¹ Beai paulus, tanu pandang i Ningumeled maijo rasul Kristus Yesus, bo besi timotius pog ihita, tanu jamaat i Ningumeled a korintus kamai pahasa totumu bayo a sêrêb i akhaya ² Bêlês be homba bo kosononoian bê ningumeled, amang i hita bo besi Tuhan Yesus Kristus makaum hamai hamutahula. ³ Bayawen si ngeledtow, amang ningumeled i hita Yesus Kristus. Amang mawuling imbeles bo ningumeled lumkuhan i pahasa pangeboran. ⁴ Mahibor i hamitahula a pahasa papingigonen i hamitahula ahad kamitahula mahaelei iniibow silatahula, andalem tadoo papongingonen kelei pangiboran. Tiniimua i hamitahulamio a Ningumeled. ⁵ Apaan mekele bo hamitahula mahere keteng tadoo mio a sakun pinoigigonan i Kristus, kelewaaho hahi bua Kristus kamitahula tiniaima pangiboran tadoo. ⁶ Sahamitahula mongigon, aho mainjo pangiboran bo kawiaan i hamutahula : sa hamitahula iboren, iboran iaho tonu pangiboran i hamutahula, ahad kamutahula mahaere igat bohahi elud mapongigon i kumeng mekele bo papongigonen i hamitahula hahi. ⁷ Bo mahanaw kamitahula tanu hamutahula êta, apaan kalahan i hamitahula, awaham mekele mange kamutahula daket minjo beteng a pangiboran i hamitahula. ⁸ Awahem pandang i hamitahula, sa boho kalahan i hamutahula pangigonan kinelam i hamitahula a asia keeil tanggongan kehe palihuden i hamitahula bakoio bo tanêdio mahahad kamitahula alam pahanawen kahi e penonowan i hamitahula. ⁹ Lêbê-lebe kalêhaman i hamitahula, keleitu hamitahula ukuniêm paten ¹⁰ Mahi a patean mahatailan kelewaaho kewawa selamatnam bohahi iwawa selamat Na kamitahula: Besia kamitahula mêpa pahanawen i hamitahula awahem kamitahula maleng tiwawa selamat. ¹¹ Apaan kamutahula hahi daket imawa sombayang tanu kamitahula, sani baho tadoo totumu kumaa piawiaan haho nde kokomba kinaeiaan. ¹² Wai ê miwongaha i hamitahula, awahem kua i nateihami tahula i sumairi kehamitahula, awahem penonowan ihamitahula ambaitoba iai, sai na a sakum pesupahan i kamitahula bo kamutahula, andalem kawasa i kaênowan bo kalenoan i ningumeled ahii sa behe imbaoitoba, sumata kati esa koro wotanimbêlês kohomba ningumeled ¹³ Apaan kamitahula bati imatih behamutahula asia endona baca ihamutahula bo pangantian. Bo paharaweiku, mero-merotange niit pangantian ihamutahula. ¹⁴ Kelei kalahanem i hamutahula bana be hamitahula, awahem a nendoi Tuhan Yesus kamutahulah mapongaha i hamitahula, kele hamitahula hahi maindo mongaha i hamutahula. ¹⁵ Hawali kawaheman iiai mahasam ahu mataan tanu mahiwe behamutahula sanibaho kamutahulah dona tumirima beles kohomba tanu karuana. ¹⁶ Akahadan maibo ahu tumeru a makedonia, esa a makedonia malengahu miri be hamutahula, sami baho kamutahulah tumulung i ahu a pangêbêaiku maho a Yudas ¹⁷ Yanasa, bana onah tinulidku marosapid a sukum taaiku iai? Suma ahu tumulid i taaku iahu kumiit a pandulen mio, ahad beahu harenge mahaere "eyem" bo ahii' ¹⁸ Tanu ningumeled mahiit dandi i hamitahula be hamutahula ahii kasênge bo "eyem" bo "ahii". ¹⁹ Apaan Yesus Kristus, bata i ningumêlêd, e mbewapaluwa waaho a tut ihamatahula, tanu siahu bo tanu siluanus teka si timotius, ahii sa"eyem" bo "ahii" sumata sombains a suangi sia bati bana "eyem" ²⁰ Apaan Kristus makele wo "eyem" tanu pahasa dandi i ningumêlêd. Waaho kawalian tanu sisia kita kumua "ulit" tanu marayow i ngeledtow. ²¹ Apaan sia e mawaête i hamutahula tekahahi kamutahula andalem Kristus makelewo Ningumeled e nitu-mutuh ²² Sinegel i tanda punya na hita bo mehe Roh Kudus andalêm i nateihita tanu bae a pahasa sinadiantanu hita. ²³ Sumata ahutumang e Ningumêlêd mamoali saiihu. Kailalaana ahu waaho kawalian ahu ahi mahi a Kristus tanu bêlês ku be hamutahula ²⁴ Ahii sa kamitahulah maibo mapêreta asia ê emanen i hamutahula ia apaan kamutahula morowot a pahemanenu. Sombaina kamitahula mabo daket matawoi tanu pekahi-anu.