SAKSI ALO ¹ Ang muse gang anga mi phul anu miama mame neng, garupa anga tekang miama il sudi molo,seng muse gang ubagang sebo la,nua ba jema E Hmolang oli ga mimbar anga sudi,oli ging ba'ae go mimi samba jang andi ² Ani ibase,E Ha molang gababula balela ng gomi anga,ake sudi ga nang sebab anga miama bangsa-bangsa ebeng ge nang jema,ging kuli kota hamolang anga tang lamal tang mate galuang anga uru 42. ³ Nang kuli na kuasa miama saksi alo ginang, ging kuli nubuat gene ga luang fid 1260, ing amina ng gail paha ba pake," ⁴ Ging adi ba Zaitun te alo,oli Lampu giaka alo, ba'ae bu rang palika ga Lahatala ga hondal goa mate anga ⁵ Oli namaba bola giomi ang a gene gakete,angase ad gi ag gomi kaluar gipia,ging faling kamuangtil migapho hing,miama namaba gomi mia gite gadang. Nama ala lang angaba gomi miama giketa, angase ging kuli amina garupa agani ⁶ GIbala adi gi kuasa mia ma burang utiali, anga ge lang ai dika hela banaga, galuang ging do nubuat gene jia.Oli gikuasa miama tang gadang,ging bisa tang anga gabuala jadi fee. Oli oras miananu gomimi ging bola palika adi gajahing, ging gene gimau anga ba ugaluali. ⁷ Oli jema gi sa rinta anga gaumatemi se ngse, Binangta ba aminang naphuak ga'abang gomimi kaluar,giala milil bola ging lafang, seng muse ging kala ging angami gene tamina. ⁸ Oli nama alo gibaring anga ae fiag phal hahama mi jia,mang gakoli sebola Sodom oli Mesir,tami Pima naking nama angmi geng salib. ⁹ Oli bangsa ajimi,aba ng ajimi,oli hur-hur ajimi, nama alo gibaring anga gauling,galuang fid 3,5 go mi,nama gio galolang ga baring anga, phana kum bur gomi gapotung bana ga. ¹⁰ Ging ba gie dunia tang miha adi,ajimi suka nafera,ging sadaka miama tapanatu,anu miama anu genang,sebab nabi alo adi ba ging gene susa,kalo gi ngdo aphetal gie dunia tang. ¹¹ Agani ibase fid 3,5 gomi ang muse, Eang Aphetal Lahatala gabung adu,baring alo anga giomi gomimi maso,angmuse ging giaka tang mate,anga gelang namaba giuling aji mi baruati. ¹² Angmuse, nama gamang phal phal an u toe sorgami hela,giala tu tuk ubagang sebola,"Nua ba mada!", Angmuse nama alo phenang,bano dol tang toe sorga mimida,gi pha long ajimi gieng tang mate uling geli. ¹³ Oras anga gomimi palika tadili phal-phal jadi, anggelang kota bakang karanu rafak, nama 7000 amina, sebab palika tadili anga gelang. Oli ging ba amina banaga anga, giphu kang mali anga gelang, ging Lahatala sorga mi gane tajaning. ¹⁴ Susa gamialo fa gio hapha jema, sengse oli susa gamia toga angmi safaka ging tang adu. SORONG GAMI PHITI TOGA GAMANG ¹⁵ Ang muse malaekat gami phititoga sorong gapi,nama gamang phal-phal toe sorgami tutuk uba gang sebola, "Dunia gaparenta phenang ajimi miama pi Lahatala gaparentta gene, Penangba Gemba nama Geng lomang jema, "Geng angaba paren ta puni ani gegjia geg mega." ¹⁶ Ang muse,nama boma karalo falung phuta ba mana gatela tang Lahatala gahondal goa miha geng uada, sengse ging Lahatala geng uada, ¹⁷ Ging tutuk sebola. "Ning tarima kasi ubaga ng miama mamenang O, Nimang Engba Lahatala akuasa anga phal, Engba ae, Ang oli tulang mi ae, sebab Engba kuasa phal anga mia pini jema, ang oli mulai parenta. ¹⁸ Oli banga-bangsa, giomi kalila jema, ibase omi kalila anga adu jema, oli adise gaoras ang bohula nama amina ging parisa, sengse gisefa miama gamalal, nabi-nabi oli ga nama hamolang, gingba Ane anga nama uphali ling mau fal kakiri, nagaba oli nama phal, Gang oli nama ba dunia gajahing gabutung anga Gang gijahing gibutung. ¹⁹ Angmuse E Hamolang sorga mi balelang,nang uli ngse,Piti Perjanjian Lahata la geg anga ae ga E Hamo lang gomi,sengmuse il me lak,oli il duna,palika tadili, oli ai es phal phal ba hela.