¹ Andadelem natehu siahu maindo katatuan, Awehem ahu ahii mainjo moho be homotahula andalem matape ² Apaan sa siahu mawatape i natenu, sisei kahi tumulid weahu mainjo mekahi sahii sisia i matape nde siahu. ³ Bo waaho panutuun i surat-hu, wai êwaaho saniaho sa ahu mahi, naam mahu pawatapen latahula, Ê musti mawa-wêkahi i ahu. Apaan ahu moheman be homotahula awahem kahiku mainjo kahinu. ⁴ Siahu mamatih be homotahula karêngan i nate likeke bo kisêl, bo karengan i mawatis i tadoo lue, ahi. Saniaho homotahula matape. Sumata saniaho komotahula mahailahi i meem kahakoan i mbêlêsku be homotahula. ⁵ Sumata sa bana totumu mawa tape, yanasa ahi nate-hu bewawatape, sumata nate i pahasa homotahula, suma kahura-huranganan, saiaho naam wawaroha-rohangaiku, ate i tatahula tow a tutud i homotahula ⁶ Tanu totumu kelewaaho doro nisu i sangawalas tadoo i homotahula ⁷ Mahad komotahula sombaina musti mêwêngapung bo mibor sisia. Sani aho sia naam silaka i katapean ê niit io taned. ⁸ Waaho kawalian ahu misu i homotahula, sani aho homotahula muli-ulit mahalês i sia ⁹ Ênde apaan waahom panatuuna ahu matih surat be homotahula, Nêwaaho tanu sumilih be homotahula, awa homotahula makiit a nasia-mange. ¹⁰ Nde siseiange ê napungan i homutahula ê kaseaana, apungaku kahi sia. Apaan sa siahu mangapung, saande-ande bana e musti apungeiku, yanasa ê waaho tinawoihu i napaan komotahulah a ndior i Kristus, saniboho sumesenggot ndaan mainjo kautungan be hita, nde kita mahailah i panutuuna. ¹¹ Ihahoamatoho ahu a troas tanu sumahai i kukua i Kristus, kinaera-Ku, awahêm si ngêlêtow i muham dalan tanu patawoiên bibali ¹² Sumata nate hu ahi mahahêlan êna, apaan ahu ahii imêtauw bo pogku si titus. Waaho kawaian ahu a permisi bo matang moho a makedonia. ¹³ Sumata dayou be ningumêlêd, ê na sakum si Kristus lêtêh mawali i hamatahula a ndalan kasinggugatan-na. Karengan i patolohan i hamitahula si sia imawasêrêb i kasapêngan pekahilalan i sia bisa-winsanamange. ¹⁴ Apaan tanu ningumêlêd kamitahula awahem bow ê sapeng i Kristus a tutud i latahula ê mbewawawia bo a tutud i latahula ê motutus. ¹⁵ Tanu ê kahadanio kamitahula bow i kawatean ê mahawate bo tanu a katare bow i penonowan ê mawatow. Sata siseiêm e mahabaya lumapang i tawoiên. ¹⁶ Apaan kamitahula ahii mêkele karengan tow tadoo balina mapangilah kauntungan a kukua i Ningumêlêd, salikuna kamitahula a sakun i Kristus mahoda-hodait kelembisa katotouana karengan manga-panatuun leno a pereta i ningumêlêd bo a ndior-na ¹⁷ Awahem kamitahula ahii tele tau balina ende mapanilah kalebean asuang kaol NIngumeled totou hemoho asuang Kristus kamitahula mapahodait asia hioho totouu Pereta Iningumeled bo Asasa-angena.