¹ Pahasa totumu’ ê maheman, a Ningumêlêd osa tumow; bo pahasa totumu’ ê mahalês i Sia ê niwawa-tow, mahalês kahi i Sia ê nitumowai we sia. ² Êwa’im tanda’na, awahêm kita mahalês imbata-wata’i Ningumêlêd, êwa’aho sa hita mahalês i Ningumêlêd teka mawa-tulid i manga-pêreta-Na. ³ Nde êwa’im mbêlês be Ningumêlêd, êwa’aho, awahêm kita mawaki’it i manga -pêreta-Na wa’aho ahi’i tanêd, ⁴ Apa-apa’an pahasa ê nitumowai Ningumêlêd, mawa sese i mbaoitoba. Bo êwa’im kasinggugatan ê nimawa-sese i mbaoitoba : kawaheman i hita. ⁵ Siseiêm ê nimawa-sese i mbaoitba, ihawalina be sia ê maheman, awahem si Yesus Bata’i Ningumêlêd ? ⁶ Êwa’im Sia ê nimahim karengan i nahe wo daha’, êwa’aho si Yesus Kristus, ahi’i wa’teka ahe, sumata’ teka ahe bo teka daha’. Bo Tutuhêm ê nimehe sasairian, apa’an Tutuh awahêm kaulitan. ⁷ Apa-apa’an bana têlu imehe sasairian [a sakumên i sorga : Amang, kukua bo Tutuh Lênas; bo silatahula aawahêm êsa. ⁸ Bo bana têlu imehe sasairian a mbaoitoba] : Tutuh bo ahe bo daha’ bo silatêlu awahêm êsa. ⁹ Kita itumirima sasairian i totumu’, sumata’ sasairian i Ningumêlêd lebo morowot. De kelewa’ahom sasairian ê mbehem i Ningumêlêd sakum Bata’Na ¹⁰ Siseiange maheman a mBata’i Ningumêlêd, sisia bana sasairian wa’aho a sakumên i mbatangana; siseiange tahi’i maheman be Ningumêlêd, sisia itumulid i mbatangana mamoali tatowon, apa-apa’an sia ahi’i maheman ê mbehe i Ningumêlêd sakum BataNa. ¹¹ Bo êwa’im sasairian wa’asho : Ningumêlêd ihumomba’am katowan ê telasan be hita bo katowan wa’aho bana a sakumen i mBata’Na ¹² Seseiange maha sawa i mBata’, sisia maha sawa katowan; siseiange tahi’i maha sawa i mBata’, ahi’i sia maha sawa katowan. ¹³ Lohowna wa’aho iwatihku tanu homotahula, sani’aho homotahula ê maheman a ngalan i mBata’ i Ningumêlêd, mahailah, awahêm komotahula maha sawa pênonowan ê têlasan. ¹⁴ Bo êwa’im kawaraneian kawaheman i hita be Sia, ewa’aho awahêm sia imonge’e i sombayang i hita, sa hita mangelei asiamange be Sia, mi’it apandungnga. ¹⁵ Bo sa hita mahailah, awahêm sia imonge’e i nasia mange ê pinangelei i hita, yanasa kita hahi mahailah, awahêm kita imahaerem i nawasia mange ê pinangeleiêm i hita we Sia. ¹⁶ Sa wana nêsatow milah i pognga tumulid orow, êwa’aho norow ê tahi’i me’angai pawate, imerot sia sumombayang be Ningumêlêd bo Sia mainjo mehe pênonowan besia, êwa’aho silatahula, ê nitumulid orow ê tahi’i me’angai pawate. Bana norow ê me’angai pawatem : sakum wa’aho ahi’i ihuahu, awahêm sia musti sumombayang. ¹⁷ Pahasa kata’pia’an awahêm orow, suamta’ bana norow ê tahi’i me’anga pawate. ¹⁸ Kita mahailah, awahêm pahasa totumu’ ê nitumowai a Ningumêlêd, ahi’i matulid orow ; sumata’ Sia ê nitumowai a Ningumêlêd muyungisia, bo si ta’pia hi’i mahasipapa mamos-isia. ¹⁹ Kita mahailah, awahêm kita a Ningumêlêd osa mahi bo sêrêb i mbaoitoba a mbawa’ i kawasa i si ta’pia. ²⁰ Sumata’ kita mahailah, awahêm Bata’ i Ningumêlêd imahim bo ihumomba’am pangartian be hita, sani’aho hita mahahilala i Ê Nulit ; bo hita bana na sakumên i Ê Nulit. A sakumên i mBata’Na si Yesus Kristus. SiSia awahêm Ningumêlêd ê nulit bo mênonow ê têlasan. ²¹ Bata wata’ku, mahatuh ange a pahasa berhala.