¹ Asakum manêsên doit tanu manga tow lênas, ihamerot kamotahula tumawoi kelembisa niaho bewaturuku manga Jamaat i Nggalatia. ² Anendo pahamunan a tebei duminggu ihamerot kamotahula êsaboêsa kelembisa niaho tinirima ihamotahula tumanei io asia mange osaipaambele, saniboho anoras ahu mahi alam kamotahula manesen. ³ Anoras ahu imahi,masiu ahu manga totumu a ndona emanên ihamotahula, teka i surat tanua yerusalem, silatahula meangai iboho bewamehe i hamotahula. ⁴ Saniboho penting niitoro satahii ahu i walalas i latahula, matantu ahu iwalalas i latahula. ⁵ Mahiahu behamotahula, sa ahu i lumeotêm a makêdonia, apaanahu lumeot a makêdonia. ⁶ Bo a korintus awahêm ahu sumondo io iwêtahula ngando bo hamotahula suma awahem ahu sumondo io kaeto musung i nutin, ahad kamotahula dona tumulung i ahu luwawas i patutulêiku. ⁷ Apaan i ai talewe ahi ahu mabog milah i hamotahula bati sanga talib ange. Maharaw ahu dona sumondo io molulu haêto behamotahula, sa pongeean i Tuhan. ⁸ Samata ahu bo pe sumondo io a nefesus ahad i nêndo wako pentakosta. ⁹ Apaan biai tadoo tepohu tumawoi tawoien lebe wako bo penting, mande apa-apaan tadoo kasaru. ¹⁰ Sasi Timotius mahi behamotahula, damejin saboho sia a tutud i hamotahula karua i talahêm talo, apaan sia tumawoi tawoien i Tuhan, makele bo siahu. ¹¹ Kawalian, naam bana tow makatam bawa! Sumata tulungen sia, saniboho sia tumerus itutulena karua i lowid, saniboho sia malengai bahu, apaan ahu bia bo manga morowog balina sumondo i sia malengai. ¹² Asakum pog si Apolos, i mabale-walengem io ahu mangambut i sia saniboho sia daket makaru-harua bo pog balina mimbat i hamotahula, sumata sia mabog mahi ia i talewe. Sa wana tepona mauleng, kemange sia mahi. ¹³ Mahia-iaha mange ! Tumod karua i nête a kawaheman. I wawailah awahêm kow tuama. Osa mête-ête. ¹⁴ Tawoienange pahasa watawoienu karêngan imbêlês. ¹⁵ Bana pangelerên êsa hahi behow, mang morowog. Kailahan ihamotohula, awehem si Stevanus bo pamaleana mekele bo manga totumu pinahamunan i matobat a Akhaya, bo awehêm silatuhula i mawawongata i mbatangan a pêsalian i manga tow lênas. ¹⁶ Kawalian i boho emanên nange manga totumu kelewa-aho bo manga tow i lunas matawoi bo i moloko-loko. ¹⁷ Mekahi ia ahu beahian i Stevanus, fortunatus bo akhaikus, apaan silatuhula lumêkêw, asia niaho talawe lêkêw behamotahula. ¹⁸ Apaan silatahula mawa ena i tutuhku bo tutuh i hamotahula. Epaan ange baera manga totumu kele waboho. ¹⁹ Siri behow a manga jamaat a asia hisit, akwila, priska bo jamaat a mbale ilatahula mehe tadoo mio siri behamotahula. ²⁰ Siri behamotahula a manga worowog pahasa, i hua mange siri a nesa tow manga tow balina bo timu lenas. ²¹ Kamahu mio ni mamatih iai sisiri i paulus. ²² Sisei tahii mahales si Tuhan kodorotan sia. Imahim si Tuhan. ²³ Beles kohomba i Tuhan Yesus karuru i hamotahula. ²⁴ Belesku karuru ihamotahula a mbawa i Kristus Yesus