1
Asakum manêsên doit tanu manga tow lênas, ihamerot kamotahula tumawoi kelembisa niaho bewaturuku manga Jamaat i Nggalatia.
2
Anendo pahamunan a tebei duminggu ihamerot kamotahula êsaboêsa kelembisa niaho tinirima ihamotahula tumanei io asia mange osaipaambele, saniboho anoras ahu mahi alam kamotahula manesen.
3
Anoras ahu imahi,masiu ahu manga totumu a ndona emanên ihamotahula, teka i surat tanua yerusalem, silatahula meangai iboho bewamehe i hamotahula.
4
Saniboho penting niitoro satahii ahu i walalas i latahula, matantu ahu iwalalas i latahula.
5
Mahiahu behamotahula, sa ahu i lumeotêm a makêdonia, apaanahu lumeot a makêdonia.
6
Bo a korintus awahêm ahu sumondo io iwêtahula ngando bo hamotahula suma awahem ahu sumondo io kaeto musung i nutin, ahad kamotahula dona tumulung i ahu luwawas i patutulêiku.
7
Apaan i ai talewe ahi ahu mabog milah i hamotahula bati sanga talib ange. Maharaw ahu dona sumondo io molulu haêto behamotahula, sa pongeean i Tuhan.
8
Samata ahu bo pe sumondo io a nefesus ahad i nêndo wako pentakosta.
9
Apaan biai tadoo tepohu tumawoi tawoien lebe wako bo penting, mande apa-apaan tadoo kasaru.
10
Sasi Timotius mahi behamotahula, damejin saboho sia a tutud i hamotahula karua i talahêm talo, apaan sia tumawoi tawoien i Tuhan, makele bo siahu.
11
Kawalian, naam bana tow makatam bawa! Sumata tulungen sia, saniboho sia tumerus itutulena karua i lowid, saniboho sia malengai bahu, apaan ahu bia bo manga morowog balina sumondo i sia malengai.
12
Asakum pog si Apolos, i mabale-walengem io ahu mangambut i sia saniboho sia daket makaru-harua bo pog balina mimbat i hamotahula, sumata sia mabog mahi ia i talewe. Sa wana tepona mauleng, kemange sia mahi.
13
Mahia-iaha mange ! Tumod karua i nête a kawaheman. I wawailah awahêm kow tuama. Osa mête-ête.
14
Tawoienange pahasa watawoienu karêngan imbêlês.
15
Bana pangelerên êsa hahi behow, mang morowog. Kailahan ihamotohula, awehem si Stevanus bo pamaleana mekele bo manga totumu pinahamunan i matobat a Akhaya, bo awehêm silatuhula i mawawongata i mbatangan a pêsalian i manga tow lênas.
16
Kawalian i boho emanên nange manga totumu kelewa-aho bo manga tow i lunas matawoi bo i moloko-loko.
17
Mekahi ia ahu beahian i Stevanus, fortunatus bo akhaikus, apaan silatuhula lumêkêw, asia niaho talawe lêkêw behamotahula.
18
Apaan silatahula mawa ena i tutuhku bo tutuh i hamotahula. Epaan ange baera manga totumu kele waboho.
19
Siri behow a manga jamaat a asia hisit, akwila, priska bo jamaat a mbale ilatahula mehe tadoo mio siri behamotahula.
20
Siri behamotahula a manga worowog pahasa, i hua mange siri a nesa tow manga tow balina bo timu lenas.
21
Kamahu mio ni mamatih iai sisiri i paulus.
22
Sisei tahii mahales si Tuhan kodorotan sia. Imahim si Tuhan.
23
Beles kohomba i Tuhan Yesus karuru i hamotahula.
24
Belesku karuru ihamotahula a mbawa i Kristus Yesus