¹ Oronawe netti, ne maghinna da'i dommo bage penghukuman tagu ata a gha'ina barrana Yesu karittu. ² Niawe, hukum Roh Moripa ne barra Yesu karittu na pamerdekami Yemmi wali hukum dirraka monno maut. ³ Niawe, appawe ne dappa rawina ne Hukum Taurat orona bapabengolah neghe kana'a, na Mori na rawige waina cara bana patukai ana-Na douna tagu jadi serupa waina atapia a dirraka monno apadughuna waina dirraka, Nia menghukum dirraka ne barra kana'a, ⁴ Ga'ika tuntutan Hukum Taurat aponnuwe barrada ghitto a da moripa menurut kana'a, takka menurut Roh. ⁵ Niawe ghidda a moripa menurut kana'a, apangadage hal-hal a bersifat kana'a, takka ghidda a moripa menurut Roh, apikirkan hal-hal a bersifat Roh. ⁶ Niawe neghe pikiran pa arada barra kana'a niado maut, takka pikiran pa arada barra Roh niado moripa monno magheghera ate. ⁷ Orona pikiran pa arada barra kana'a patentangda Moro; Niawe nia danna kaghodoki barra Hukum Mori, bahkan danna koleki barawige. ⁸ Monno, ghidda a moripa ne barra kana'a dappa koleki bapasenangai Mori. ⁹ Niaka niawe, yemmi dappa moripaki barra kana'a, takka barra Roh niaka Roh Mori memang dangi ne barra yemmi. niawe, niaka ia ata dappa terrekina Roh Karittu, nia da douki-Nei ¹⁰ Takka nia,niaka karittu gha'i ne barra yemmi, walaupun toumu mate orona dirraka, takka roh moripa neghe orona adua. ¹¹ Takka, niaka Roh Nia a pakede Yesu wali mate dana dangi nebarramu, Nia a pakede Yesu karittu wali mate kaina na yawe moripa barra toumu a fana lewata Roh-Na a dangi barra yemmi. ¹² Niawe, oledadi-oledadi, ghitto neghe ata-ata a paghutta, takka da barra kana'a ke, ga'ika moripa menurut kana'a. ¹³ Niawe, neghe yemmi moripa menurut kana'a, yemmi bi mate, takka neghe oro Roh yemmi bi pamate parawi-parawina toumu, yemmi a moripa. ¹⁴ Niawe, ngarakua ata ne papimpinda ne Roh Mori niado ana-anai Mori. ¹⁵ Niawe, yemmi di deibake roh atapapawede dommo a padadige madauta, takka yemmi bi deiba Roh a keketa bami yemmi jadi ana-anai Mori, ne lewata Roh netti ghitto ta kawaro, " Abba ,Ama!" ¹⁶ Roh netti douna bersaksi za ma dangai rohda ghitto bahwa ghitto kaina ana-anai Mori, ¹⁷ Monno neghe ghitto kaina ana, ghitto kaina neghe pewaris, pewarisai Mori, monno sesama pewarisai dangai karittu; niaka ghitto dua-dua dangai Nia, ghitto kaina neghe pamuliakan zama-zama dangai Nia. Ana-Anai Mori a Deiba Kemulian ¹⁸ Niawe, Zuawa kuanggapawe bane karoduka-karoduka ne maghinna ne dappa banding dangaki kemuliaan ne papa oudada barrada ghitto. ¹⁹ Niawe, ngarakua parawida sangat rema-rema dangage monno rinduge sata ana-anai Mori ba boghoge. ²⁰ Niawe, ngarakua parawi neghe apakaghodoge barra kesia-siaan, da menurut pabei doukina, takka menurut pabeina Nia a pakaghodoni, tagu dasar parema, ²¹ Ga'i ngarakua netti parawi kaina a pamerdekai wali perbudakan kebinasaan aro kemerdekaan ana-anai Mori abonnuna kemuliaan. ²² Niawe ghitto padde bahwa ngarakua parawi zama-zama mengerang monno karita karoduka pa'ana dukki ne maghinna ne. ²³ Monno daniake neghe, takka ghitto douna a deiba ghuwa kabodi Roh kaina mengerang barra touda ghitto douna, sambil bata remage bakeketada sebagai ana, niadona penebusan touda ghitto. ²⁴ Niawe, ghitto atuluda ne barra paremada. takka nia, paremada ne paoudana da parema dommo bake, niawe garragu appa remana neghe appa ne paetana? ²⁵ Takka niawe, neghe ghitto paremage sesuatu neghe ghitto dappa etada, ghitto taremage dengan tekun. ²⁶ Ne ghinna kaina, Roh natuluda ghitto ne kelemahanda ghitto; niawe ghitto dappa paddeki peina neghe ghitto bata tabaya, takka Roh douna a bersyafaat tagu ghitto monno erangan-erangan ne dappa teki da ole pateki-pateki. ²⁷ Monno, Nia a selidiki ate paddege appa maksud Roh netti, Orona Nia bersyafaat tagu ata-ata zingira sesuai pabeina Mori. ²⁸ Monno, ghitto paddege bahwa ngarakua na napahilli pa'iya-iyana tagu duana ata-ata a manawarai Mori, netti ghidda ne pakadangada sesuai parancangana Mori. ²⁹ Niawe, ghidda ne pakena-Na sejak semula, kaina neghe papatubada wali awalla tagu jadi serupa nagha gambaran Ana-Na, ga'i Nia jadi kabodi ne tillu luwana oledadi. ³⁰ Ghidda neghe papatuba-Na sejak awalna, kaina pakadanga-Na; monno ghidda ghidda ne pakadanga-Na, kaina papabenar-Na monno ghidda ne papabenar-Na, kaina pamuliaka-Na. Manawara Mori Barra Karittu Yesu ³¹ Niaka, appawe ne ghitto patekida tagu ngarakua ne? nagha Mori bane'eku barrada ghitto, garrai a lawada ghitto? ³² Nia ne da panawarai ana-Na douna, takka na yawe Nia tagu ghitto ngarakua, peina Nia nazama-zama dangai Nia dappa kanurruke ngarakua sesuatu tagu ghitto? ³³ Garrai ne a mendakwa ata-ata papedena Mori? Mori na paduwai ghidda. ³⁴ Garrai ne a yawe hukuman? Yesu karittu a mateba, bahkan ne pakedebada wali mate dana, namadi'i ne balika wanona Mori tagu bersyafaat tagu ghitto. ³⁵ Garrai ne apeghada ghitto wali manawarai karittu? appa penindasan, atau kesulitan, atau penganiayaan, atau karena, atau kagola, atau bahaya, atau katopo? ³⁶ Zama ne gha'ina patulisa, " Demi Wou, yamme ne'ema barra bahaya maut malou rapa; yamme a'anggapama sebagai bebe-bebe paropoda." ³⁷ Nia takka, barra ngarakua neghe, ghitto Levi wali barra para pemenang ole Nia a manawarada ghitto. ³⁸ Niawe, zauwa apayakinga bahkan da mateke maupun moripa, indaki kaina malaikat -malaikat maupun atapareta-atapareta, inda kaiki hal-hal ne maghinna maupun ne a mai, kekuasaan, ³⁹ Inda niake ne gha'i me Togo maupun ne gha'i ne kabu, atau suatu parawi wedeka, mampu bana pengahda ghitto wali manawarai Mori, ne gha'ina barrai Yesu Karittu, Marambada ghitto.