¹ Bo yaitu lêwê asia niaho bêwamatih ihamotahula bêahu ihumiit angê amangatuama, satihii sia mekaroang, ² Sumata mimun katapia’an imapedetuh, waboho kawalian pahasa tuama bana karoang bo pahasa bênê bana hahi karoanga. ³ Waaho kawalian karoang tuama uling i karoang bênê, kêlêaho hahi karoang bênê a' sasangen karoang tuama. ⁴ Karoang bênê ahi'i makiit apandunga mio, sumata karoang tuama, kêlêaho hahi karoang tuama ahii makiit a pandung mio, sumat karoang bene. ⁵ Nadêre kamotahula medêrêkangan songadi bana pinekodaitan a têpo imbêtatu waboho kamotahula mahaêtê têpo sumombayang. Haworus angê iboho kamotahula maleng menonow makaru-harua, waboho kawalian kiona imbaotoba ahii lumepêi ihamotahula, ndê kamotahula ahii mahatahang ikahabogen. ⁶ Ewai ihuahu bêhamotahula kêlê imbata kawalohan, ahi'i kêlê perêta. ⁷ Mandê kêlêaho lêbê mauleng kahi, sa pahasa totumu kêlê siahu, sumata pahasa totumu kumiit a Ningumêlêd nde kohomba Na, Ndê bana totumu kinobaan kêlê wai, bo hahi kinombaan kêlêwaaho. ⁸ Sumata bohiha silatahula ahi'i imekaroang bo manga balu ihuahu, sarona silatahula kumi'it kêlê siahu. ⁹ Sumata sa silatahula ahi'i mahabaya batanga, sahêlêaho kamotahula kumaroang ndêsa kamotahula masengit ikahabogen ihamotahula. ¹⁰ Emanga totumu mekaroanganem siahu-ahi'i, hi'i siahu, sumata Ningumêlêd- i merêta, waboho kawalian karoang bênê ahi'i matau mapedêkangan a'karoang tuama. ¹¹ Sasia metaêdan, menonow sia karua talahem karoang bohahi mekamaulengan bo karoanga mio. Bo hahi karoang tuama ahi'i matau mapetarêdan bo karoang bênê. ¹² Amanga tow balina siahu, ahi'i Ningumêlêd, ihua: sawana niaho pog ihita mapeka roang bênê totumu ahi'i moêman bo bênê boho mabog menonow wakaru-haruana, naamrê kêding ppog iboho mawatarêd isia. ¹³ Bo hahi sawana karoang bênê mahaharoang karoang tuama a'tahii mahêman bo tuama aho mabog menonow mawaru-haruana, naam sia metarêdan bo waaho tuama. ¹⁴ Ndê karoang tuama hii mahêman tinolomomod karoang bênê bo karoang bênê hii moêman tinolimomod ikaroanga tuama. Satahi'i kêlêaho, mangamoro hêdong saho indalan, sumata yai talêwe silatahula imamoali kêdong lenas. ¹⁵ Sumata sawana hahi niahototumu ahi'i maheman mabog metarêd lingonoho sia metarêdan; asakumen boho morowogku tuama bo morowogku bênê ahii kinasogotan. Sumata Ningumêlêd itumiang ihamotahula menonow a konungaan. ¹⁶ Bo kêlêmbisa ndom kalahanu, hei karoang bênê awa howahii mawawoêman ikaroangu tuama? Bo kêlêmbisa ndom kalahanu, hei karoang tuama awahem ndomkow ahi'i mawawoêman ikaroangau bênê? ¹⁷ Kawawusan niai pahasa totumu menonow kêlê bêtatu i Ningumêlêd bêsia bo kêlê atêpoitu sia tiniang i Ningumêlêd waahoom niaho betatu bêhêhu a pahasa jamaat. ¹⁸ Sototumu tiniang daliim sinunat, nadêrê sia mawatala itepai sunat. Bo sawana totumu tiniang awe sinunat naam sia mabog sunaten. ¹⁹ Ndê sinunat bo ahi'i sinunat ahi'i penting. Ndê penting makiit bo mahêman a nukum i Ningumêlêd. ²⁰ Mauleng kahi pahasa kamotahula sumondo io andali, kêlê a têpo sia tiniang i Ningumêlêd. ²¹ Awa how ata' atêpo how tiniang? Waaho hii awa-awa! Sumata sa how mahaêre tepo iwekar, tuliden niaho. ²² Ndê totumu ata' tiniang i Ningumêlêd atutud ipasalia-Na, totumu bêwekar, bêtêng i Ningumêlêd. Kêlêaboho hahi totumu bêwekari tiniang i Kristus, sisia sosiu-Na. ²³ Kamotahula binaêranem bo baêra belêkewem waboho kawalian naam kamotahula namoali masali a'totumu. ²⁴ Manga morowogku mêro-mêrotange manga morowogku sumondi io asasa'angen i Ningumêlêd mekêlê bo tepa sia tiniang. ²⁵ Yai talêwê tanu manga mangalaun. Tanu silatahula ahi'i ahu bêwasiu i Ningumêlêd. Sumata ahu mêhê songotaga kodait a totumu dona êmanen ndê kohomba bêayo a'Ningumêlêd. ²⁶ Siahu mawarêkên, ndê mangimun bati bêgarua'ai yai talêwê, mauleng a totumu ahii imalui inggiona. ²⁷ Ndêsa how konasogotanen imbênê? Nadêrê how tumulid metarêdan! Totu'u how ahi'i sogo-sogoten imbênê ? Nadêrê how mangilah totumu! ²⁸ Sumata, sa how kumaroang, ahi'i how mesêa. Bo samangala'un kumaroang ahi'i sia itumulid sêa. Sumata totumu kêlêwaaho iwetauw ikahadosan imbatangan ndê ahu mabog mawalêot ihamotahula a kalengeian iaho. ²⁹ Morowogku ngawila wai niaho papandungenku, waaho : kopongem têpo! Kawalianoho wai têpo bêhapa io mangatotumu mahaharoang bênê tuliden ilatahula kêlê silatahula ahem karoang bênê. ³⁰ Bototumu mapakaê tulidenange kêlêahi'i mekaê-hae; bo mangatotumu mekahi-hahi tulidenganê kêlêahi'i mekahi-hahi; bo mangatotumu mapaneles tuliden kêlê alahem moho asia niaho tinelesa ilatahula; ³¹ Nde hahi mangatotumu masia-sia pakakas imboitoba kêlêmangê ahi'i masia-sia boho. Ndê baoitoba kêlê ipenililah ihita yai talêwê mahasa ihaworus. ³² HabogKu saniboho kamotahula menonow ahi'i matalo-talo. Totumu ahii mahaharoang bênê mawalulut indêrêna a tawoien i Ningumêlêd, kêlêmbisa Ningumêlêd metenaan bêsia. ³³ Totumu mekaroang bênê lumulut indêrêkêna a kasiha'an imbaotoba, kêlêmbisa sia mawawobêat ikaroanga bênê. ³⁴ Ndê kêlêaho pedêkê rêkênena mebêtêteng. Bênê ahii mahaharoang bo mangahêdong mangaluan lumutut indêrêkên ilatahula a kahabogan i Ningumêlêd, saniboho batangan bo kanalu ilatahula lenas. Sumata bêhê mahaharoang lumutut sia ipedêkê-rêkênena a kasihaan imbaotoba, kêlêmbisa sia mawawobêat i karoanga. ³⁵ Pahasa yai ihuahu tanu kamotahula mio, ahii osa mapawata-watas ihomotahula atutud ikolanggoian ihamotahula, sumata sumalikud kamotahula mahio-hio mauleng bo ihumiit bo masali a Ningumêlêd karuai talahem nawa-awa. ³⁶ Sumata sawana totumu mapendam, awahem sia ahi'i mahip-hio mauleng a' sasaangen imangalauna, samangaulina kinarohanganem katua'ana bo hahi sia ihumelamem, awahem silatahula hii toro satahi'i kumaroang, sa hêlêwaaho kumaroang, saniboho kahabogena sahêlêwaaho hi'i sêa. ³⁷ Sumata sawana totumu ahi'i bêlesê tumulid kêlêwaaho tumotutotu'u a'suang inatêna bo totu-totuu andêrêkêna, ndê niminjo katatuan ahi'i kumaroang ikamaulenga, sisia itumuli kamaulengan. ³⁸ Kawalianoho totumu ihumaroang ikamaulenga itumulid kamaulengan, bo totumu ahi'i ihumaroang bo kamaulenga itumulid kamaulengan. ³⁹ Karoang bênêsogo-sogoten kaeto karoang tuama menonow. Sakaroang tuama imatêm dona sia kumaroang sisei angênihabognga, awahem totumu ioho totumu moêman. ⁴⁰ Sumata tanu siahu, si Sia mosononoi, sasia sumondo-sondo io anggiona. Bo tan siahu hai, api-apigen i monggoguot i Ningumêlêd.