1
Osa si Yesus mohodait kahi bewangande-Na be silatahula :
2
"sakum kaholano'an i Sorga kêpom nêsa holano', ê tumulid pêsaheian i makaweng tanu wata'na.
3
Masiu isa i mangaatana maniang i mangatow ê mbinalu' um mahi a pêsaheian i makaweng wa'aho, sata' ni aho mangatow hi'i maibog mahi.
4
Masiu hahi sia i mangaatan walina, sanina: Ihuamange a mangatow wa'aho mbinalu' : Kaulitana pobulahan, sinadiahum, mangasapi tuama bo biagên pahiaha'an belusam; pahasa behasadiam, moaiêm bia'i a pêsaheian i makaweng.
5
Sata' mangatow wa'aho mbianalu' hi'i mikaya i sia; bana nimahah a mbondoina, bana nimoho i sumia pongika'ana,
6
bo ê mbalina i maniho i aho mangaatana, meda'i i sia, bo mêlimêd i sia.
7
Yana monganus ni aho kolano', osa masiu moho i mangaeionga mawaturasi i aho mangatapêlimêd bo manutu i kota i latahula.
8
Lumewet ni aho kumua sia a mangaatana: Pêsaheian i makaweng behasadiam, sata' mangatow tale winalu' hi'i mêtêna'an tanu wa'aho.
9
Wa'aho kawalian, mohonêm a mangawasulawidan i têmbêran osa balu-unai pahasa tow kasauwan i homotahula woboho moai a pêsaheian i makaweng wa'aho.
10
Yana moho ni aho mangaata osa panêsênên i latahula pahasa tow kinasauwana a amngatêmbêran, mangatota' pia bo mangatowmaulêng, ahad mawuling i sahei lêsad ni aho pêsaiheiang i makaweng.
11
Sumuangoho no aho kolano' tanu mêtauw bo wa'aho mangasahei, mêlilah sia êsatow ahi'i malatang latang i pweta.
12
Kumua sia wesia: Ei pog, kelembisa how sumuangoai karêngan hi'i malatang latang i pesta? Sata' ni aho totumu' imêtêwoho.
13
Osa kua i aho kolano' a mangaatana: Batungan na'e wo hamana osa owasotoho noaho totumu' a suang i karêdêman ni'itio' ndêndêm, bibohom kaerean i kae' bo kalêkêt i mba'ang.
14
Apa'an tado'o ê tiniang, sata' toyo' sinisir."
15
Osa mangaleng ni aho mangatow Parisi; mêkodaitan silatahula kelembisa silatahula do'na sumambei si Yesus teka i nêsa iwêta'anan.
16
Masiu silatahula i mangamurid i latahula makarua wo mangatow i Herodian tuma'an be Sia: "Guru kailahan i hamitahula, Sihow awahêm êsatow ulit bo karêngan i mulit maturu' i ndalan i Ningumêlêd bo Sihow hi'i matalo we siseiange, apa'an Sihow hi'i matalo we siseiange, apa'an Sihow hi'i mohulu.
17
Ihuamai wee hamitahula kahêlaman-Nu : Awa wonge'ean mawaer i pajak be si Holano' suma ahi'i ?"
18
Sata' si Yesus mahailah i kata'pia'an i nate i aho silatahula osa humua: "Nde'aho homotahula mangêpe' i Ahu, ei mangatow kaliut?
19
Ituru' ai we Ahu ni aho kupang tanu pajak." silatahula mehe êsa dinar be Sia.
20
Yana tuma'an Sia we silatahula : "Gambar bo watih i sei nia'i ?"
21
Sowat i latahula : "Gambar bo watih i Kolano' ". Osa kua i Yesus be silatahula : "Iehemange we si Holano' asia ê musti iehe i homotahula a Ningumêlêd."
22
Tumanga' i aho maerang silatahula bo lumolahai we si Yesus osa maleng.
23
A nêndo wa'aho mahi we si Yesus tatahula tow Saduki, ê mahautêh, awahêm alahêm kabangkitan. Silatahula tuma'an be Sia :
24
"Guru, si Musa ihumua, awahêm sa êsatow mate karêngan ahi'i mêpa'ange hedong, pognga musti humaroang bo wa'ahoo karoanga osa mawatow suru tanu wa'aho pognga.
25
Sata a tutud i hamitahula bana pitu tow mapog. Ê matua kumaroang, sata' hi'i êto' mate. Bo apa'an sia hi'i imahaere suru, ipa'namio' ni aho karoanga tanu wognga.
26
Kelewa' aho hahi ê karuana bo ê kateluna ahad i kawituna.
27
Bo amahad, silatahula pahasa alam, wa'aho mbene hahi mate.
28
Sisei ê nêsa'an biboho a pitutow ê mamoali karoang i aho mbene a nêndo pawatowan? Apa'an pahasa silatahula daket ihumaroang i sia."
29
Si Yesus sumowat silatahula : "Komotahula ureng, apa'an komotahula ahi'i mahawiow i Kitab Suci bo imbahut i Ningumêlêd!
30
Ênde na tepo i pawatowan totumu' hi'i kumaro-haroang bo ahi'i iwawaharoang. Sumata' mênonow kele malaekat a sorga.
31
Sata' sakum pawatowan i mangatow i matem awahi'i homotahula imaca asia ê mbehukua i ningumêleêd, a tepo Sia isumani :
32
Siahum Ningumêlêd i Abraham, Ningumêlêd i tow imatem, sumata' Ningumêlêd i tow mênonow."
33
Mangatow itumanga' i behanganga i sasaniNa.
34
Katanga' anoho i mangatow i Parisi, awahêm si Yesus itumulid i aho mangatow Saduki behaêtêw, sumêsên silatahula.
35
Bo êsatow we silatahula êsa toutêh i Torat tumu'an maindo mangepe' i Sia :
36
"Guru, lala'ut ê mbisa ê nihatud a lalat'ut i Torat?"
37
Sowat i Yesus besia : "Ihalêsange si Tuhan, Ningumêlêdnu, karêngan i tolimomod natenu bo karêngan i tolimomod kanalunu bo karêngan i tolimomod kaênowanu.
38
Wa'ahom ê lalat'ut katudan bo ê kaêsana.
39
Bo lala'ut ê karuana, ê mêkele wo wa'aho, awa'i : Ihalêsange kahelenu totumu' kele batanganumio'.
40
Bia'im lala'ut itambe-tambeng kêsan i lala'ut i Torat bo kitab i manganabi."
41
A noras mangatow Parisi masê-sêsên, si Yesus tuma'an be silatahula, kua-Na:
''
42
Asia ê sosowa'nu sakum si Mesias? Suru i seindom Sia?" Kua i latahula we Sia: "Suru i Daud".
43
Kua-Na we silatahula : "Sa helewa'aho, kelembisandom si Daud apa'an tuturu' i Tutuh do'na humua i Sia nawo'na a kakuana:
44
Si Tuhan ihumukuam a Nawo'ku dumatuhêm a tulung i kanoal-Ku ahad mangakasaru-Nu iêpa'-Ku a mbawa' i na'e-Nu.
45
Yanasa si Daud tumoto i Sia Nawo'na, kelembisa mamoali si Sia suruna hahi?"
46
Ahêmai êsatowange mahasipapa isumowat i Sia, osa tu'os a nêndo i aho alam mande êsatow baranei tuma'an awa-awa we Sia.