¹ Niaka zauwa matuwa, " Appa Mori na tolaka Umat-Na?" Sekali-kali indaki! Niawe, Zauwa douna kaina ia ata Israel, keturunan Abraham. ² Mori danna tolakake Umat-Na ne pa pedede-Na wali awalla. appa yemmi dipaddekige appawe ne Zurata Bia patekina tagu Elia, rapa nia bana pa'aduzi Israel barrai Mori? ³ " Marambada ghidda na pamatei nabi-nabi-Mu, ghidda Bu paruntuh mezbah-mezba-Mu, monno hanya zauwa ia ata douna a engapona moripa, monno ghidda hendak bapamatega." ⁴ Takkan nia, appawe tanggapan ilahi ne payada barrana? " Zauwa enga ga'ipudi 7.000 ata tagu-Gu, da pernah kaghodo deika barra Baal." ⁵ Nia kaiwe neghe maghinna, gha'i suatu karemutana ne papede berdasarkan kanurru. ⁶ Takka nia, niaka berdasarkan kanurru, niaka dania dommoke pawai parawi, niawe niaka tagu kanurru dania dommoke jadi kanurru ⁷ Lalu peina? Bangsa Israel gagal kolege neghe appa ne paghegana, takka ghidda ne papededa justru kolena, sementara me wedeka na pakotoge atena ⁸ Zama gha'ige ne patulissa: " Mori nayadi ghidda roh aduka mata, mata da bisa eta, monno katillu a da bisa reghe, dukki lodo neghe." ulangan 29:4; Yesaya 29:10 ⁹ Monno Daud na tekiwe: " Ga'ikoge meja perjamuan ghidda menjadi jerat monno perangkap, menjadi watu sandungan monno pembalasan tagu ghidda. ¹⁰ Ga'ikodi matada ghidda pakapattadi ga'i ghidda da etakana, monno punggungda ghidda apaka ghuddura terus-menerus." Masmur 69:23-24 ¹¹ Niaka, zauwa matuwa, appa ghidda katunnurra ga'ika warraka? sekali-kali indaki! takka nia, orona palanggarada ghidda, toleka na mai barra bangsa-bangsa da Yahudi, ga'i rawige ghidda cemburu. ¹² Niawe, niaka palanggarada ghidda menjadi poteda tagu ponnu tana, monno gagalda ghidda menjadi poteda tagu bangsa-bangsa da Yahudi, niaka louka-louka dommo kesempurnaanda ghidda! ¹³ Ne maghinna zauwa paneghe barramu, hai bangsa-bangsa da Yahudi, justru orona zauwa kaina rasul tagu bangsa-bangsa da Yahudi, zauwa memuliakan pelayananku, ¹⁴ Ga'i Zauwa kole rawi oledadi sebangsagu cemburu, monno tuluga beberapa ata wali ghidda. ¹⁵ Niawe, niaka penolakanada ghidda berarti padamai tagu ponnu tana, appawe Artina badeiba ghidda wali moripa ne tillu a mate? ¹⁶ Niaka Roti ullu kaina zingira. Monno niaka kalarritana zingira, niaka kara'a- kara'ana kaina zingira. ¹⁷ Takka nia, niaka pirra cabang ne papatada, monno yemmi, ne secara tunas liar a pacangkokkan ne tillu ghidda monno turut kolege bagian barra kalarrita monno rittona pu'u ghayu zaitun netti, ¹⁸ Ammana patakossuka barra kara'a-kara'a netti. Takka nia yemmi takossuka, lolowe indah yemmiki a topangana kalarrita, takka kalarrita a topangami yemmi. ¹⁹ Mungkin yemmi paneghe, " Kara'a-kara'a netti atikkupage ga'i zauwa kolege bacangkokkan." ²⁰ Netti duawe! ghidda atikkupai orona dawaige ghidda, takka yemmi dede tegakka orona atewai. ammana pa takossuka, takka madauta ²¹ Niawe nia Mori danna manawarakige kara'a-kara'a asli, Nia kaina danna manawarakimi yemmi. ²² ole Orona netti, etawe Diana monno kerasna barra ghidda ne a warraka, takka Duwana Nia Barra yemmi kaina yemmi enga dangi ne barra dua-Na. niaka indaki, yemmi kaina a kerri. ²³ Monno ghidda kaina, niaka ghidda da terus-menerus barra dappa waida, ghidda a cangkoka orona Mori berkuasa tagu mencangkoka ghidda bali. ²⁴ Niawe, nia yemmi a kerri wali appa ne secara alami ne pu'u ghayu zaitun liar monno acamgkoka barra pu'u ghayu he patodaka, a berlawanan ne sifatmu, inda lummu dommo ghidda ne a kara'a asli a cangkoka barra pu'u ghayu zaitun ghidda douna? ²⁵ Niawe, oledadi-oledadi zauwa daku beikimi yemmi paddege rahasia ne ga'i yemmi ammana pa'anggapa toumu bijaksana, ba ne sikap keras katowa nippage sebagian Bangsa Israel dukki barra penggenapan Bangsa-bangsa wedeka adukki. ²⁶ Monno niawe, ngarakua ata Israel ne patuluda. zama neghe patulissa, " Tagu deito na mai wali Soon, monno Nia na saikarage nedappawai wali Yakup. ²⁷ Monno neghe niawe perjanjian-Gu monno ghidda, bane Zauwa kuketadi dirraka-dirrakada ghidda." Yesaya 59:20-21; 27:9 ²⁸ Menurut Injil, ghidda ne musuh tagu yemmi, takka menurut papers, ghidda neghe ata-ata ne pamanawara tagu ama kawedada ghidda. ²⁹ Niawe kanurru monno pakanangai Mori dappa kolege babatalge. ³⁰ Niawe, Zama neghe yemmi ne waina dappa taatki barrai Mori, takka ne waina a deiba manawarai orona dappa taatta ghidda; ³¹ Neghe nia kaina ghidda ne maghinna da taat ga'i oro manawarai Mori ne panyatakan barramu ghidda kaina a kolege manawara. ³² Niawe, Mori na ta'idi ghidda ngarakua barra ne dappa taatda ga'i Nia kolege bana boghoge manawara-Na barra ngarakua ata. Dodo Tagu Mori ³³ Oh, alangka Madalena potena monno bijaksanana monno paddena Mori! Betapa dappa selidikike papotana-papotana-Nia monno danna terdugake lara-lara-Na! ³⁴ " Niawe, garrai a paddege papangadana Maramba? Atau, garrai a bisa yani Nia nasihat?" Yesaya 40:13 ³⁵ " Atau, garrai a pernah yawe sesuatu barra-Na ghetti pona, monno harus balas ole-Na?" Ayub 41:11 ³⁶ Niawe ngarakua sesuatu kaina wali Nia, monno oro Nia, monno barra Nia, tagu Niado kemuliaan dukki Moriwali-moriwalina! Amin.