¹ Loho’en, taintu ka wangko nupus nai wehe ni yama ta wia nikita, o tare kita paila’an e oki ni yempung, naan nulit to kita oki ni yempung. Ni’itumo koatan ya’in ndai mailek nikita, ka koatan ndai mailek ni sia. ² Patuari ku wia nupus, tekan ya’in nikita oki ni yempung, ta’an ndai pe paileken sapa mamuali wia nikita witu rior; ta’an kita mailek sa Kristus mapolohomi i nawak kena, nikita mamuali tanu ni sia. Ka ni kita lumoho ni sia nggoremNa, ka ulit. ³ Sa e tou meweh arab wia ni sia, mubutul i nawak masuat tanu ni sia, ka butul. ⁴ Sa e tou sumiwo ingdosa lewo, lumangkoi i nukeem ni yempung, ka gou lewo ti’in lumangkoi i nukeen ni yempung. ⁵ na’an kamu mailek ka nisia ni mapalohomo inawakeNa, o sia rumou i ka gou lewoan, ka wia nggorem Na, ndai wana inggou lewo (dosa). ⁶ Niitumo sa e tou wiamo nggorem Na, ndai sumiwo inggou lewo, naan sa etou salalu sumiwo inggou lewo, endai lumoho na’an ndai kumenal ni sia. ⁷ Oki-oki ku tia pa waya esa tou ma susah ni kamu sa wewehan ma siwo ingka ulitan , ni sia ulit tame re’ken i Kristus ka nulit. ⁸ Sa sei i salalu masiwo inggou lewo, timuur wia i iblis, ka i iblis ma siwo inggou lewo wia tinuuranNa. Ni itumo i oki ni yempung mapaloho inawake Na. O itu patena pe niwo-niwon ni iblis ti’in. ⁹ Sa sei timou wia i yempung, ndai sumiwo inggou lewo kahin ka bibit i yempung wia pe nggorem na, na’an sia ndai toro sumiwo inggou lewo, ka nisia timou wia si yempung. ¹⁰ Nyaimo tandana e oki ni yempung na’an oki ni iblis; sa e tou ndai sumiwo i ka rendaian, indai tumuur wia si yempung, taintumo kangkahin sa sei inai maupus e patuari na. ¹¹ nya’mo nabar si nongol niu wia kenatuuren, niitu kita musti ma upus-upusan; ¹² ndai tanu ikain, timuur wia kenalewoan ka ni mate i tuarina, naan sapa reken sebabena osia patena? Ka sapa pa siwona lewo, naan pasiwon i tuarina mbutul. ¹³ Tiamo kamu maherang, patuari waya, sa koatan maseso nikamu ¹⁴ nikita mailek, ka nikita ni merahmo wia rarem imaut, ka nggorem ni nidop, ni itu mo kit maupus e patuarita sa wewehan ndai maupus, nisia mena wia nggorem imaut. ¹⁵ Sa itou maseso ipatuarina, nisia itou memate tou naan kamu mailek, ndai wana esa tou makapunya nidop ing kaure-ure wia nggorem inawakena. ¹⁶ Niitumo kita mailek i nupus ni Kristus, ka ni sia ni mehemo inawakeNa wia nikita. Ni itumo kita musti mehe i nawak kita wia e patuarita. ¹⁷ Sa sei wewehan imbutul ingkaotan na’an lumoho e patuariana wia kasiksaan ka indai wana sapa ta’an kimusite i loloangan natena wia e patuari na ti’in, kumura reken nupus ni yempung o tumahang wia nggorem inawakena? ¹⁸ Oki-oki ku waya kiya nupus ndai na’an kapatotor kaapa na’an lila, ta’an na’an pasiwon na’an nggorem kabutulan (kalenasan). ¹⁹ Niitumo pailekenta, ka nikita timuur wia kalenasan. Niitu mo kita torote matenang inate ta wia sinaruan ni Yempung. ²⁰ Ka kita pa tuduna, yempung lebe wangko ta’an nateta mailek i ni itu waya. ²¹ Patuari ku e kaupus, sa nateta ndai matudu nikita, o kita wewehan keberanian nulit tumeperi iyempung. ²² na’an sapa te pa kewehen ta, kita makailek wia ni sia; ka nikita sapa imparehona na’an sumiwo sapa ka paareNa. ²³ Nyaisa mo parehona ti’in: o kita ma ulit e ngaran ni Yesus Kristus, okina, na’an enikita maupus-upusan wia sapa impareho o niwehemi ni Kristus wia nikita. ²⁴ Sa sei sumiwo sapa imparehoNa, nisia timilau wia inggorem ni yempung, na’an yempung wia inggorem mena. na’an niitumo kita mailek, ka iyempung wia nggorem meta ka niitu roh ni karuniami wia nikita.