1
Awa bana nêsatow a tutud i homotahula, ê sa mahisea’an bo tow walina mangilah ka’adilan a manga totumu’ ê tahi’i ulit, bo ahi’i a mangatotumu’ lênas?
2
ahi’i homotahula mahailah, mangatotumu’ lênas ê misa’ i mbaoitoba? Bo sa pangisa’an i mbaoitoba a kama i homotahula, awa ahi’i homotahula mahabay tanu murus i mangawêrkara ê tahi’i ulit?
3
Awa homotahula ahi’i mahailah, awahêm kita mainjo misa’ i mangahiong? Yanasa nambom kahi mangawêrkara naram a pênonowan i hita susud i nêndo.
4
Mande helewa’aho, sa homotahula musti murus i mangawerkara naram, komotahula manaro i nurusan wa’aho be silatahula ê tahi’i iwatebe a njama’at?
5
Êwa’i ihuahu tanu mawasokia’ i homotahula. Awa alahêm êsatow a tutud i homotahula ê mahasisilih, ê ndo’na murus i mangawerkara i mangawognga?
6
Awabana nêsawog mapangilah ka’adilan tanu pog balina, bo ihuami’ a mangatotumu ê tahi’i maheman?
7
Bati’ pe’ mange perkara atutud i homotahula a nêsatow bo a mbalina imamoalim kinasesean i homotahula. Nde’aho homotahula hi’i maibog imahigon i tahu’i adil? Ndeaho homotahula maibog lebe iwawarugi?
8
Sata’ komotahulamio’ matulid i talahêm ka’adilan bo komotahula mio’ mawalimai karugian, bo ê wa’aho patulidên i homotahula a mangawogngu.
9
Suma ahi’i homotahula mahilah, awahêm mangatotumu’ ê tahi’i adil ahi’i mahaere weteng a kaholano’an i Ningumêlêd? Na’am mombureng. Totumu’ tapasiri’ i mberhala, totumu’ mêdêtuhan, pêsêl, totumu’ tapatekol,
10
tatahow, totumu’ panesen, tapololango, tapêdoros bo tapomandei ahii’i mahaere weteng a suang i kaholano’an i Ningumêlêd.
11
Bo latahula tow a tutud i homotahula kelewa’ ahom natalewe’. Sata’ komotahula imehem i mbatangan i homotahula bewawa-wayo, komotahula bewawa-ênasêm, komotahula beulitanêm a sakum ngalan i Ngêlêdtow si Yesus Kristus bo a sakum Tutuh i Ningumêlêd i hita.
12
Asiamange ahi’i indis tanu si ahu, sata’ ahi’i wahasa ê mbana toro. Asiamange ahêm nindis tanu siahu, sata’ ahu ahi’i mayai imbatanganku pangatan i nasiamange.
13
Kakanên awahêm tanu tian bo tian tanu kakanên : sata wa’aho ndua iwawawotutus i Ningumêlêd sata’ batangan ahi’i tanu pêdêtuhan, sumata’ tanu si Ngêlêdtow, bo si Ngêlêdtow tanu batangan.
14
Ningumêlêd, ê maleng iwawatow si Ngêlêdtow, ê maleng mawatow i hita hahi i nimbahutNa.
15
Awa ahi’i kailahan i homotahula, awahêm batanganu anggota i Kristus? Awa indonku nanggota i Kristus tanu mehe i sia a pêdêtuhan? Mande mahasa ahi’i!
16
suma awa ahi’i homotahula mahailah, awahêm sisei ê mawasogot i mbatangana a mbene sundal, mapawaêsa i mbatangan bo si sia? Nde kelewa’im behua i nas : silandua mamoali kêtêd êsa”.
17
Sata’ sisei mawasakêd i mbatangan be si Ngêlêdtow, mamoali êsa tutuh bo si Sia.
18
Irekangange mbatanganu a pêdêtuhan ! Manga orow balina ê tinulid i totumu’, bahamoali a luar i mbatangan. Sata’ totumu’ ê matulid pêdêtuhan maorow sakum batangan mio’.
19
Suma awa ahi’i homotahula mahailah, awahêm batanganu bale i Tutuh Lênas ê mututun be how, Tutuh Lênas ê kinaerean i homotahula be Ningumêlêd, bo awahêm komotahula ahi’i punya i homotahula mio?
20
Apa-apa’an komotahula tinêlêsanêm bi baera imalêkêwêm: Kawalian i aho ponunganêm Ningumêlêd i mbatanganu!