¹ Keleahohahi maindo tow mapilah i hamitahula kele manga a’ta i Kristus, be sua enamanen tatahu i Ngeledtou. ² Osa motahad ambeles amanga maselewir kelewai : awahem silatahula be haturu osa e manen. ³ Alam e torohu tanu siahu patepuun ihamotahula apengadilan itotumu. Sumata batangaiku ahii pinatepu. ⁴ Nde awahem ahu awe i mawedis anesaan, sumata ahii sawaaho ahu behatotuu. Si Sia matepu iahu, awaaho Ngeledtou. ⁵ Iboho kawalian naam matepu satalewe tepona saalawe Ngeledtoou i mahi. SuloNa hahi asi nioho emberuru a karendeman, bo iwawaturuNa a pataaren asuang inate. Osa manga tow mayo indarayow a Ngeledtou. ⁶ Morowog ngawila, kodait iai tumena mio beahu bo si Apolos, nde hamotaula, saniboho mbeturu i hamitahula, dona ajaren ihamotahula asia nioho sondait behua : “Naam leotan asia nioho mbewatih”. Saniboho naam esaan behamotahula motobaag imbatangan bo kawulian inesa kele anesa nde mbalina. ⁷ Nde sisei mongatam i how lebe wenting?. Bo sia nioho tanu sihow, e tahii benjo nu? Bo saniohho bennjonu, ndeaho e niwongahainu, sanioho ahii injonnu? ⁸ Kamotahula masuhem. Kamotahula i mesihaam, sa tahii kamitahula kamotahula imainjom daja. Oh, ahii gapang kamaulengan sa nioho totuu keleaboho , nde hamotahula i mainjom daja, osa hamitahulahahi dona maindo daja bo hamotahula. ⁹ Sa hele wendapaiku, naeledtow imehe behamitahula manga rasul, tampa lebe wehen kele manga tow beu’kum pa’ten, nde hamitahula bewawaturu tanu baoitoba, bo tanu Kiong i Ngeledtou bo tanu totumu. ¹⁰ Kamitahula bodoh nde si Kristus, sumata kamitahula matutul be si Kristus. Kamitahula kawel, sumata kamotahula morowot, kamotahula monunga, sumata kamitahula doros. ¹¹ Ahad wai hamitahula maleo, kawelaan, kumeda-hedaai, pinamel bo menonow mahabebe, ¹² kamitahula itumawoi tawoyen taned, sahamitahula i wamutung, iweberkati hamitahula, sahamitahula pawahen, kamitahula elud. ¹³ Sa hamitahula seroon, sowaten ihamitahula i lemei, sonowatem i hamitahula keleitu soiwot imbaoitoba, mekele bo kasa’mehan i pahasa, ahad iai talewe. ¹⁴ Kawalian noho bewati’kum hii sa mawasokia ihamotahula sumata merow ihamotahulai manga bata’ku ihale’ku. ¹⁵ Mande hamotahula tadoo moribu masusui be si Kristus Yesus ta kamotahula hii tadoo namang. Nde siahu besi Kristus Yesus i mainjo namangngu tanu kukua bewahatauhu behamotahula. ¹⁶ Iboho kawalian sasani iai ihuahu behamotahula hiitan nange osa poguludan. ¹⁷ Mahaturu-turu iboho kawalian ahu kumirim behamotahula si Timotius bata’ku paeleseiku bo dedem besi Ngeledtou. Mawaimun sia be hamotahula penonowan pa kiitaiku besi Kristus Yesus, kele be susuihu bisana mange anjamaat. ¹⁸ Sumata iwetahulai tow e matombag sombong, nde sangkan ilatahula, awahem mahu maleng mahi be hamotahula. ¹⁹ Sumataa ahu tilaho mahi be how, sa papandungen i Ngeledtow. Sumata kalahaiku hii sa manga kodait i tow matombag sombong, ta’ korowotan nio ilatahula. ²⁰ Nde kolano i Ngeledtou hii sa bati akodait sumata a kawasa. ²¹ Asia nihabog ihamotahula ? Doro’na mahi behamotahula karuai cmbog suma karuai mbeles bo ate lemeleyem?