeran cukai basisei imaterimai cukai, osa matalo besia ê materima i talo bo siriin tou ê dona tumirima i sirinu. ⁸ Naam kamotahula mawênang besisei yange, sumata kêmoho kamotahula mekahalêsanange, osa sise imêbelês a kahelena sia itumuliden Hukum Torat ⁹ nde kaol: naam tapêdetuh, naam tapêmate, naam manahow, naam maewe, bo a kaol balina hahi behalulutem, pahasa suang i kaol iai: balesen kahelenu kele how maweles ambatanganumio ¹⁰ beles ahii tumuli katapiaan a kahelena totumu, sumata beles mawalêkêw i Hukum Torat. ¹¹ Niai totuu tuli denu, nde kalahan i kamotahula pahasa tepo iai, sumata mahinen tempona sarona, kamotahula tumodem amboonu sumata pinawiaan i sumusutem behita esamboho hita taleyawe imamoali moeman. ¹² Ia talewe tutudem imbengi, alakapui kauhaan. Samboho Yomem hita paamio pahasa katapiaan. Bo pelatanganem niana pahasa lolutam êsulo. ¹³ Yomen hita menonow mauleng, kelei atutu inendo, naam westa pora, naam a kalangoan, naam asuang ikawedetuhan, bo akahabogen, bo naam asuang iboro-bo asuang imanganat. ¹⁴ Sumata isawanu pahasa si Tuhan Yesus behou mamoali lolutan isulo bo naam lahaanu batanganu tanu kahaboganu.