¹ Oki-oki ku waya-waya, nyai tulisenku wia nikamu o kamu rai sumiwo Dosa. Naan rai esa tou sumiwo Dosa, kita makapunya esa tou ni melet wia Bapa, siamo Yesus Kristus, i leos. ² Sia mo ma wehe dame wia pakasa nikita wia dosa o raite dosa ta waya dosa pakasa ne wia kaoatan. ³ O nyai mo tanda na, ka ni kita kumenali opo empung, saka kita kumiit perenta-perenta Na. ⁴ Sa sei lumila: Aku kumenal ni sia, taan sia rai kumiit perenta Nya, siamo to tumotowo, o witu gorem na rai wana kabenaran. ⁵ Sa sei kumiit Firman Na, tu gorem, tou ti nulit rai mo samporna wia ni wehemi ni opo Empung; ka ni itu mo kita mailek, ka kita witu gorem e Na. ⁶ Sasei lumila, o nisia wia gorem Na, sia musti tu mou masuat o Kristus memang timou. ⁷ Patuari-patuari wia leos, rai perentah weru ni tulis na wia ni kamu, taan parenta ure wia ni kamu wia kina tarean. Parentah ure tiin ni itu mo Firman lininga niu. ⁸ Naan parentah weru nai tulis wia ni kamu, o ni nyatami nulit wia gorem Na, o wia gorem niu. Ka karimbunan ni maapu mo ka nulit terang palohon no me. ⁹ Sasei lumila, nisia witu gorem terang, taan maseso epatuari na sia mo wia karimbunan ka ambo me taekan. ¹⁰ Sasei maupus e patuarina sia tetap wia terang o wia gorema rai wana penyesatan. ¹¹ Taan sei maseso e patuari na sia ni kagorem wia karimbunan o matou te wia karimbunan. Ndai pailekena wisa nako ana, ka karimbunan tiin ma rapa berena. ¹² Nyaku tumulis wia ni kamu, he oki-oki dosa niu ni ampungan no ka wia ngaran Na. ¹³ Nyaku tumulis wia ni kamu, he Bapa-Bapa, kani kamu ki menalo Nyaku, ka wia ti’nurana katare. Nyaku timulis wia nikamu, netou muda-muda ka ni kamu kater wia Firman ni opo empung nikapunek wia ni kamu, ka ni kamu kinalamei lewo. ¹⁴ Nyaku tu mulis wia ni kamu e oki-oki ka nikamu mailek i Bapa, Nyaku tumulis wia ni kamu e Bapa-Bapa ka nikamu kemenal nisia wia timuran Na nyaku tumulis wia nikamu hei tou pe muda-muda ka ni kamu keter wia Firman ni opo empung ni munek wia gorem niu o kimalame e lewo. ¹⁵ Tia mo kamu mawehe wia kaoatan ka sapa wia gorem ena. Kasitou mawehe wia kaoatan, ka kasih ni Bapa rai wana wia gorem ena o tiin. ¹⁶ Ka pakasa wia gorem i kaoatan, yaitu kaparan i nawak o kapaarn beren kaampit kasombongan nidop nda i wia Bapa, taan ni itu mai wia kaoatan. ¹⁷ Kaoatan yai ma apu, o kapaaran na, taan e tou makiit kapaaran ni opo empung, taan ni sie tumou maka ure-ure. ¹⁸ E oki-okiku yendo yai yendo ka lowis tanu wia lininga niu mako yesa anti kris i mai, taekan timooro laker antikris. Niitu tanda na, o endo yai niuli-ulit nendo yai nendo nai katilau. ¹⁹ Memang sea timou wia neliketa, taan sea rai ma butu-butul kagorem wia nikita ka sa sea butul-butul ma gorem wia onketa o sea butu-butul gumorem wia nikita. Percayan nu sa sea tuun rai ma wali-wali ni kita, taan saitu mamuali, niitu mamuali ka loho-lohoan, o rai pakasa nea ma butul-butul ka gorem wia ni kita ka rai pakasa nea gumorem wia ni kita. ²⁰ Taan kamu makai leko pengurapan wia e yang kudus, ka ni itu kai lekan niu mo waya. ²¹ Nyaku tumulis wia ni kou, rai kamu orai mailek kabenaran, taan memang kamu mailek ka nikamu kahi mailek, ka memang rai wana towo tinuwan kaleosan. ²² Sei sia tumotowo tiin? Raimi sia simangkal ka Yesus siamo Kristus? Sia mo antikris, ka ni namo simangkal i Bapa kaapa Anak. ²³ Ka sa sei simangkal Anak, sia kangkahi rai makapunya Bapa. Ka sa sei ma paar i Anak, sia kahi makapunya Bapa. ²⁴ O nikamu sapa lininga niu wia katerena, niitu musti mena wia gorem niu. Sa sapa lininga niu wia katarene, niitu musti mena witu gorem niu, ka nikamu tetap mena witu gorem ni Anak, o wia gorem ni Bapa. ²⁵ Nyaimo nai paar, nitaware Na mengesa wia nikita ni itumo nidop kaambo i kaure-ure. ²⁶ Pakasa niitu nikumo tulis wia ni kou, ka niitu timoro pakasa ne tou te ma totowa ni kamu. ²⁷ Ka niitu wia gorem nawak niu memang wehan pengurapen e wia tinerima niu wia ni sia. Ka kamu dai toro ajaren ne tou walina. Taan kumura mo ni urapen Na, maturu ni kamu wia pakasa na – o tuturu Na niitu benar rai selok – e kumura sia katare ma ajar ni kamu, tentumo kapaar niu o mena witu gorem e Na. ²⁸ O taekan, e oki kou waya, mena wia gorem ni Kristus, sa kumura ka sia mapa loho nawak Na. ²⁹ Sa kamu mailek, ka sia mo benar pakasa niu musti mailek, ka e tou, e simiwo e kabenaran, timou wia ni sia.