1
1 E nulitouw e lelila’an i yi’i: “sitou mepa’arla en jabatan penilik jema’at si mepa’arla em pepa’ayangen wangun.”
2
Kaa ni’itu si penilik jema’at e lewo’ sa reiy’ mouw siesa tou reiy’ siwalulang, tu’atuama ni esa tu’awewene, si toro tumaang en tou, sama’, sopan, pa’ar mawee tete’upan, sigha’ mawee teturu’ se tou,
3
reiy’ mengoo’, reiy’ mengengupi’ ta’an i te si rinda, dumedame, reiy’ hamba e loit,
4
siesa kapala le’os ne me’urang, si pasighi’in wo si paormaten ne oki’na.
5
Sa siesa tou si reiy’ mete’u kumapalala se me’urangna nuesa, kumura mouw o sia toro murus se Jema’at ni Empung?
6
Te’a mouw sia siesa tou tare mouw makedo’la, rio te’a sia mamuali tingkeiy wo tena’an e nukuman ni Iblis.
7
Satorona nisia kangkasi si makapunyala e ngaran le’os witu luar jema’at, rio te’a sia kulitiken ne tou wo i kawolon witu e we’etes ni Iblis.
8
Tuanakan kangkasi se diaken-diaken se lewo’ sa reiy’ mouw tou kasa paormaten, te’a mekepanga e lila’, te’a o kasa mepa’ar e nanggor, te’a sorodo,
9
ta’an i te sitou mapiara em pengiro-ngirong e iman witu e nate nurani suci.
10
Nisea kangkasi se lewo’ sa reiy’ ujine’ eng ketareanna, tare mouw i te i tantula witu em pelayanan i ti’i nisea nu pinakaloo’-loo’o mola reiy’ siwalulang.
11
Tuanakan kangkasi se tu’awewene- tu’awewene satorona sitou pa’ormaten, te’a si sumesero’, satorona si toro tumaang en tou wo si toro pa’emanela witu e reiy’ sa mina’asa kapualitan.
12
Diaken si lewo’ sa reiy’ mouw tu’atuama wia siesa tu’awewene wo meurus se oki’na wo se me’urangna ampit e le’os.
13
Karengan nisea nu melayanla ampit e le’os se maka’ato reruberan le’os i ka’ayo witu e iman wia si Kristus Yesus nisea se toro sumairi ampit eng kapelasna.
14
Em baya nyi’a i ti’i ni’i patikkula wia nikoo, ma’anouw tu’u paarapengkula ku toro makarengan lumalesla nikouw.
15
Jadi sa aku neiy i keure, eng kete’uannu mouw kumura se tou se lewo’ sa reiy’ tumou tanume se me’urang ni Empung, nyi’a i yi’i se jema’at waki si Empung matou-tou, pa’asek tetobol wo to’otolan eng kaulitan.
16
Wo eng kaulitna e wangko’ mouw em pengiro-ngirong e raghes ta: “Nisia, si minapaloo’o-loo’o mola en tou-Na witu e rupa ni tou, si neiy i ulitla witu e Roh; si minapa’atola en tou-Na wia se malaikat-malaikat, si neiy i abarla witu e nelet ne bangsa-bangsa reiy’ makasine’u si Empung; si niemanla witu eng gorem eng kaoatan, si niadet witu eng kamulia’an.”