¹ Appa yemmi dipaddekige, hai Oledadi-oledadigu ( Niawe zauwa tekiwe barra ghidda a paddege Hukum Taurat), ba ne Hukum Taurat berkuasa Togo tou ia ata nemado'ina ata netti moripa? ² Orona netti, ia ata maghinne a menikah akettena secara Hukum barra alaummana nemado'ina nia moripa; takka nia alaummana mate, nia apa sille wali hukum pernikahanna. ³ Niaka, nia maghinne netti menjadi maghinneda kabani-kabani wedeka selagia na la'ena na moripapo, nia a teki pezina, takka na la'ena namateko, nia pasilli wali hukum nia da tekiki pezina bana nikako dengan kabani-kabani wedeka. ⁴ Orona netti, Oledadi-oledadigu, yemmi kaina bi mate tagu Hukum Taurat lewata tou karittu ga'ika yemmi jadi milik a wede, niado Nia ne papakededa wali matedana niaka ghitto ta kolege ghuwa tagu Mori. ⁵ neghe ghitto bata moripapo barra kana'a, hawa nafsu dirraka ne paransangda oro Hukum Taurat paghilli barra anggota-anggota touda ghitto tagu kolena ghuwa tagu maut. ⁶ Takka nia, nemaghinna ghitto a pasillida wali Hukum Taurat, ta mete barra appa ne waina akeleda ghitto niaka ghitto nemaghinna talayani barra keadaan a baru menurut Roh, da menurut hukum amado'i ne patulissa. Dirraka monno Hukum Taurat ⁷ Niaka niawe, appawe ne ghitto patekida? appa Hukum Taurat dirraka? sekali-kali indaki! kaballekana, zauwa baku paddekige dirraka kecuali lewata Hukum Taurat, orona zuawa daku mangertikige arti wali baku Heidi milikda ata wede niaka Hukum Taurat danna tekike," du beikage." ⁸ Takka niawe, dirraka na deke padou lewata pareta netti tagu kolege neghe macam pabeida barra tougu; niawe tanpa Hukum Taurat dirraka na matewe. ⁹ Waina zauwa moripa tanpa Hukum Taurat, takka neghe Hukum netti ammige, dirraka jadi moripa monno zauwa mate; ¹⁰ Monno pareta ne, a seharusna ghidi barra Moripa, justru napinpinga barra maut. ¹¹ Niawe, dirraka na deke padou lewata hukum netti tagu tipu monno napamatega. ¹² Niawe Hukum Taurat netti na Zingira, monno hukum netti zingira, benarra monno Nadua. ¹³ Niaka ghinnawe, appa ne dua netti naghidiwe pamate danga tagugu? sekali-kali indaki! dirraka ne akolena maut ne barragu lewata appa me dua ga'i kana nyata bawa dirraka niadona dirraka, monno lewata hukum netti dirraka makin nampaka dirraka danana. Pertentangan ne Barra Touda Ghitto ¹⁴ Niawe ghitto paddege bahwa Hukum Taurat bersifat rohani, takka zauwa bersifat jasmani, laku ne kabu dirraka. ¹⁵ Niawe, zauwa daku mangertikige appawe neghe parawigu orona zauwa dakku rawikige hal neghe pabeigu, melainkan zauwa ku rawige ne hal pabuttugu ate. ¹⁶ Takka nia, niaka zauwa ku rawige suatu hal ne dappa bei rawigu, zauwa kusetujuwe bawa Hukum Taurat netti naduawe. ¹⁷ Niaka nemaghinna, da zauwa dommo baki a rawige ne, takka dirraka a moripa ne barragu. ¹⁸ Niawe, zauwa paddege bawa da'iki hal a dua a moripa ne barragu, Orona nepabei netti gha'ige ne barra tougu, takka tagu rawige a dua netti indaki. ¹⁹ Niawe, zauwa rawige a dua ne pabeigu, takka zauwa rawige hal a bokala, ne dappa beigu! ²⁰ Niawe, niaka zauwa ku rawige ne hal ne dappa bei, netti da zauwa dommo baki a rawigene, takka dirraka a moripa ne barra zauwa. ²¹ Niawe, zauwa kutoboka hukum ne, niado: ba zauwa beige rawige hal a dua, bokala kaina gha'ige barragu. ²² Niawe, zauwa beige ne Hukum Mori ne barra ate danagu, ²³ takka ku eta hukum wedeka barra anggota-anggota tougu a berjuang lawage hukum akal budiku monno apattuga ne barra hukum dirraka ne gha'ina barra anggota-anggota tougu. ²⁴ Zauwa atapia celaka! garrai a tuluga zauwa wali tou maut neghe? ²⁵ Syukur barrai Mori lewata Marambada ghitto, Karittu Yesu! ²⁶ Niawe, neghe akal budigu, zauwa layani hukum Mori, takka neghe tou jasmanigu zauwa layani hukum dirraka.