¹ Kumuramo e nabi-nabi tiruan antempo wiampuser tou ni Opo Empung , nitumo wia puser nikamu wewehan eguru-guru tiruan. Nisia mangongorem tuturu-tuturu lewo omaapu, onisia masesero e penguasa e timubus nisea kaapit lalan niitu maimawewehe kalekepan wia nawaknea ² Laker etou kumiit kapaaran nidopnea, kinawasa hawa napsu maan nisealalan kaulitan paawiten ³ Kai kasarakahan ne e guru-guru towo niitu, sea meinakut masarua nuntung wia nisea onsirita-sirita iapan tutunduk nea. Taan empasiwon-siwon nia niitu hukumen lako sinadia ongkabinasaan ndaimo katunda ⁴ Kai Opo Empung ndai maupus malaikat-malaikat e masiwo lewo taan mingkilako nisea wia ngorem naraka kasateintu mawewehema wia ngorem popot rimbun o masisi nisea kaambo-amboan. ⁵ O naam si Opo Empung rai maupus koatan purba, taan simalametik Nuh limila kaulitan niitu makaampi e pitu tou walina, tempo Nisea nimehemi dano bah wia natas koatan etou fasik ⁶ onan Opo Empung maapu kota Sodom ong Gomora ombaha, oh niitu maapu o sumiwo mamauali pagenang-genangen wa nise matoutou fasik wia tampa mahai ⁷ Taan sia simelamat i Lot, tou benar, ndai maena-ena mape’endis ongpangidopan netou rai mailek hukum opaarte makiit hawa nafsune, ⁸ Ka etou benar yai mena wia pasa nisea onan susur nendo lumoho o luminga pasiwo-siwonea i lewo nitu, orior jiwanea yang benar nitu mapeendis ⁹ Nikanyatamiomi i Empung mailek maseselamat etou benar wia pemawaan o mailek masisindek tou lewo opapeendisen wia nendo pangakiman ¹⁰ Katare nisea makiite kapaaran hawanafsunea kapaar macecemar nawak o maolok pemerintahan ni Opo Empung. ¹¹ Nisea berani rendai, oh sombong,o ndai maindek maujat kamuliaan ¹² Padahal malaikat-malaikat sendiri maan kahi sea keter o lembeh makawasa wia nisea, ndai mapala lila-lila hujat, sae malaikat-malaikat kumiwehe hukuman natas nisea wia sinaru ni Opo Empung. ¹³ Taan nisea masuat oe binatang panakasaan welenga masuat oe binatang enitoutemi pasikopen opaapun, nisea nimujat sapa endai pailekenea, oma peniwosiwon nea lewo nisea kai sandiri maabis tanu binatang siru, ¹⁴ omai sumungkul patouan lewo tanu neiwaerkalewoan nea melioliong susur nendo, nianggap nea nitu kasedapan. Nisea tanu sampah o noda, oe tineleu wia hawanafsu nea, sanisea rimumun kumaan o numonot mawali-wali onikamu. ¹⁵ Weren nea wuta nafsu sina inisea rai maseso meniwo-niwo lewo onisea mahelur etou leme. Natenea nimalatino wia angkasarakahan. Nisea mo etou kinutuk! ¹⁶ Kanisea timelaumo lalan kaulitan, o sea kaliong, osea kumiit lalan ni Bileam, eoki ni Beor , ipaar tumerima pawaeran wia pasiwoan i lewo ¹⁷ Taan i Billeam nimailek tuturu kete wia e kalewoanna, kai Keledai beban i wowo malila o semur ne tou omaape kakabalan nabi niitu. ¹⁸ Guru-guru tiruan niitu tanu mbanti pagigaran ninapera tanu rambun nairuke tou-tou wia nisea nimakasa tanu tampa wia gorem karimbunan rendai ¹⁹ Kaisea mangila-ngila lililaan sombong, congkak ongkosong ndai wana barguna o mapakete hawa nafsu, cabul, o mapipikat etou tou weru mareremeta nidop wia kaliongan. ²⁰ Nisea timantu kabebasan wia etou walina,padahal nisea sediri adalah babu-babu kalekepan, ka sei ikinala ne tou nisia babu ni tou niitu ²¹ Kasa niseaengkapailekei nea wia pengenalan oi Empung oh juruselamat nikita, Yesus Kristus, rimetamo nawak wia kakacemaran kaotan, taan nikalibatako wia goremena, lowisona lembe lewo ongkatare. ²² Kaniitu wia nisea lebe leos, sanisea ndai mailek lalan. Kaulitan dari pada mailek, taan tempo mai mareng sumoup wia parentah kudus pakilana wia nisea Wia nisea masua sapa nilila pribahasa em kabanaran yai iasu ni mareng wia luana, onan itiey mareng lumele wia lontang.