¹ Patuari-patuari leos, nyai suratna karua, niku tulis wia nikou. Wia nggorem rua surat niitu niaku mainakut matotou pangartian yang murni o pagenang-genangen, ² orior nikamu gumenang sapa nilila en tempo neimo lila ne nabi-nabi kudus oh magenang-genang perintah ni Empung oh juruselamat nei moninuwu ne rasul-rasul wia nikamu. ³ Ketare musti pailekan niu niitu, ka witu nendo-endo lolowis, eh tumimbul eh sumesero, kaampit seseroan nea, eh tou-tou timou makiit kapaaran hawanafsu nea. ⁴ Se limila; ‘wisa mo janji maila, komai? Ka tempo amak-amak leluhur nikita mimate, pakasa waya niitu tanu tempo dulu, tanu tempo koatan siniwo, in kaowatan’, ⁵ Nisea simengaja ndai paar mailek, sa o Firman Allah langit wia mo tempa dulu, eh kaoatan nimai onaan ndano onaan dano, ⁶ Ka o wia ndano niitu kaoatan i rior i nimaapu mo, ni abis ndano bah ⁷ Taan ong firman niitu langit kaampit kaoatan taekan piniara om mbaha oh nei sindek wia nendo pahakiman oh kabinasaan tou-tou fasik ⁸ Taan patuari waya kaupus ku, wia esa yai ndai toro kaliuran, ka wiasimaru Mapiara esa nendo masuat oh saribu taon oh saribu tahun, oh saribu tahu tanu esa nendo ⁹ Empung ndai lelong ma wehe janjiNa, maan wewehanetou maanggap niitu kalelongan taannisia sabar wia nikamu, ka nisea mapaar orior ndai wana mabinasa, taan oseawaya sumui oh matobat ¹⁰ Taan nendo ni Empung maitanu erongkit. Nendo niitu langit mailang oh nengker luar biasa oh unsur-unsur kaoatan marengis wia layas embaha anaan kaoatan pakasa wianatasna maapu waya. ¹¹ Kasa, pakasawaya nyai maancor tanu teintu, memang suci oh saleh nikamu musti tumou ¹² Enikamu maanak maperepet nendo ni Opo Empung. Nendo niitu langit maapu wia nggorem niu baha oh unsur-unsur kaoatan maancor ka layasna ¹³ Taan masuat oh janjiNa, nikita maanak langit weru oh kaoatan weru, wisa kinasilekan kaulitan. ¹⁴ Niitumo, patuariku waya kaupusku, kaampit maana impakasa, nikamu mainakut, oh nikamu kailekan ndai wana cacat o nda wana sering wia sinaruNa, wia padamean oh nisia ¹⁵ Anggapeno kasabaran ni Empung ta’ niitumo tempo wianikou, oh kou selamaten, tanu i Paulus, patuarita kaupusku, timulis wia nikamu, kumiit hikmat nai karunia ni wia nisia. ¹⁶ Niitu siniwona wia pakasa ngorem suratna, sa sia maila perkara-perkara nyai wia ngorem surat-suratna niitu wewehan ka susa pangartian, oh pakasa etou rai mailek oh rai teguh iman, masusui mamuali kabinasaan nea sendiri, masuatte’ oh siniwo nea wia tulisan-tulisa walin ¹⁷ Taan nikamu, patuarikuwaya pailekan wia mo niitu tempo ndaipe nyai. Niitumo ma lilek-lilek eh kamu rai ka ngorem wia kalelengan ne tou rai mailek hukum, oh ndai mailang titimboyennu wia teguh ¹⁸ Taan tumoute wia ngorem kasih karunia oh wia ngorem pengenalan wia i Empung oh juruselamat ta, Yesus Kristus. Wia Nisia kamuliaan, taekan kaambo kaure-ure.