NAMA HIAL BA AJALI OLI ULANANGGA ¹ Ang muse,ging uling se tanda phal anu burang gomi jadi,nama hial anu fid miama gapakiang gene,oli uru giaka dumang jia.Oli ga sindal anga id karanu falung alo gabiang tang jia ² Nama hial adi aphor, gang oli ae ketang gomi, Gaketang anga gang bola ajali,anga gelang gang keta. ³ Seng muse,oli tanda ebeng anu burang gomimi jadi, Ulanangga anu gahul anga phipha,gabiang phiti toga,sengse gamuk karanu oli makota phiti toga ae ga biang tang. ⁴ Ulanangga gophal anga,gang miama id burang gomi anga,baka ng atoga uboga, sengmuse gang miama palika tang phei hela.Ulanangga phe nang angami nama hial ba bola ajali gahondal goami mate,kalo nama hial anga ajali angase gang gafal anga amogal. ⁵ Nama hial anga fal amu banu ugajali, Geng ba bangsa bangsa anga gang ga tekang olak miama upa renta, ibase fal anga nama utota geng phana Lahatala Gahondal goa mana palete ng mi. ⁶ Nama hial anga gang ehi Belantara babula gadang jema, manaba Laha tala usadia miama magena ng jema anghise, momi na ma gogaring galuang fid 1260. ⁷ Angmuse,milil phal toe surga gomi,Mikael mia ma gamalaekat gala,ging ulanangga gala milil.Oli ula nangga angdi gamalaekat gala,senghise ging milil ⁸ Ibase gingka kuat bana ga anga gelang,surga mi giemana ka ubanaga. ⁹ Ulanangga phal phenang, nama ging bariti galolang hela,geng miama mong ga boma gene,nama bola iblis (setan) gang dunia gamanu sia goda,nama ging miama gamalaikat gonong gala, ging bariti dunia tang hela. ¹⁰ Nang oli umagia nama gamang phal anu surga mi ubagang sebola, "Adise salamat phenang adu jema, Lahatala gakuasa ga' abang galeleng, oli Kristus gakuasa anga gelang karna pikaku gonong ba ging aphali, Lahatala gahondal goa, mau ilkakua nagaba iliali gomi, anga gelang nama ging phei galolang hela jema. ¹¹ Gang gene ging kala Jumba Fal kuasa gafee gomi, oli gitutuk giubagang gomi, sebab gingka gidiri anga, giomika miama gijahi banaga, masiking aminang asinang ging tang adu ging tang ma, ¹² Anga gelang ing su ka nafara hai sorga oli il rupa karanu ba ae sorga gomimi miha! Ibase ing ba dunia tang silaka, oli tang phal tang. Sebab iblis ae iola hela jama, gang gomi tatabi kalila mi phal, sebab ging geli sebola, gioras se mang talalu apal jema. ¹³ Ulanangga anga gang geli sebola,gaoras nama geng bariti dunia tang hela jema,gang angmi nama hi al ba fede fal amu uga jali anga,gang geng sanikong. ¹⁴ Ani ibase nama hial anga nama gaphet phal alo miama mageng, anghi se gang bisa lila belanrara babula gemana mi jema.ta tami mana anga nama ang ami gogariang,galuang ora s anu alo gomimi,oli oras hingkul edeng,miama mong anga galeta. ¹⁵ Mong anga jial mia ma gagmi luang,garupa jial mol molo,miama nama hial gadang, bola nama hial geng gene gang gomimi hola. ¹⁶ Ani ibase palika gang gomoling,palika gag buka jial ajimi totu gomimi jema,jial ba ulanangga mia gogapi anga. ¹⁷ Ang mu se mong phenang gomi ta tabi miama nama hial gaka lila,gang mate jema bohula nama hial gafal gaebeng anga gonong giala milil, phenang ba namaba suka Lahatala gaparenta ugalua li,sengse suka Yesus gahur umagia sengse oli ukaraja ng. ¹⁸ Ulanangga gang tang gadingkil mi mate.